¹ Kwa havalilizyo iho, amaelufu aminji lya vantu vavungine poka, shiasi sha kwanda kuhanyana, ananda kuyanga nu vanafunzi vakwe nsunti, "Jihazalaji nu vuchachu lya Mafarisayo ge ni vunafiki" ² Nu tepate nu kwilu yeyizyihime ye teyigubulwe, vala ijambo lyelizyihime lyetelimanyishe. Nu lyolyonti lyemuliyanzile mu shisi, kutilivwishe mu vuzeru. ³ Nu gogonti gemugayanzile kwenye kutwi mukasi lya nyumba yinyu ivwa mukasi vwevifungwilwe kutigatangazwe pamwanya lya paa la nyumba. ⁴ Inkuvavuzya chale vane, mutuhavogo vala vakuugoga muvili nu kisha vatali shintu shinji sha kuvomba, ⁵ Ilelo kutimbasunde wekuti mumogope. Mwopaji vula we baada lya kuva agoga, ali mamulaka lya kusumba kujehanamu. Ndiyo inkuvavuzya imwe, mwogopaji uyo. ⁶ Je shomoro zisano zitakukaziwa kwa sarafu zivili? Poshe pisho kutali pope yoka yewanga yihuvwa pilongolela zya Mulungu. ⁷ Ilelo mumanye kuva, insisi zya matwe ginyu vivaziwilwe. Mutahalole .Ilyoga. Imwe ni wa thamani impiti kuliko shomoro nyinji. ⁸ INkuvavuzya, wowonti wekuti anitishe nene pilongolela zya vantu, Mwana wa Adamu alimwitiha pilongolela lya vahavizya wa Mulungu. ⁹ Ilelo wowonti wekuti ankane pilongolela zya vantu wope alihanwa pilongolela lya ahavavizya wa Mulungu. ¹⁰ Wowonti wealiyanga izwi ivivi pamwanya lya Mwana wa Adamu, alifwilwa uwila, ilelo wowonti weali mukufulu mupepo Mufinjile, teahafwilwe. ¹¹ Valivatwala pilongolela zya vapiti wa masinagogi, vatawala, nu vevali nu mamulaka, mutahalole lyoga pamwanya nu namuna lya kuyanga mu kujittela au shoni shemungayanga, ¹² Kwa kuva Mupepo Mufinjile alivalanganizya namuna vwe muliyanga kwa ahavalilizyo iho." ¹³ Muntu woka mu ivungana ahamuvuzya, "Mwalimu, muvuzye mujenzi wane angavile isehemu lya ulisi wane." ¹⁴ Yesu ahamujibu, ni nanu weambisile kuva mwamuzi nu mupatanishi pakasi yinyu.? ¹⁵ Nipo ahavavuzya, jihazalaji nu kila namuna lya tamaa, kwa sababu vupuma wa muntu vutali mu winji wa vintu vweali navwo." ¹⁶ Yesu ahavavuzya mufano, ahayanga, mugunda la muntu woka utajiri lyapafile nkani, ¹⁷ nu ahajivuzilizya mukasi yakwe, ahayanga, imbombe vuli kwani intali ni isehemu pa kusengula amazao gane? ¹⁸ Ahayanga, imbombo ishi. Kuti imvunze ivwanga vwane vinsi nakunzenga lyelili lipiti, nu kugasengula amazao gane gonti nu vintu vwinji. ¹⁹ Kuti injivuzye nafsi yane, "Nafsi, wavijishila la iakiba lya vintu ivwinji kwa miaha aminji. Tuzya, ulye, umwele nu usitalehe." ²⁰ Ilelo Mulungu ahamuvuzya, iwe muntu mupukupuku, vusiku wa lelo vakuhitaji mupepo kufuma kwaho, nu vintu vwonti uviandaile viliyima ivwa shoni? ²¹ Ndivyo yiliyima kwa kila muntu akujivishila imali nu te kwa kujitajilisya kwa ajili lya Mwene. ²² Yesua ahavavuzya vanafunzi vakwe, kwa hiyo inkuvavuzya mutahalole, lyoga pamwanya lya maisha ginyu - lya kuva kutimulye shoni au pamwanya lya mavili ginyu __ lya kuva mukuzyala shoni ²³ Kwa kuva amaisha ni zaidi lya shakulya, nu muvili ni zaidi lya vizyalo. ²⁴ Yenyi inyonyi wa kumwanya, zitakulima wala zitakuvuna. Zitali shumba wala ishanga lya kusengulila, ilelo Tata winyu akuzilisyaga. Iwe te bora zaidi kuliko inyonyi! ²⁵ Ni nanu kati yinyu we ingeajitamwa angawezya kukwonjezya iziraa yoka mu amaisha gakwe? ²⁶ Ikiwa basi mutangawezya kuvomba isho shilisho rahisi kwa shoni basi kuyimbila ago agamwavo?. ²⁷ Yenya amauwa - vwegakumela. Gatakuvomba imbombo wala gatakutava. Ilelo inkuvavuzya, poshe Sulemani mu vushindamu vakwe wonti atzwaliziwilwe ngati gamo lya iga, ²⁸ Ngati Mulungu akuzwalizyaga avinza amasole ga kondeni, ge ilelo, nu ndavi gakusumbwagwa mu mwoto. Je te zaidi alivazwalizya imwe? imwe wa lwitiho uluns! ²⁹ Mutayimbilaje pamwanya lya kuva kutimulye shoni au kutimumwele shoni au wala mutahime nu lyoga. ³⁰ Kwa kuva Mataifa gonti lya munsi gakuyimbilaga amambo gavo. Nu Tata winyu amanyile lya kuva mukwanza igo. ³¹ Ilelo valondo ufalme vakwe nsuti, nu igo aganji mulizidishiwa, ³² mutahogope, imwe impuga ahansi, kwa sababu Tata winyu akusungwa kuvapa imwe uwo ufalme. ³³ Kazyaji imali zyinyu nu muvape vapina, mujivombele imfukuzyezitakusililwa __ihazina lya kumwanya yeyitalinu mwisho, isehemu lya aviva te vahapalamile wala inondo yitangawezya kunaganya. ³⁴ Kwa kuva pepali nu hazina yaho, ndipo nu mupepo yaho peyiliyima. ³⁵ Menda zyinyu intali zive zipinyilwe kwa mukanda, nu itaa ginyu zihakikisiwe kuva zikwenelela kukwaha, ³⁶ nu muve ngati vantu vevakumusuvila Mwene wavo kufuma kwenye sherehe lya harusi, ili kuti ayinza nu kuhoma ihodi, vangawezya kumwigulila mulyango kwa halaka. ³⁷ Valositwe vala avavomvi, ve Mwene alivaga vali aminso. Ndinga alipinya menda yakwe umutali kwa mukanda, kisha alivatendamisya panzi kwa shakulya, nu kisha kuvahudumila. ³⁸ Ngati Mwene alyinza kwa zamu lya vuvili lya vulinzi lya vusiku au poshe zamu lya vutatu, lya vulinzi nu kuvaga vali tayali, yiliyima ni hinza kwa havo vavomvi. ³⁹ Zaidi lya igo, mumanye ili, ngati mwene mwenye nyumba amanyile isalizi we umwiva akwinza, atangaleshela inyumba yakwe yibomolwe. ⁴⁰ Wanji tiyali welele kwani mutamanyile ni ahavalilizyo vuli mwana wa Adamu aligaluha. ⁴¹ Petro ahayanga, "Mwene, ukutuvuzya naswe twenetwe ino imifano, au ukumuvuzya kila muntu.? ⁴² Mwene ahamuvuzya, "Ni nanu umutumwa umwaminifu au weali nu mushinzi we mwene wakwe alimuviha pamwanya lya vavomvi avanji, ili avagavile shakulya shavo kwa ahavalilizyo huho? ⁴³ Alositwe muvomvi vula, we mwene wakwe ayinza alimwaga akuvomba gala alajiziwilwe. ⁴⁴ Ndinga inkuvavuzya imwe kuti alimuviha pamwanya lya mali yakwe yonti. ⁴⁵ Ilelo muvomvi vula ingeayanga mumwoyo wakwe, "mwene wane akuchlewa kugaluha; pisho ahanda kuvahoma vala vavomvi wa shanavuli nu wa shantanda, kisha ahataliha kulya, kumwela nu kuholwa, ⁴⁶ mwene wakwe vula muvomvi aliyinza mu insiku atayitegemeye nu isaa atayimanyile, wope alimudumula ivipande vipande nu kumuviha mu isehemu yoka nu vevatali vaaminifu' ⁴⁷ Muvomvi, amanyile amapenzi lya mwene wakwe, wope tajisenguinye wala atavomvile sawa sawa nu mapenzi gakwe alichpwa iviboko vwinji. ⁴⁸ Ilelo muvomvi atumanyi amapenzi lya mwene wakwe, ilelo ahavomba gakwanziwa adhabu, alihomwa iviboko vinsi. Kwa kuva uwene weapewilwe ivwinji, ivwinji akudaiwa kufuma kwakwe, nu uwene ayitisiwilwe kwa vinji, kwakwe vilidaiwa ivwinji nkani. ⁴⁹ Ninzile kuholelezya mwoto munsi, nu inkutamani iwe yasile, ⁵⁰ Ilelo indi nulwozyo we kuti inozye, nu indi nuwila mpaka pevulikamiliha! ⁵¹ Je mukusiva kuva ininzile kuletaamani munsi? Ndali, inkuvavuzya, baadala yakweindesite mugawanyiko. ⁵² Kufuma isalizi nu kukwendelela kuliyima nu vantu vasano kunyumba yoka vagawanyisile, nu vatatu valiyima shinyume nu vavili, nu vavili valiyima shinyume nu vatatu. ⁵³ Valigavanyiha, Tata aliyima sihnyume nu mwana wakwe, nu mwana wakwe aliyima shinyume nu tata wakwe, mayi aliyima shinyume nu mulindu wakwe, nu mulindu aliyima shinyume nu mayi wakwe, Mayi wakwe aliyima shinyume nu nyinavwala wakwe nu tayivwala aliyima shinyume nu mayivwala wakwe. ⁵⁴ Yesu ahava akuvavuzya makutano welele, "Mara mukulla amavingu gakufumila kuvuswelo, mukuyanga havalilizyo zya muvula zyafiha; nu vwe yikuva, ⁵⁵ Nu inkungu wa kusini ingewahoma, mukuyanga, kutipapenilungula ihali nu ve yikuva. ⁵⁶ Imwe venafiki, mukuwezya kutafisili uvuloleho wa munsi nu mwanya, ilelo yikuvavuli mutangawezya kutafisili ahavalilizyo hehalipo? ⁵⁷ Ni kwa shoni kila woka winyu athapambamile lylili sahihi kwakwe kulivomba kuhavalilizyo angali shili nu nafasi lya kuvomba pisho? ⁵⁸ Maana ingemwavala nu mulonzi waho pilongolela hakimu, jitahidi kukwivwa nu mulonzi waho lwe shili muli mwidala atahinze akutwale kwa hakimu akutwale kwa ofisa, nu ofisa ahakusumba mwigereza. ⁵⁹ Inkukuvuzya, teuhafume ukwo hadi walipa mpaka isenti lya mwisho.