¹ Basi isikuku lya mukate wevutavikwi iamia yamile yipalamiye, yeyikwitwa Pasaka. ² Vakuhani vapiti nu vaandishi vahapaga namuna lya kumugoga Yesu, kwa sababu vagofile vantu. ³ Setano ahinjila mukasi lya Yuda Iskariote, woka wa vala vanafunzi kumi nu vavili. ⁴ Yuda ahasogola kujisengulanya nu vapiti wa vakuhani namuna ye amukabizi Yesu kwavo. ⁵ Vasungizye, nu kukwivwana kumupaihela. ⁶ Uwene ayitisile, nu alondoye inafasi lya kumulemeha Yesu kwavo apatali nu impuga la vantu. ⁷ Insiku lya mukate yeyitavikwilwe iamila yihafiha, ambapo ing'onzi wa Pasaka lazima vamufumwe. ⁸ Yesu ahavasontelezya Petro nu Yohana, ahayanga, "Sogoli mutwandalile shakulya sha Pasaka ili twinze tushilye." ⁹ Vahamuvuzilizya, "Kwekwi ukwanza tuvombele igo amandalizi?" ¹⁰ ahavajibu, "Tejelezyi, mwinjila, mujini, umwanavuli weavusizye insonta wa minzi akuhoma nimwe mufuatikunkaya ye kutiayinjile. ¹¹ Kisha muvuzye mwene wa nyumba, "Mwalimu akuvuvuzya, "Shili kwekwi ishumba sha vajeni, isehemu lya kuti indile ipasaka nu vanafunzi vane?" ¹² Kuti avalolesye ishumba sha golofa ambasho shili tayari. Vombi amandalizi umwo." ¹³ Pisho vahavala, nu vahaga kila shintu ngati avavuzizye. Kisha vahandaa shakulya sha Pasaka. ¹⁴ Umuda ahafiha nu atendime nu vala mitume. ¹⁵ Kisha ahavavuzya, "Indi ni hamu impiti lya kulya isikukuu ino lya Pasaka nu nimwe kabula lya kuyimba kwane. ¹⁶ Kwa maana inkuvavuzya, teinkalye havili mpaka peyilitimizywa mu ufalme wa Mulungu." ¹⁷ Kisha Yesu ahanyetula shikombe, nu amala kusalifwa, ahayanga, "Nyetuli ishi, nu mugavane imwe kwa imwe. ¹⁸ Kwa maana inkuvavuzya, teinkanwele havili umuzao wa mampensya, mpaka ufalme wa Mulungu pevuliyinza." ¹⁹ Kisha ahanyetula mukate, nu amala kusalifwa, ahavumensula, nu kuvapa, ahayanga, "Uno ni muvili wane ambao vaufumwizye kwa ajili yinyu. Vombaji ishi kwa kunkumbuha nene." ²⁰ Ahanyetula shikombe shinisho pisho baada lya shakulya sha vusiku ahayanga, Shikombe ishi liagano lipwa mu mavana gane, ambayo yitisile kwa ajili yinyu. ²¹ Ilelo yenyaji. Vula akugalulila alipoka nane pameza. ²² Kwa maana Mwanawa Adamu kwa ndinga akuvala zyakwe ngati yamuliwilwe. Ilelo ole kwa muntu vula ambaye kutushila uwene Mwana wa Adamu agalulilwa!" ²³ Vahanda kuvuzilizanya veka kwa veka, nanu miongoni yavo ambaye nkavomba ijambo ili. ²⁴ Kisha galotokeye amadali mu yavo kuti ni nanu awope akusivililwa kuva mupiti kuliko vonti. ²⁵ Ahavavuzya, "Wafalme wa vantu wa mataifa wana umwene pamwanya yavo, nu vala wenye mamulaka pamwanya yavo vakwitwa vaheshimiwa vatawala. ²⁶ Ilelo yita kwanziwa kabisa kuva ishi kwinyu imwe. Badala yake, leha vula weali mupiti kati yinyu ave ngati mhansi. Nu vula ambaye ni wa muhimu nkani ave ngati akutumishila. ²⁷ Kwa sababu vunanu mupiti, vula akutendama pameza au vula akumutumishila? Je te vula akutendama pameza? Nu nene shili kati yinyu ngati akutumishila. ²⁸ Ilelo imwe ndio mwendeleye kuva nane mu majaribu gane. ²⁹ Inkuvapa imweufalme, kuti mupate kulya nu kumwela pameza kwane kwenye ufalme wane. ³⁰ Nu mulitendama kwenye vitengo ivwa enzi mukuzilonga ikabila kumi nu zivili za Israele. ³¹ Simoni, Simoni, manya kuti, Setano alavile vapate ili vapemente ngati ngano. ³² Ilelo ikulaviye, kuti lwitiho lyaho yitahapotwe. Baada lya kuva agaluha havili, imalisye vajenzi vaho." ³³ Petro ahamuvuzya, "Mwene, indi tayari kuvaha nu iwewe mwigereza nu poshe mu mauti." ³⁴ Yesu ahamujibu, "Inkuvuvuzya, Petro inkanda teyivilishile lelo kabula utankanile mara tatu kuti umanyile." ³⁵ Kisha Yesu ahavavuzya, "Lwenavotwaye imwe bila shifuku, shikapu sha shakulya, au vilyatu, je mwasovelilwe nu shintu?" Vajivile 'Nushimo." ³⁶ Kisha ahavuzya, Kisha ahavavuzya, "Ileo isalizi, kila mwenye mfuku, nu nyeutule poka nu shikapu sha vyakuya. Vula atali nu vupanga yikumwaziwa akazye ijoho lyakwe akale lyoka. ³⁷ Kwa sababu inkuvavuzya, gonti gegasimvilwe kwa ajili yane lazima gatimilishe, 'Nu nyetulilwe ngati muntu we akuvunza itowali.' Kwa sababu shila she shatabiliwilwe kwa ajili yane shilitimizwa." ³⁸ Kisha ahayanga, "Mwene, yenya! izi apa ipanga zivili." Nu ahavavuzya "yakwilana." ³⁹ Baada lya shakulya sha vusiku, Yesu ayefile, ngati vwe ayimile akuvomba mara kwa mara, ahavala kwigamba lya mizeituni, nu vanafunzi vahamufuata. ⁴⁰ Afiha, avavuzizye, "Lavaji kuti mutahinjile mumajaribu." ⁴¹ Ahavala patali nu vene ngati uluvwinto lwiwe, ahasugamila ahalava, ⁴² akuyanga, "Tata, ngati ukwanza, nefwezye shikombe ishi. Ilelo te ngati vweinkwanza nene, ilelo amampenzi gaho gavombeshe." ⁴³ Kisha avahavizya kufuma kumwanya ahamuloleshela, ahampa amaha. ⁴⁴ Lweali mu kuvina, ahalava kwa kumaha nkani, nu nitwinsi lyakwe lihava ngati matone mapiti agamavandagaguye pansi. ⁴⁵ Ahavalilizyo avuha kufuma mu amaombi gakwe, ayinzile kwa vanafunzi, nu ahavaga vakasite kwa sababu lya huzuni zyavo, ⁴⁶ nu ahavavuzilizya, "Kwa shoni mukasite? Vushi mulavaye, kuti mtahinjile mumajaribu." ⁴⁷ Ahavalilizyo amile shili akuyanga, yenya, ikundi impiti la vantu lihatokela, nu Yuda, woka wa mitume nu kumi nu vavili akuvalongola. Ahinza papipi nu Yesu ili amufipe, ⁴⁸ ilelo Yesu ahamuvuzya, "Yuda, je ukumugaluila Mwana wa Adamu kwa kwifipo?" ⁴⁹ Ahavalilizyo vala vamile papipi nu Yesu lwevalola igo gakutokela, vahayanga, "Mwene, je tuvahome kwa vupanga?" ⁵⁰ Kisha woka wavo ahamuhoma mumvomvi wa kuhani mupiti, ahamudumula ikutwi lyakwe ilya kundilo. ⁵¹ Yesu ahayanga, "Io yakwilana. Nu ahagusa ikutwi lyakwe, ahamuponya. ⁵² Yesu ahayanga kwa kuhani mupiti, nu kwa vapiti wa hekalu, nu kwa vazee vevinzile shinyume shakwe, "Je mukwinza yani ngati mukwinza kupambana nu mufulaji, nu madugu nu mapanga? ⁵³ Namile poka nimwe insiku zyonti kwene hekalu, mutavisile nyove yinyu pamwanya yane. Ilelo ino ni isaa yaho, nu mamulaka lya hisi.' ⁵⁴ Vahamulema vahamulongozya, vahamuleta munyumba mwa kuhani mupiti. Ilelo Petro ahamufuatilila kwa patali. ⁵⁵ Baada lya kuva vaholelezya umwoto mu ule vuwanda wa mukasi nu vatendama pansi poka, Petro ahatendame pakasi yavo. ⁵⁶ Mumvomvi shantanda ahamulola Petro amile atendime kumwanga vukufumilana nu mwoto, ahamwenya ahamuvuzya, "Uno muntu welele amile poka wope." ⁵⁷ Ilelo Petro ahana, ahayanga, "mwantanda, nene intamumanyile." ⁵⁸ Baada lya umuda hansi, muntu vunji ahamulola ahayanga "iwewe welele ni woka wavo." Ilelo Petro ahajibu, "Mwanavuli nene te." ⁵⁹ Baada lya ngati isaa lyoka ishi, mwanavuli woka ahasukumila ahayanga, "Ndinga kabisa uno muntu welele amile poka, maana ni Mugalilaya." ⁶⁰ Ilelo Petro ahayanga, "Mwanavuli, intamumanyile lyeukuliyanga." Nu mara, ahavalilizyo akuyanga, inkanda yihavilishila. ⁶¹ Ahagalunkana, Mwene ahamwenya Petro. Nu Petro akumbusile izyi la Mwene, pala amuvuzizye, "Kabula lya nkanda kuvilishila lelo, ulinkana nene mara tatu." ⁶² Ahavala panzi, Petro ahakuta kwa vuchungu mwinji. ⁶³ Kisha vala vanavuli vamile vakumulinda Yesu, vaha mujevula nu kumuhoma. ⁶⁴ Baada lya kumugubishila aminso, vahamuvuzilizya, nu kuyanga, "Tabiri! Ni nanu akuhoma? ⁶⁵ Vahayanga amambo agamwavo aminji shinyume sha Yesu nu kumufulu uwene. ⁶⁶ Mara lweyihava inzanchi, vazee wa vantu vahomine poka, vapiti wa makuhani nu vaandishi. Vamutwala kwenye Baraza, ⁶⁷ vahayanga, "Ngati iwewe ni Chiristi, tuvuzye." Ilelo uwene ahavuzya, "Ngati navavuzya, temunitishe, ⁶⁸ nu ngati navavuzilizya mutangajibu." ⁶⁹ Ilelo kukwandila isalizi nu kukwendelela, Mwana wa Adamu aliyima atendime nyove lya ndilo wa maha lya Mulungu." ⁷⁰ Vonti vahayanga, "kwa hiyo iwewe ni Mwana wa Mulungu?" Nu Yesu ahavavuzya, "IMwe mukuyanga nene ndiye." ⁷¹ Vahayanga, Kwa shoni shili tukwanza vushahidi? Kwa sababu itwe twenetwe twivwa kufuma mu ilomu shakwe vuyo."