¹ Pembele miaka kyumi na inii alinendile kanki ku Yelusalemu palumui nu Barnaba. gaa nanumusola u Tito palumui ninene. ² Alinendile kunsooko Mukungile alulizikile kumwane kina alinijipiile kuyenda. Alimbikile ntongela yao impola nalinimitanantilyeku antu ansii.( lakini alintambuile kuunkunku ku nalialingikile kin aatongeli nakikulu.) Alintendile itii kuyakikishia kina ali sikanimankaa, hau alimankile nakandaa. ³ Lakini sunga u Tito, nali wipalumui ninene,nali muyunani, nukankanikua kutwalua ikumbe. ⁴ Ikintu ikii alikipuniile kunsooko ya antua aulongo naliizile ku unkunku kukolekelya uhulu nali kutiite ku kilisito Yesu. aliatite nsula ya kukutenda ishee kutula asese wa shalia. ⁵ Sikalikwipunilie kuategelaa sunga ku tungo limui, kunsooko impola ya kulukulu isagee kukyila kukailika kumiani. ⁶ Lakini ioo naliatambuile kina ali atongeli sikaliasangile kyensi kumwane. Kyensi nali akikitendaa alikigila ka ndogolelyo kumwane. Mukungile sikalugombile ukuilya wa antu. ⁷ Badala yakue, aliamunie kina numusuilue kutanantya impola ku ioo nali sikaatulue ikumbii. aliyili kina Petelo watanantye impola kwa naliatwalue ikumbii. ⁸ Ku ndogolelyo Mukungile, aliwitumile mulimo mukati yaki Petelo kunsooko ya utumua ku ioo naliatwalue ikumbii, gaa aluwitumile mulimo mukati yane ku antu a nsii. ⁹ Itungo u Yakobo, Kefa, nu Yohana, naliamanikile kutula aliazengile ipolelyo, alialingile uukende nalinumupegue inee, aliakusingile ku ushilika inee nu Balnaba. aliatendile itii kunsooko kuuke ku antu a nsii, na kunsooko asuume kuyenda ku ioo naliatwalue ikumbii. ¹⁰ Gaa aliakusiilye ishee kukuajukaa iatuka. inee gaa alintite nsula kukituma ikintu ikii. ¹¹ Itungo u Kefa kina nuiza ku Antiokia, nanumusitilya peelu kunsooko aliwatyulagia. ¹² Kabla ya antu akyei kuiza kupuna kwaki Yakobo, Kefa alukulia palumui ni antu a ansii. Lakini iantu iaa kinaliizile, alulekile nu kulega kupuna ku antu a nsii. aluyopoka antu nali asiilye ikumbii ¹³ Iyoiyo Ayahudi naingi naakamantana nu ukinilii uu palumui nu Kefa. upunili wakue naitula kina sunga u Balnaba nusolua nu ukinili wao. ¹⁴ Lakini kina namona kina ali sikaityata impola nya kulukulu, nanumuila u Kefa ntongela yao tulu, kina inyee ingi mwa Ayahudi lakini mukikala nitabia za antu a nsii badala ya tabia za Ayahudi, kunsooko kii mukiakankanika iantu ansii kukikala ¹⁵ Ishee nakwa Ayahudi kwa kulelua na sika ''antu a nsii natite milandu'' ¹⁶ Lingaa kina kutilii nuyaligua ihaki kumatendoma shalia. badala yakue, iyaligua ihaki ku usuili mukati yaki Yesu kilisito. Alikwizile ku usuili mukati yaki kilisito Yesu ili kina kuyaligua ihaki ku usuili mukati yaki kilisito na sika ku matendo ma shalia. ku matendo ma shalia kutili mwili nakiyaligua ihaki. ¹⁷ Lakini kina kukumuduma u Mukungile kwa kukukualilya ihaki mukati yaki kilisito, kukiagana ndishe gaa kutula ana mulandu, mbii kilisito alimutendwe musese wa milandu? sika iyo! ¹⁸ Kundogolelyo kina nzenge utegemili wane kyanya ya kutunz ishalia, tyegemelo ali nakondaa kulilegya, nikilagila nene kutula muuna shalia. ¹⁹ Kukyilila shalia alinkilee ku shalia, kululo injipiile kukikala kunsooko yaki Mukungile. ²⁰ Numukonontelue palumui nu kilisito. sika nene kanki nanikikala, ila kilisito ukikala mukati yane. uukalii nanikikala ku mwili nikikala kuusuili mukati yaki mwana waki Mukungile, nalu ndogilue nwipunia kunsooko yane. ²¹ Sikanukuukana uukende waki Mukungile, kundogolelyo kina haki alikolii kukyilila shalia, basi kilisito alijilee ukilee nankanda.