¹ Kunsooko inye ninyee mulingile, antua, kina uwizilo witu kumwani sikali wanankanda. ² Mulingile kina muandio alikwagile na aliakutendile ku nsoni ukoo ku Pilipi, kina kulamulingile. alikutite ugimya kwaki Mukungile kulikitya iinjili nyaki Mukungile sunga ku wagii wingii. ³ Ku ndogolelyo ulangwa wani sikamapunile nu ubii, wala ku ushapuu, walaku hila. ⁴ Badala yakwe, kina iyo nalikugombekile nu M ukungile nu kushuilwa iinjili, iyo nakukulikitagya. Kulikitya , sika kukualumbya ka antu, lakini kukumulumbya Mukungile. mwene ung'ene nukushunguza imyoo yitu. ⁵ Ku ndogolelyo sikalikutimile kankani za kipepelya matungo tulu, kina mulingile, wala kutumila inkani kina kitungilyoku nsula, Mukungile ingi mashuda witu. ⁶ Wala sikalikudumile ukuligwa kwi antu, wala kupuna kumwani hau naingii. alikushuma kudaya kupendelelwa kina aatume aki kilisito. ⁷ Badala yakwe ali kwapolo katia yani kina umau nukwapolelagya ialisha akwe mwene. ⁸ Kunzila iyii alikutite ulowa kumwani. alikugombile kukiakuilya sika du injili nyaki Mukungile bali gaa nu ukalii witu ndishe. kunsooko mwatula mwalogwa ituu. ⁹ Kululo muntua, mujukile mulimo nu wagii witu. utiku ni munsii alikukituma mulimo kusudi kulekiza kumulemelya wensi. tungo lyaso, alikumutanantilye injili nyaki Mukungile. ¹⁰ Inyee ingii mwamashuda, nu Mukungile gaa, ingii kwa eluu naii, ihaki, na bila shokyo alikulongolekile ndishe ntongela yani namusuilile. ¹¹ Iyo iyo, mulingile ingii ku namana kii ku kila umui wani, kina tata nwiliku alisha akwe alikumukazanile nu kukuapela umoo. Alikushudile ¹² kina aliyumujipile kulongoleka kina wili uwitwa wani kwaki Mukungile, nalumwitile ku utemi nu ukuligwa wakwe. ¹³ Kunsooko nyaso kumusongilye Mukungile gaa kila tungo. kululo tungo nalimusingile kupuna kumwitu mpola zaki Mukungile nalimwazigilye, alimusingile sika kina lukani lwa antu. Badala yakwe, alimusingile kina kulukulu nyilii, lukani lwaki Mukungile. Ingii lukani uluu lwalu nalukitumaa mulimo katia yani namusuilile. ¹⁴ Kululo inyee, antu, mutule antu wa kuigwa mapolelyo maki Mukungilenamakoli ku Uyahudi ku kilisito Yesu. Kululo inyee gaa alimwagile ku mantu mago mago kupuna kwi antu anii, kina aliyiliikupuna kwa Ayahudi. ¹⁵ Alii ingii Ayahudi aoo naliamuulagile u Shekulu Yesu palumui ni alotii. Ingii Ayahudi aoo aliakuingile kupune kunzii. Sikaliamulogelilye u Mukungile na ingii anaulugu ku antu tulu. ¹⁶ Naakugilya kulekitambula nu anansii ili aligye kugunwa. Matokeo makwe ingii kina enndelile ni milandu yao. mpeleleko kuo lyaza kyanya yao. ¹⁷ Ishee, antu, alikula kutemanukile nininye ku tungo kupii, kimwili, sika ku kinkolo. Alikutendile ku usuumi witu nu ku nsula nkulu kulaa usiu wanii. ¹⁸ Kunsooko alikusiilye kuiza kumwani, inee Paulo, ku kamui nu ku kingi, lakini munaulugu alukugilile. ¹⁹ Kunsooko kukisuila kwani ingi yani ku pembele, hau ulumbi, hau taji nya kidaya ntongela yaki Shekulu witu Yesu tungo lya kwiza umwene? aipa sika inyee kukyila kina ilii iiia? ²⁰ Kunsooko inyee ingi ukuligwa nu ulumbi witu.