¹ Ivungana lyonti lihimilila, vahamtwala Yesu pilongolela lya Pilato. ² Vahanda kumushutumu, nakuyanga, "Tumwazile muntu uno akutezya itaifa lyintu, kwa fumwe ikodi kwa Kaisari, nu akuyanga kuti uwene vuyo ni Chiristi, Mfalme." ³ PIlato ahamuvuzilizya, akuyanga, "Je iwewe ni Mfalme wa Vayahudi?" Nu Yesu ahamujibu akuyanga, "Iwewe wukuyanga pisho." ⁴ PIlato ahamuvuzilizya kuhani mupiti nu makutano, "Intakulola vunanzi kwa muntu uno." ⁵ Ilelo avene vahasitizya, wukuyanga, " Amile akuvachochezya vantu, nu kusambilizya mu Vuyahudi gonti, kukwandila Galilaya nu isalizi ali apa." ⁶ PIlato lweayivwa aga, ahavuzilizya ngati muntu uyo ni wa Galilaya? ⁷ Amanya kuva amile pansi lya vutawala wa Herode, ahamutwala Yesu kwa Herode,we wope amile Yerusalemu kwa insiku izyo. ⁸ Herode amulola Yesu, asungwizye nkani kwa sababu ahanzaga kumulola kwa insiku inyinji. Ayivuye ihabari zyakwe nu atamanile kulola woka wa muujiza vukumba nu uwene. ⁹ Herode amuvuzilizizye Yesu kwa amazwi aminji, ilelo Yesu atamujivile shoshonti. ¹⁰ Vakuhani vapiti poka nu vaandishi vimiliye kuvuhali nu kumulonga. ¹¹ Herode poka nu vaaskari vakwe, vamulizile nu kumujevula nu kumuzyalizya vizwalo vinza, kisha ahamugalusya Yesu kwa Piato. ¹² Herode nu Pilato yahava vachale kukwandila insiku ilyo, (kabula lya hapo vamile vaadui). ¹³ Pilato ahavita poka vakuhani vapiti nu vatawala nu vungana wa vantu, ¹⁴ Ahavavuzya, "Mundeteye muntu uno ngati muntu akuvalongozya vantu vavombe amavivi, nu nkwenya, baada lya kuva namuvuzilizya pilongolela yinyu, intawenyi uvunanzi kwa muntu uno kuhusu amambo gonti ge imwe mumulonzile uwene. ¹⁵ Ndali, wala Herode, kwa maana amugalusya kwitu, nu kwenya kutali shoshonti ashivomvile shikustaili iazabu lya kumugoga. ¹⁶ Kwa hiyo basi kuti imuazibu nu kumueshela. ¹⁷ (Isalizi, Pilato akuwajibiha kumuleshela mukugwa woka kwa vayahudi ahavalilizyo wa insikuku). ¹⁸ Ilelo vonti vahazuma ahalanga poka, wukuyanga, "Mwefwe uyo, nu mutusatulile Baraba!" ¹⁹ Baraba amile ni muntu we amile mwigereza kwa sababu lya uasi vumo mu jiji nu kwa kugoga. ²⁰ Pilato ahavavuzya havili, akutamani kumuleshela Yesu. ²¹ Ilelo avene vazumile ahalanga, vahayanga, "Muhomeli, muhomeli." ²² Ahavavuzilizya kwa mara lya vutatu, "kwa shoni, uno muntu avomvile mavivi vuli? Intapasite vunanzi lyeli kustahili iazabu lya kumugoga kwake. Kwahiyo ingemala kumuazibu kutimuleshele." ²³ Ilelo vahasisitizya kwa isauti lya pamwanya, vakwanza ahomelwe. Nu isauti zyavo zihamushawishi PIlato. ²⁴ Pisho Pilato ahamula kuvapa vakwanza vuvo. ²⁵ Ahamuleshela vula weamulemile akungwilwe kwa kusababisya uvulugu nu kugoga. Ilelo ahamufumwa Yesu kwa vakwanza vuvo. ²⁶ Vamile vakumutwala, vamulemi muntu woka weakwitwa Simoni wa Ukirene, akufumilila munsi, vahamutwiha ili hovenkanyo ili avusye, akumufuata Yesu. ²⁷ Impuga mpiti wa vantu, nu vantanda ve vahuzunisile nu nakulosya kwa ajili yakwe, vamile vakumulundata. ²⁸ Ilelo ahavagevushila, Yesu ahavavuzya, 'Valindu wa Yerusalemu, utankutilaje nene, nkandi jikutilaji imwe mwenewe nu kwa ajili lya vana vinyu. ²⁹ Yenya, insiku zikwinza zye valiyanga, "Valositwe vevali vatasa ninyanda zyezitakupapa, nu mavele ge gatonsizye. ³⁰ Ndipo valiyanda kugavuzya amagamba, 'Tugwili,' nu vigamba 'Mutugubishile.' ³¹ Maana ngati vakuvomba amambo iga ikwi livisi, yiliyima vuli inge lyava lyumu?" ³² Vanavuli amwavo, vananzi vavili vavatwaye poka wope ili vavagoge. ³³ Vafiha isehemu yeyikwitwa ifuvu lyitwe, ndipo vahamuhomela poka nu vala vananzi, woka vupande lya kundilo nu wamwavo uluvazu lya kumongo. ³⁴ Yesu ayanzile, "Tata, uvafwile uwila, kwa kuva vatumanyile lyeva kulivomba. "Vope vahahoma ikura, kugava ishizwalo shakwe. ³⁵ Vantu vamile vimiliye vakwenya uku vatawala vakumujevula, vakuyanga, "Avaposile vanji. Isalizi ajiposhe vuyo, ngati uwene ni Chiristi wa Mulungu, umtevule." ³⁶ Avaasikari welele vamusufwizye, vamupalamiye uwene nu kumupa iisiki, ³⁷ Vahayanga, 'Ngati iwewe ni Mfalme wa Vayahudi jiposhe mwenewe" ³⁸ Kwamile wewe nu alama pamwanya yakwe yenya "UNO WE MFALME WA VAYAHUDI." ³⁹ Woka wa vananzi ahomelilwe amulizile ahayanga, "Iwewe te Chiristi? jiposhe mwenewe nu nitwe" ⁴⁰ Ilelo vula uwamwavo ahajibu, amukemeye nu kuyanga, "Je iwewe utakumwogopa Mulungu, niwe uli mu uvulonzi hiyo hiyo? ⁴¹ Itwe tuli apa kwa haki, kwa mana itwe tukuposhela shila tukwanziwa kwa matendo gitu. Ilelo muntu uno atavomvile shoshonti shivivi. ⁴² Nu ayonjezizye, "Yesu, ukumbushe lwe uliyinjila mu ufalme waho." ⁴³ Yesu ahamuvuzya, "Yitiha inkukuvuzya, ilelo ino kuti uyime poka nane Paradiso." ⁴⁴ Apo yamile papipi isalizi lya sita, hisi hahizula pamwanya lya munsi yonti hadi isalizi lya tisa, ⁴⁵ Umwanga wa zuva vazimili, kisha ipazia la hekalu lihaguvanyiha pakasi kukwandila pamwanya. ⁴⁶ Akusite kwa isauti impiti, Yesu ayanzile "Tata munyove zyaho nayiviha mupepo yane," baada lya kuyanga iga, ahafwa. ⁴⁷ Ahavalilizyo Akida alola gegavombehe amutukuzizye Mulungu ahayanga, "Hakika uno amile muntu weali haki." ⁴⁸ Ahavalilizyo impuga wa vantu vevinzile poka kusimishizya valola amambo gegavumbesile, vagalusile ukuvakuhoma ivifuva vwavo. ⁴⁹ Ilelo vachale vakwe, nu vantanda vevamulandasite kufuma Galilaya, vimiliye kwa patali nu kukwenya igo amambo. ⁵⁰ Yenya, pamile nu mungu ahitwaga Yufusu, we ni woka baraza, muntu umwinza nu weali haki, ⁵¹ (amile atitinkine nu maamuzi au matendo gavo) kufuma Armathaya, muji wa Shiyahudi, we amile vukugulila ufalme wa Mulungu. ⁵² Muntu uno, amupalamiye Pilato, ahava apewe muvili wa Yesu. ⁵³ Amwisizye, nu ahamuzungusizya isanda, nu ahamuviha mwikaburi lyelyamile lichongwi lwe mwiwe, lwe kutali weawasile kusyilwa. ⁵⁴ Yamile nu insiku lya maandalizi, nu Sabato yikupalamila. ⁵⁵ Vantanda, vevinzile navo kufuma Galilaya, vamulandasite, nu vahalola ikaburi nu namuna vuvili wakwe vukasizye. ⁵⁶ Vagalusile nu kukwanda kuandaa amanukato nu malashi. KIsha insiku lya Sabto vamusyila kwa mujibu wa sheria.