¹ Yafumile ahavalilizyo Yesu akulava mahali vumo, woka wa vanafunzi vakwe amuvuzizye, "Mwene tusambilizye inswe kuvala ngati Yohana alivyo vasambilizye vanafunzi vakwe.' ² Yesu ahavavuzya, "Mkuputa, myangaje 'Tata, Zina lyaho lishindikwaje. Ufalme waho winzaje. ³ Utupe mukate witu wa kila insiku. ⁴ Utuwilwe amakosa zyitu, ngati naswe tukufwila vonti vatunanjie utahatulongozye mu majaribu." ⁵ Yesu ahavavuzya, "Ni nanu kwinyu ingava nu chale, we ingawenamsongolela vusiku, nu kumuvuzya, Chale nazimwa mukate gatatu. ⁶ Kwa sababu chale wane aninzila isalizi ishi kufuma safarini nane ntali sha kumuandalila.' ⁷ Nu vula wali mukasi ahamjibu, utantanwaje, Mulyango mgalile, nu mwana wane, poka nane tukasite pashintanda. Ntangawezya kudamha nu kukupa iwewe mukate. ⁸ Navavuzya, japo kuva atakudamha nu nkukupa mukate ngati chale gakwe, kwa sababu lya kwendelela kumugulilila bila nsoni, akudamha nu kukupa vipande vinji ivwa mukate kuholana nu mahitaji gaho. ⁹ Nane welele navavuzya, Lavaji, nimwe mkupewa; londolaji, namwe mulipata, homaji ihodi namwe muliyigulilwa. ¹⁰ Kwa kuva kila muntu wakulava aliposhela, nu kila muntu wakulondola alipa nu kila muntu wakuhoma ihodi, mulyango wuliyigaha kwakwe. ¹¹ Ni tata alikwi miongoni mwenu, umwanaye ingalava inswi angampa njoha badala yake.? ¹² Au ingamulava iji angampa nge badala yakwe?. ¹³ Kwa ilyo, ikiwa imwe mumbivi manyile kuvapa vana winyu zawadi nyinza, je te nkani Tata winyu wa kumwanya kuti alivapa mupepo Mufinjile avo vakumulava?" ¹⁴ Baadaye, Yesu ahava akungatila impepo, nu muntu mwenye impepo amile wushinunu. Ikawa impepo zihamwipa, muntu uno awezizye kuyanga ivungana lyasukumie nkani. ¹⁵ Ilelo vantu avinji vayanzile, uno akwefwa amapepo kwa Beelzebul, mupiti wa amapepo. ¹⁶ Vanji vamjalivile nu kumwanza alolesye ishara kufma kumwanya. ¹⁷ Ilelo Yesu amanyile amawazo gavo nu kuvavuzya, "Shla ufalme wulisatana yiliva usimilizu, nu mnyumba yeyi satine yiligwa. ¹⁸ Ngati Setano alipela asatine, ufalme wakwe wungimilila wuli? Kwa sababu mkuyanga mkwefwa impepo kwa Belzebuli ¹⁹ ngati nene nkwefwa amapepo kwa Belzebuli, je vamwinyu vakwefa amapepo kwa kwidala vuli? Kwa sababu ino, avene vakuvalonga imwe. ²⁰ Ilelo, ingankwefwa amapepo kwa nyove sha Mulungu, basi ufalme wa Mulungu wuvinzie. ²¹ Muntu mwenye maha we nu silaha akugulilila inyumba yakwe, vitu vwake vikutendama salama. ²² Ilelo ingavamiwa nu muntu mwenye maha nkani, vula muntu mwenye maha akumfula silaha zyakwe, nu kuzinyatula imali zyakwe zyonti. ²³ Uwene we atali poka nane ali shinyume nane, nu wune watakuvunganiha poka nane akusanya. ²⁴ Impepo inchafu zikumwepa muntu, zikusogola kulondola amahali pepatali nu amizni ili kutuzya. Akupela akosile, akuyanga 'ingalushe kwimfumili. ²⁵ Agaluha nu akwaga inyumba nyuse nu yitendime hinza. ²⁶ Pisho akusogola nu kulondola impepo saba zyezili mbivi kuliko uwene vuvo nu kuvaleta vinze vatendame mahali pala. Nu hali lya muntu uno yikuva mbivi kuliko vweyamile mara lya kwanda." ²⁷ Yafume kuti amile akuyanga amazwi iga, mwantanda wumo apunzite isauti yakwe nkani lya vonti kwenye vungana wa vantu nu kuyanga" LUlositwe ulwanda lwekukupasile nu mavele guyonsile" ²⁸ Ilelo uwene ahayanga, vakwivwa izwi la Mulungu nu kulisengula. ²⁹ Ahavalilizyo impuga wa vantu lyavungine nu kukwonjela, Yesu ahataliha kuyanga" Shipapwa ishi ni shipapwa sha mbivi. Shikulondola ishara, nu kutalipo ishara yevalipewa nkani lya yila ishara lya Yona. ³⁰ Maana ngati Yona amile ishara kwa vantu wa Ninawi, vwe nu mwana wa Adamu vwealiva ishara kwa shipapwa ishi. ³¹ Umalikia wa Kusini ayimilila insiku lya kulogwa nu vantu wa shipapwa ishi nu kuvalogwa vuvo, kwani uwene afumile mu mwisho wa munsi ili ayinze atejelezye umshinzi wa Solomonil, nu ipa palipo aliye mupiti kuliko Solomoni. ³² Vantu wa Ninawi vimiliye mu wulonzi poka nu vantu wa shizazi ishi insiku lya wulonzi pahukumu, valishilonga kwani vene vatonsinte kwa mahubiri lya Yona, nu yenya, ipa alipo mpiti kuliko Yona. ³³ Atalipo muntu wowonti akwasya luhozyanu kuyiviha isehemu lya pansi yenye shisi yeyitakuloleha au pansi lya shikapu, ila kuhozya nu kuviha pamwanya lya shintu ili kila muntu weakwinjila awezye kulola umwanga. ³⁴ Lyinso lyaho ni luhozya lya muvili. Lyinso lyaho inga lyinza basi muvili waho wonti wukuva kwenye wuzeru. Ilelo lyinso lyaho inga livivi basi muvili waho wonti wakuva wali kwenye shisi. ³⁵ Kwa hiyo, myisunje ili uwuzeru wewuli mukasi yinyu wutahinjile shisi. ³⁶ Pisho basi, ngati muvili waho wonti wuli kwenye uwuzeru, nu kutalipo isehemu yeyili mu shisi, basi muvili waho wakuva sawa nu itaa yeyikufumwa uwuzeru kwinyu." ³⁷ Ahamala kuyanga, Falisayo vahamlavila kuvala kulya shakulya munyumba kwakwe, wope Yesu ahinjila mukasi nu kuva poka vavo. ³⁸ Nu Mafarisayo vasukumie kwa jinsi vwe atanawa kwanza kabula lya shakulya sha jioni. ³⁹ Ilelo Mwene ahavavuzya, "IMwe Mafarisayo mkwozyo panzi lya shikombe nu mbakuli, ilelo mukasi yinyu mwizue itamaa nu mbivi. ⁴⁰ Imwe vantu nu mtalii nuu wumanyi, Je uwene weapezile panzi atapezile nu mukasi welele? ⁴¹ Vapanje vapina gegali mukasi, nu amambo gonti gakwa safi kwinyu. ⁴² Ilelo Ole winyu Mafarisayo, kwani mwemkufumwa izaka lya mnanaa nu mchichi nu kila aina lya nyanyi lya bustani. Ilelo mlesile amambo lya haki nu kumusungwa Mulungu. Ni muhimu nkani kuvomba aga lya ihaki nu kumusungwa Mulungu, bila kuleha kuvomba nu igo aganji welele. ⁴³ Ole winyu Mafarisayo, kwa kuva mkusungwa kutendama mu vitengo vya pilongolela kwenye masinagogi nu kulamukwa kwa salamu zya mushinzi sokoni. ⁴⁴ Ole winyu, kwani mkuholana nu makaburi gegatali nu alama ge vantu akujenda pamwanya yakwe pasipokumanya." ⁴⁵ Mwalimu woka wa sheria zya Kiyahudi ahajibu nu kumuvuzya, "Mwalimu, shukushiyanga shikutuvitisya welele nawe." ⁴⁶ Yesu ahayanga, "Ole winyu, waalimu wa sheria! kwani mwemkuvapa vantu amazigo amapiti gevatangawezya kuvusya, valelo imwe mtakupalamansya umuzigo uwo poshe kwa woka lya vidole vwinyu. ⁴⁷ Ole winyu, kwa sababu mkuzenga nu kuviha ivimanyilo kwenye makaburi lya manabii' we vavagozile nu vasekulu vinyu. ⁴⁸ Pisho imwe mkupanga nu kukwitinkana ni imbombo zyevavomvile vasekulu vinyu, kwa sababu ndinga vavagozile vanabii we vahazengaga kumbukumbu mu makaburi gavo. ⁴⁹ Kwa sababu hiyo welele, mushinzi lya Mulungu wukuyanga, 'Kuvatumila vanabii nu mitume vope valivayimvwa nu kuvagoga baadhi yavo. ⁵⁰ Shipapwa ishi shiliwajibiha kwa mavanda lya vanabii gevavagozile kufuma kutaliha kwa munsi, ⁵¹ Kufuma mavanda lya Abeli hadi mavanda lya Zakaria, wevamugozile pakasi ya madhabibu nu apafinjile. Ndiyo, kuvavuzya imwe, shipapwa ishi shiliwajibiha. ⁵² Ole winyu vaalimu wa sheria zya Kiyahudi, kwa sababu mnyatue ifungulo zya wumanyi' imwe mwenewe mtakwinjila, nu vala vakwanza kukwinjila mkuvadindila." ⁵³ Baada lya Yesu kukwepa pala, Vaandishi nu Mafarisayo vampinzile nu kudalinkana nu wope pamwanya lya amambo avinji. ⁵⁴ Vakujaribu kumulema kwa mazwi gakwe.