¹ Kululo, kinali sikakusuumile kukiumatilya kukyila, nakusiiga kina iliiza kushaga uko ku Asene kung'ene ndishe. ² Nakumutuma Timoteo, mntua witu na mwitumi waki Mukungile ku injili yaki kilisito, kukiakamya nu kukuapolelya kuyusiana nu usuili wani. ³ Alikutendile igaa kina kusudi walekitula ukoli wensi nwa kutulya kupunila nu wagigwa uu. kunsooko ninyee mulingile kina kwakonditeulwa ku ajili ya ilii. ⁴ Ku kulukulu, tungo kinali kwipalumui nininye, alikutongile kukumuilaa yakina alikwipiipi kuligya uwagii, ni maso alimapunile kina namulingile. ⁵ Kunsooko iyii, kina sika nsuumile kukiumatiilya kanki, nanumutuma ilikusudi ndigye kulinga usuili wani. hamwi mugemii alihamwii wamugemaa, nu mulimo witu utule ingi nankandaa. ⁶ Lakini u Timoteo aliwizile kumwitu kupunila kumwani nukuletela impola nanziza kyanya ya usuili nu ulowa wani. Alukuilile yakina mutite kijukijukinakiiza kyanya yitu, nikina mutite nsla yakuona kina iyo nindishe kutite nsula kukumuona inyee. ⁷ Kunsooko iyii, antua alikwipolilye zigi ni ninye kunsooko ya usuili wani, ku lwago nu wagii witu tulu. ⁸ Ku inoo kukalile, kina mwimike mwakamu kwaki Shekulu, ⁹ Kwani ingi shongelyo nalyii kumupele Mukungile kwa ajili yani, ku ulumbi tulu nakutite ntongela yaki Mukungile kyanya yani? ¹⁰ Kulompa zigi utiku ni munsii ili kusuume kuyona usiu wani nu kukumongelya nakikeepa ku usuili wani. ¹¹ Mukungile witu nu tata mwene, nu Shekulu witu Yesu wakutongele inzila yitu kupike kumwani. ¹² Nu Shekulu wamutende mongeleke nu kukyilikila ku ulowa, mwilogwe nu kukualogwa antu tulu, kina nakukumutendela inyee. ¹³ Na nwatende itii ili kukamya imyoo yani itule migila kalawama ku welu ntongela yaki Mukungile witu nu tata witu ku uzilo waki Shekulu Yesu palumui ni eligwa akwe tulu.