¹ Inee ingi ni Paulo mutumua. Inee sika numutumua kupuna kwi anatu wala kukyilila ku muntu, lakini kukyilila kwaki Yesu kilisito nu Mukungile tata nalumwiule kupuna ku akii. ² Palumui ni antu tulu ni nene, nikimaandikila makanisa maku Galilaya. ³ Ukende utule kumianinu usuili naukupuna kwaki Mukugile tata witu nu Shekulu Yesu kilisito, ⁴ aliwipunilye mwene kunsooko ya milandu yiitu kululo wakugune ni matungo igaa ma udobu, kupunila nu ulowa waki Mukungile wiitu nu tata. ⁵ Kumwakue utule ukuligua ikalii nakalii. ⁶ Nikulilua kina mupulukilya kuukau ku mpola zingii. Nikulilua kina mupilukiilya kulii kupuna kumuakue mwene nalumwitile ku ukende waki kilisito. ⁷ Kutulii mpola nyingii, lakini akolii akyii a antu naakumusakya inie uluago nu kutyaka kukaila impola zaki Kilisito. ⁸ Lakini sunga kina ingii ishee hau amalaika kupuna kugulu ukikumazukya kumiani impola sia nindizo nalikukamazukilye kumiani, nuazumwe. ⁹ Kinali kulikitilye pamuandio, ni inono nilikitya kanki, '' kina ukoli muntu ukakumukumazukilya kumiani impola sia nina mumipokelile, nuazumwe.'' ¹⁰ Apa inono niduuma utaitai wa antu hau Munkungile? Niduuma kukualumbia antu? kina nilongoleka kugema kukialumbia antu,inee sika numuitumi waki kilisito. ¹¹ Antua, nsiilye inyee mulinge kina impola nalinimikumazukilye sikipunanile ni antu. ¹² Sikalinimisingile kupuna ku muntu, wala sikalinumumanigue.Badala yakue, ali ingi kuukunukulua waki Yesu kilisito kumwane. ¹³ Mwakondii igia kyanya ya ukalii wane wa numa ku dini nya Kiyahudi, kina aliniyagaa ku utakii ipolelyo lyaki Mukungile kukyila ikipiimo nu kukulikaminkilya. ¹⁴ Alinali nendelile ku dini nya Kiyahudi kukyila antu ane ingii Ayahudi ¹⁵ Lakin Mukungile alimulogeligue kunchagula inee kupuna mundaa yaki mau. Alunitiile inee kukyilila kuukende wakue. ¹⁶ Kukumulagila umwana wakue mukati yane, kunsooko numutanantye umwene muntongela ya antu ansii. Wala sikalindumile usigigua wa mwilii ni migali ¹⁷ na sikalinankile kuyuka ku Yelusalemu ku ioo nali atumua kinali kyili inee. Badala yakue nanenda kuualabuni ni pembele kushoka ku Damesiki. ¹⁸ Kina nikila miaka itatu nanankila kuyuka ku Yelusalemu kukumugendela u Kefa, nanikala nunduyo ku ntondo kyumi na zitano. ¹⁹ Lakini sikanamona iatumua naingii ila u Yakobo, muntua waki Shekulu. ²⁰ Laa, ntongela zaki Mukungile, sikanilomboka ku ikyoo nanikikiandika kumiani. ²¹ Kangi nanenda kumikoa ya Shamu nu ku Kilikila. ²² Sikali nkumazukile ku miso ku mapolelyo ma Ayahudi igoo nalimiili ku Kilisito, ²³ lakini aliakwigagia du, umwene nalukuwagia inoo utanantya usuili nalikula ukuuonona. ²⁴ Aliakumukuliya Mukungile kunsooko yane.