¹ Po ingachibhona ichifwani ichinine kumabhingu ichikulu, sona chakuswigha; abhandumi bhahanu na bhabhili bhali mapigho mahanu na mabhili agha bhumalilo; papo mughaghagho ubhukalale bwa Chala bwatimila. ² Sona ngatesha ichindu uti chifwani cha nyanja ja chiketelo jijo ja nganite nu mulila po bhabho bhakapata, bhabho bhakafuma kwa chinyamana nichifwani chake, na kumbalila ja ngamu jake bhakabha bhimite mulubhufu - lubhafu munyanja jila ija chiketelo, bhobhali ni vinubi fya Chala. ³ Bhope bhakulwimba ulwimbo lwa Mose, umubhombi gwa Chala, nu lwimbo lwa mwana ukang'oshi bhakati, ingulu sha kuswigha, imbombo shako, gwe Tata Chala, gwa maka. Sha haki sona shonaloli isila shako, gwe malofyale gwa fikolo. ⁴ Gwini jujo atakughanite, gwe Tata nukujitufya ingamu jako? Papo ugwe uligwi mwene ulimwelu. Kunongwa iji ifikolo fyoshi bhakwisa kukwiputa mundashi mumwako papo imbombo shako shanaloli shifikite shifunuligwe.'' ⁵ Bwo ghakinda agho ngamubhona utembeli ugwa hema nu lushishimikisho kumwanya likighuka. ⁶ Po bhala abhandumi bhahano na bhabhili abha mapigho mahanu na mabhili, bhakafuma mukati mwa tembeli bhafwalite ififwala ya kitani mielu, ika kung'ang'a bhapinyigwe ififubha fyabho ingobha sha sababhu. ⁷ Jumo mu bhola abhumi bhana bhakabhapa abhandumi bhala bhahana na bhabhili ifitasa fihanu na fibhili fya sababhu fyiswile ubhukabhe bwa Chala juja mwami bwila na bwila. ⁸ Utembeli akisula ilyoshi lilyo likafuma mu bwinufu bwa Chala nu bhubhaghile bwake. Atakabhapa na jumo umundu ugwa kuti ingingila mukati mwa tembeli mpaka ghatimile amapigo mahanu na mabhili na bhandumi bhala bhahanu na bhabhili.