¹ Pisho, Agripa ahamuvuzya Paulo, 'Ukuluhusiwa kukujitetela. ' Ndipo Paulo ahagolosya nyove yakwe ahajitetela ishi. ² "Nkujilola mwenye luseshelo, Mfalme Agripa, ii kuvomba nongwa yane pilongolela lelo dhidi lya malonga gonti lya Vayahudi. ³ Hasa, kwa sababu iwewe ni mtaalamu wa desturi zya Vayahudi nu maswali. Pisho kuvujimbilizi. ⁴ Ndinga, Vayahudi vonti vamanyile namuna inkutendama kufuma kuvujaha wane mu lyane ukwo Yerusalemu. ⁵ Vamanyile kufuma pa mwanzo nu vakwanziwa kukwitiha kuti natendime ngati Mafarisayo, dhehebu lenye musimamo muhali kwenye dini yitu. ⁶ Isalizi inimiliye ipa indongwe kwa sababu nene inkwenya ahadi ambayo Mulungu avwomvile nu tata zyitu. ⁷ Ino ni ahadi ambayo makabila gitu kumi nu mbili gakusuvila kuposhela ngati vakumuputa Mulungu kumute vusiku nu musanya. Ni kwa ajili lya lusuvilo hili, mfalme Agripa, kuti Vayahudi vakundonga. ⁸ Kwa shoni wowonti kati yinyu akusiva lusukumizyo kuti Mulungu akuzyusyaga vafwe? ⁹ Ahavalilizyo vumo nasivililiye mwenewe kuti nkandi navomba vintu ivwinji dhidi lya zina la Yesu wa Nazareti. ¹⁰ Navomvile aga mu Yerusalemu; navapinyile avitisi avinji mwigeleza, nu amile nu mamulaka kufuma kwa vapiti wa makuhani kuvomba pisho; nu ahavalilizyo kuvagoga, nahomile ikula dhidi yavo. ¹¹ Mara lwinji navaazibile mu masinagogi gonti nu nalinzile kuvavomba vayihane lwitiho yavo. Namile numulaha nkani pamwanya yavo nu navashimbizizye pope mu muji lya vujeni. ¹² Ahavalilizyo namile inkuvomba iga nasogoye Dameski, lwendi nu mamulaka nu ndajizyo kufuma kwa makuhani vapiti; ¹³ namile mwidala ahavalilizyo musanya, Mfalme, nawenyi umwanga kufuma kumwanya wewali muhali kuliko izuva nu wahozizye kutuzyungula nene nu vantu vamile vakushula poka nane. ¹⁴ Inswe twenti twangwa pansi, niyivuye isauti yikuyanga nene ikuyanga mu lughalya Kiebrania: 'Sauli, Sauli! kwa shoni ukunjivwa! vigomu kwaho kupanaiteke muchokoo. ¹⁵ Ndipoinkayanga, 'Iwewe ni nanu, Mwene?' Mwene ahajibu, 'Nene ni Yesu ambaye ukunjivwa. ¹⁶ Isalizi yimilila kwa vinama waho, sababu kwa kusudi hili nene nalolela kwaho, nakuseva kuva muvomvi nu vushahidi pamwanya lya amambo ambayo wamanya kuhusu nene isalizi nu amambo kuti inkulolesye baadaye; ¹⁷ nu Kuti inkuposhe kufuma kwa vantu nu vantu wa Mataifa ambapoinkukusontelezya, ¹⁸ nakuvagubula aminso gavo nu kuva fumwa kuhisi kuvala kwenye uvuzeru nu kufuma kumaha zya setano vamuvushile Mulungu; ili vapate kuposhela kufuma kwa Mulungu uvuposhi wa mbivi nu kupwana ambayo impapiye vula veimbapaguye kwa lwitiho yeyili kwane. ¹⁹ Pisho, mfalme Agripa, intawezizye kuasi maono lya kumwanya, ²⁰ ilelo, kwa vala valipo mu Dameski nsuti, nu kisha Yerusalemu nu pansi yonti lya Yudea, nu welele kwa vantu wa mataifa avinji, nalumbiliye kuti vatonte nu kumugevushila Mulungu, vavomba amatendo gegakwanziwa toba. ²¹ Kwa sababu iyo Vayahudi vandemile mwihekalu, vahalinga kungoga. ²² Mulungu anavwizye mpaka isalizi, pisho inkwimilila nu kushuhudia kwa vantu wa kawaida nu kuvala vapiti pamwanya lya gale ambayo manabii nu Musa vayanzile galitokela nu te shinji; ²³ kuti Chiristi lazima ayimbe nu kutinyime wa insuti kuzyuha nu kufuma kwa vafe nu kulumbilila uvuzeru kwa Vayahudi nu vantu wa mataifa. ²⁴ Paulo amala kujitetela, Festo ayanzile kwa isauti mupiti, 'Paulo, iwewe ni shipena! uvusambilile waho vukuvomvile uyime shipena. ²⁵ Ilelo Paulo ahayanga, Nenete neshipena muheshimiwa Fesho; ilelo vudandamazu inkuyanga amizwi lya nalyoli weka. ²⁶ Kwa kuva mfalme amanyile kuhusu amambo iga; nu pisho, inkuyanga kuwa uhuru kwakwe, kwa maana indi hakika kuti kutali lyolyonti lyevazyisile kwakwe;kwa kuva hili tavombesile pantungu. ²⁷ Je, ukwitiha vanabii, Mfalme Agripa? Imanyile kuti ukwitiha. ' ²⁸ Agripa ahamuvuzya Paulo, 'Kwa umuda ahansi ungawezya kushawishi nene nu kumbomba Muchiristi? ²⁹ Paulo ahayanga, "'Inkumulava Mulungu kuti, kwa umuda ahansi au mutali, te iwewe tu, inkandi welele wonti vakumivwa lelo,vave ngati nene, ilelo inkandi hii minyororo lya mwigereza." ³⁰ Ndipo mfalme ayimiliye, nu liwali, nu Bernike welele, nu vala vamile vatendime poka nawo, ³¹ lwevepa vukumbini, vapanzile vuvo kwa vuvo nu kuyanga, 'Muntu uno atakwanziwa kumugoga vala kumupinya.' ³² Agrpa ahamuvuzya Festo, "Muntu uno nkanda avikwa huru ngati atakasite rufani kwa Kaisari."