¹ Baada lya amambo igo, Mwene ahasavula sabini avanji, nu kuvatuma vavili valongolele mu kila muji nu ieneo yamasuvie kusogola. ² Ahavavuzya, "Ivwakulya ni vinji, ilelo avavomba ni vansi. Pisho basi mlavaje Mwene wa vwakulya, ili kuti atume halakasya vavomba mu vwakulya vwake. ³ Sogolaji mu muji. Yenyelezyaji, kuvatuma ngati ng'onzi pakasi lya umbwa mwitu. ⁴ Mtahavusye ifuko wa ihela, wala amakoba lya vasafiri, wala vilyatu, wala mtahamlamshe wowonti mwidala. ⁵ Mu nyumba yoyonti yeingamwinjila, kwanda yangaji, 'Amani wuve mu nyumba ino.' ⁶ ngati muntu wa amani alipo pala, amani yinyu lukusyala pamwanya yakwe, ilelo ngati ndali, yikugaluha kwinyu. ⁷ Syalaji mu nyumba iyo, lyanji nu mwele vashifumwa, kwa maana avavombavakwanzilwa umushahara vakwe. Mtahasame kufuma mnyumba ino kuvala nyinjine. ⁸ Muji wowonti mkwinjila, nu vaposhela, mlanje shoshonti sheshili pilongolela yinyu, ⁹ nu pohaji vavinu vevali umwo. Yangaji kwavo, 'Ufalme wa Mulungu ukwinza paipi yinyu' ¹⁰ Ilelo mu muji wowonti yemwinjila, nu vatahavaposhe, sagali panzi mu barabara nu myanje, ¹¹ 'Poshe insuto mu muji yinyu lyelilemile muvinama vwintu tukulikunyunta dhidi yinyu! Ilelo mmanyaje ili, Ufalme wa Mulungu wapalamie.' ¹² Kuvavuzya kuti insiku lya kulogwa liliva ni kujimbajimba nkani kwa Sodoma kuliko muji huo. ¹³ Ole yaho Korazini, Ole yaho Bethsaida! ngati imbombo impiti lyezyavombesile mukasi yaho ingavombeka Tiro nu Sidoni, Nkevahatonta hali nkani, vahatendama mukasi lya menda agigunila nu malota. ¹⁴ Ilelo yiliva kujimbilila nkani insiku lya kulogwa kwa Tiro nu Sidoni nkani yinyu. ¹⁵ Iwewe Kapernaumu, ukusivilila valikuvusya mpaka kumwanya? Ndali, valikwisya pansi mpaka kuwuzimu. ¹⁶ Wealivatejelezya imwe akuntejelezya nene, nu wowonti we alivahana ankanile nene, nu wowonti weakanile nene amhanile antumile" ¹⁷ Vala sabubu vaggalusile kwa luseshelo, vakuyanga, "Mwene, poshe impepo zikutushindiha mu zina lyaho." ¹⁸ Yesu ahavavuzya, "Namuwenyi Setano akugwa kufuma kumwanya ngati lumesyo. ¹⁹ Yenya, mpapie amamulaka lya agakuhanya njoha nu inge, nu maha gonti zya adui, nu ndali shoshonti kwa kwidala lyolyonti sheshilivazuru. ²⁰ Poshe pisho mtaseshelaje tu mu ili, kuti mupepo zyezikuvashindiha, ilelo nkani kuti mazina ginyu gasimvilwe kumwanya." ²¹ Mu umuda wula asesheye nkani mu Mupepo Mufinjile, nu kuyanga, "Nkukutima iwewe, Tata, Mwene wa mwanya nu munsi, kwa sababu ugazyisile amambo iga kufuma kwa wenye hekima u njele, nu kugalolesya kwa vatasambilie, ngati vana vansi. Ndio, Tata kwa kuva yamupendezizye mu minso gakwe." ²² "Kila shintu mpewilwe kwane nu Tata wane nu kutali wamanyile Mwana ni nanu ila Tata, nu kutalipo wamanyile Tata ni nanu ila Mwana, nu wowonti we Mwana akusungwa kujigwinkula kwakwe." ²³ Ahagalunkana vanafunzi, ahayanga falaga, valositwe "vevakugalola vayakulola iga we imwe gemkulola. ²⁴ Kuvavuzya imwe, kuti, vanabii avinji nu vafalme vakusungwa kugalola amambo gemkugalola, nu vatagawenyi, nu kukwivwa munayoyaikia, nu vatahagivwa." ²⁵ Yenya, mwalimu fulavi wa sheria lya Kiyahudi vahimilila nu kulinga, akuyanga, "Mwalimu, nkozye, shoni impwane uwupuma wa shima?" ²⁶ Yesu ahavavuzya, "Yihasimbwa shoni mu sheria?Ukuivazya je?" ²⁷ Ahajibu ahayanga, 'Ukumusungwa Mwene Mulungu waho kwa mwoyo waho wonti, kwa mupepo yaho gonti, kwa maha zyaho zyonti, nu kwa njele zyaho zyonti, nu jirani yaho ngati inafsi yaho wenewe." ²⁸ Yesu ahayanga, "Wajibu kwa mumwo. Vomba ishi nu kutendamae." ²⁹ Ilelo mwalimu, akusungwa kuyivazizya ihaki vuvo, ahamuvuzya Yesu, "Nu jirani wane ni nanu?" ³⁰ Yesu ahajibu akhayanga, "Muntu vumo amile akwiha kufuma Yerusalemu, kuvala Yeriko. Ahagwila kati lya vanyag'anyi, vahamfula amali gakwe, nu kumuhoma nu kumuleha papipi akiva nusu kufwa.. ³¹ Kwa bahati usongo vumo amile akwiha mu kwidala ilyo, alipo ahamulola ahatuha kuluvazu uwunji. ³² Wevulo pisho Mlawe welele, ahafiha mahali pala nu kumulola, ahatuha vupande uwunji. ³³ Ilelo Musamaria woka, pepali akisafiri ahatuha pala pepali muntu uno. Amlola, amloleye kwa uwila. ³⁴ Ahampalamila nu kumfunga amalonda gakwe, kumpaha amafuta nu divai pamwanya yakwe. Kumulimbizyalya mnyama wakwe, nu ahamtwala mu nyumba lya vajeni ahamhudumila. ³⁵ Insiku lyelyafwaste ayatuye dinari zivili, nu kumpa mumiliki wa nyumba lya vajeni nu kumuvuzya, 'Mhudumile nu shoshonti sha ziada shungatumila, nkukulipa inganagaluha.' ³⁶ wunanu kati lya hava vatatu, unafikiri, amile ni jirani kwakwe uwene agwilie kati lya vanyang'anyi?" ³⁷ Mwalimu ayanzile, "Ni vula wealolesizye uwila kwakwe." Yesu ahamuvuzya, "Sogola nu uvombe shinisho pisho" ³⁸ Isalizi vamile vakusafiri, vinjie mu shijiji shimo, nu mwantanda woka zina lyakwe Martha amkaribisizye munyumba yakwe. ³⁹ Amile nu dada vahamwitaga Mariamu, apalamie vinama pa Mwene nu kumutejelezya izwi lyakwe. ⁴⁰ Ilelo Martha aipie shughuli nyinji zya kumsengulanya kulya. Asogoe kwa Yesu, nu kuyanga, "Mwene, utakujali kuti dada wane andesheye kuhudumu nene neka? Pisho basi muvuzye anisaidie." ⁴¹ Ilelo Mwene ahamjibu nu kumuvuzya, "Martha, Martha, ukusumbuha pamwanya lya amambo minji, ⁴² Ilelo ni shintu shoka tu sha muhimu. Mariamu asevile sheshili shinza, sheshitaliyepa kufuma kwakwe."