1 Mapema nkani insiku lya kwanda lya wiki, vinzile kwikaburi, valesite amanukato ambayo vamile vaagandaile. 2 Vahaga liwe sisukumwilwe apatali nu kaburi. 3 Vahinjila mukasi,ilelo vatawazile muvili wa Mwene Yesu. 4 Yalolesile kuti, ahavalilizyo vachanganikiwilwe kuhusu ili, gafula vantu vavili vimiliye pakasi yavo vazyaye ivi zyalo vakulama. 5 Vantanda vizuye ilyoga nu kukwinamisya aminso gavo pansi, vahavuzya vantanda, "Kwashoni mukumulondola mupuma pakasi mwa vafwe? 6 Atalipo apa, ila azyusize! kumushivwe ayanzile namwe amile Galilaya, 7 ahayanga kuti Mwana wa Adamu lazima vafumwe kwenye nyove zya vantu lya vantu wenye mbivi nu ahomelwe, nu insiku lya vutatu, azyushe havili." 8 Vala vantanda vahakumbuha amazwi gakwe, 9 nu vahawela kufuma kaburi nu vahavavuzya amambo iga gonti vala kumi nu woka nu avanji vonti. 10 Basi Maria Magadalena, Joana, Maria mayi wa Yakobo, nu vantanda avanji poka navo vahafumwa taarifa izi kwa mitume. 11 Ilelo vujumbe uvu vuhaloleha ngati muzaha tu kwa kwa mitume, nu vatavitishiye vala vantanda. 12 Poshe pisho Petro avusile nu ahashimbila kukwelekela kwikaburi, nu kunanjizya nu kukwenya mukasi, awenyi sanda yeka. Petro kisha ahepa ahavala kuhaya yakwe, akusukumila shoni shitokeye. 13 Nu kwenya, vavili miongoni mwavo vamile vakuvala insiku ilyo ilyo mu shijiji shoka sheshikwitwa Emmau, ambacho shamile maili sitini kufuma Yerusalemu. 14 Vahajadiliana vuvo kwa vuvo kuhusu amambo gonti gegalolesile. 15 Yihaloleha kuti, ahavalilizyo vakujadiliana nu kuvuzilizanya amaswali, Yesu ahapalamila papipi ahava poka navo. 16 Ilelo aminso gavo gadindililwe kwa kumumanye uwene. 17 Yesu ahavavuzya, 'Shoni imwe vavili mukushipanga mukujenda?" Vahimilila pala vakuloleha vakupela uwila. 18 Woka wavo, zina lyakwe Cleopa, ahamujibu, "Je iwewe ni muntu wapekee apa Yerusalemu ambaye utamanyile amambo gegatokeye ukwo insiku izi?" 19 Yesu ahavavuzya, "Mambo vuli?" Vahamujibu, "Amambo kuhusu Yesu Mnazareti, ambaye amile vunabii, muweza nu matendo pilongolela lya Mulungu nu vantu vonti. 20 Nu kwa jinsi ambayo vapiti wa makuhani nu valongozi vitu vamufumwizye kulogwa kufwa nu kumuhomela. 21 Ilelo twasuviye kuti uwene ndiye avavishe huru Israeli. Ndiyo, kutali nu iga gonti, isalizi ni insiku lya vutatu kufuma amambo iga gatokele. 22 Ilelo welele, baadhi lya vantanda kufuma mu impuga lyitu vatusukumizizye, baada lya kuvapo kwikaburi inzanchi nu 23 mapema.Vatawaga muvili vakwe, vahinza vakuyanga kuti vawenyi havili amaono ahavizya vayanzile kuti ali mupuma. 24 Baadhi lya vanavuli vali poka nitwe vasogoye kwikaburi, nu kukwaga ni ngati shila vantanda vweyanzile. Ilelo vatamuwenyi uwene." 25 Yesu ahavavuzya, "Imwe vantu vapukupuku nu mwemuli amoyo amamwamu aga kukwitiha gonti ambayo vanabii vayanzile! 26 Je yitali lazima Yesu kuyanga kwa amambo iga, nu kukwinjila mu vushindamu vakwe?" 27 Kisha kukwandila kufuma kwa Musa nu vanabii vonti, Yesu ahavafaanulila amambo gegakumuhusu uwene mu maandiko gonti. 28 Vapalamila shila shijiji, ukwo vamile vakuvala, Yesu ahavomba yani ngati akwenelela pilongolela. 29 Ilelo vamulazimisizye, vahayanga, "Tendama poka nitwe, mana yikwelekela mazuva nu insiku ni ngati lyasila." Pisho Yesu ahinjila kuvala kutendama navo. 30 Yalolesile kuti, ahavalilizyo vatendime nawo kulya, anyetuye mukate, ahakulya, anyetuye mukate, ahavubariki, nu kuvumensula, ahavapa. 31 Kisha aminso gavo gahafungulwa, vahamumanya, nu ahepe gafula pilongolela lya aminso gavo. 32 Vahayanzanya vuvo kwa vuvo, Ishi amoyo gitu gatamile mukasi yitu, ahavalilizyo akuyanga natwe kwidala ahavalilizyo atufungulila amaandiko?" 33 Vahavuha isalizi yiniyo, nu kugaluha Yerusalemu. Vahavaga vala kumi nu woka, nu vala vajivunganisile poka navo, 34 Vahayanga, "Mwene azyusile ndingandinga,nu amulolesheye Simoni." 35 Pisho vahavavuzya amambo gegalolesile mwidala, nu namuna Yesu ajizihilisizye kwavo mu kuvumensula mukate. 36 Ahavalilizyo Vakuyanga amambo igo, Yesu mwenewe ayimiliye pakasi yavo, nu akuvavuzya, "Amani yive kwinyu." 37 Ilelo vogofile nu kukwizula nu lyoga, nu vahasiva kuti vawenye mupepo. 38 Yesu ahavavuzya, Kwa shoni mukufazayiha? Kwa shoni amaswali gakuvuha mumoyo ginyu? 39 Yenyi munyove yane nu vinama vwane, kuti ni nene mwenewe. Namunguse nu mulole. Kwa maana mupepo vutali inyama nu mafupa, ngati vwemukundola nene kuva navyo." 40 Alipokwisha kuyanga ishi, ahavalolesya munyove yakwe nu vinamwa vwake. 41 Vamile shili nu luseshelo yeyisangine nu kutokukwitiha, nu kusukumila, Yesu ahavavuzya, "Je muli ni shintu shoshonti sha kulya?" 42 Vahamupa shipande sha inswi yenyoshe. 43 Yesu ahashinyetula, nu kushilya pilongolela yavo. 44 Ahavavuzya, 'Lwenali nimwe, navavuzizye kuti gonti gegasimvilwe kwenye sheria lya Musa nu vanabii nu Zabuli lazima gatimilishe." 45 Kisha ahafungula njele zyao, kuti vawezye kugelewa amaandiko. 46 Ahavavuzya, "Kuti yisimvilwe, Chiristi Lazima ayimbe, nu kuzyuha havili kufuma mu vafwe insiku lya vutatu. 47 Nu toba nu kumusamaha wa mbivi lazima yilumbililwe kwa zina lyakwe kwa mataifa gonti, kukwanda kufuma Yerusalemu. 48 Imwe ni vashaidi wa amambo iga. 49 Yenya, inkuvatwalila ahadi lya Tata wane pamwanya yinyu. Ilelo gulili ipa jijini, mpaka mulizwalizwa maha kufuma pamwanya. 50 Kisha Yesu ahavaongozya panzi mpaka vapalamila Bethania. Ahavusya munyove yakwe pamwanya nu ahabariki. 51 Yihaloleha kuti, ahavalilizyo amile akuvabariki, avalesile nu kumuvusya pamwanya kukwelekela kumwanya. 52 Basi vahamujputa, nu vahagaluha Yerusalemu nu luseshelo ipiti. 53 Vendeleye kuvapo mwihekalu, vakumubariki Mulungu.