¹ Ingapulika ilishu ikulu ukufuma mwa tembeli likabha bhula abhandumi bhola bhahonu na bhabhili bhukagha kakupule amabhakuli ghala mahano na mabhili agha bhukalale bwa Chala pamwanya pachisu.'' ² Akabhuka ugwa kwanda akupula ibhakuli ilyake pamwanya pachisu; pakabha ni pumba ibhibhi ibhapu, kubhandu bhala bhabho bhali ni chifwani cha chinyamana ujo, na bhabho bhakwiputa kuchifwani chake. ³ Nu gwabhubhili akupula ibhakuli lyake pamwanya panyanja, lyabha libhanda uti libhanda lya mufwe, ni findu fyoshi fyo fikabha nubwumi munyanja fikafwa. ⁴ Nugwa bhutatu akali kupula ibhakuli lyake musoko na mutushima twa mishi; twabhalilopa. ⁵ Ingapulika ugwandimi gwa mumishi akujugha akutu ugwauli gwanaloli, gwa ulikwo nagwe ndeukobhekwo, mwelu papo gwalonga bhuno bhuno. ⁶ Papo bhakakupula ibhanda lwa bhagholopu ni lya bhakunguluka, nugwa gwabhapa ibhanda ukuti bhaghwe shibha bhaghile.'' ⁷ Ingapulika ichighemo chikuyugha ukuti, naloli Tata Chala gwamaka shanaloli sona bwa haki, ubhulongi bwako.'' ⁸ Nugwabhuna akakupula ibhakuli lyake pamwanya pi subha, lyope lyapeligwa ukubhaliungusha abhandu kumulilo. ⁹ Abhandu bhakalungula ukulungula ukukulu, bhope bhakajituka ingamu ja Chala jujo alinu bhulaghuli pamwanya pa mapigho agho bhatakilata pamu ukumupa ulwimiko. ¹⁰ Nugwa bhuhanu akakupula ibhakuli lyake pamwanya pa chitengu cha bhutwa cha chinyamana jula, umalafyale gwake chabha chisi; bhakanda ukutafuna indimi shabho kunongwa ja bhubhafu. ¹¹ Bhakanda ukumutuka u Chala gwa kumwanya kunongwa ja bhubhafu bwabho, na kunongwa ja mupumba ghabho, kumbombo shabho kwa bhatakapusagha. ¹² Ugwa bhubhanu na kami akakupula ibhakuli lyake pamwanya pa lusoko ulukulu u Frati, amishi ghake ghuma, ukuti isila jitendeke shigwe ku bhanyafyale abha bhakufuma kubhukililo isubha. ¹³ Ngashibhona imbepo shitatu isha bhunyali shisho shighelile na bho kasoto, shakafuma mukati mumulomu gwa lijoka, na mukati mumulomo gwa chinyamana yula, na mukati mumulomu mwa mukunguluka jula ugwabhu miashi. ¹⁴ Isho shosho mbepo sha setani, sho shibhombite ifila ngisho, shoshi kufuma ukubhanjila abhanyafyale bha chisu bhashi ukubhabhungania kubwite bwa lishiku lila ikulu lya Chala ugwamaka. ¹⁵ Tesha! Ngwisa uti mwifi! Pakijujo akughonesha, nu kubhatika imienda jake, manyeendaghe chitali na bhandu bhashibhone isoni bhake.'' ¹⁶ Bhakabhabhungania mpaka pa bhujo bwo kuchihibhulibha kuti Har magedoni. ¹⁷ Na julwa ugwa bhahanu nabhabhili akakupula ibhakuli lyake mumwanya mumupalanga, ilishu ikulu likafuma mukati mwa tembeli mukati muchitengu chilo icha ibhutwa likati bhwoshabha bhubhubwo!'' ¹⁸ Pabha nu tulabhi ni lisha lwakupaja; ilakasenyenda akakulu, kako ukufuma abhandu ukhuwako kuchisu bwo kutakabha nalumo, isamwokabhela akasenyenda ako. ¹⁹ Nakaja kala akakulu kujabhana ifijabho fitatu, utwaja twa fikalo tukagwa; nu babeli jula umukulu u Chala amukumbukite, ukumupa ichikombe cha finga cha bhukole bwa lyijo lyake. ²⁰ Kukuti chishibha chakakinda, nu tughamba tutakabhoneka sona. ²¹ Nifula ija majondo inyingi ngani, ija majondo amashiko isataranta, jikika ukufuma kumwanya pamwanya pa bhandu, abhandu bhakamutuka u Chala kunongwa ja lipigo lya fula ja majondo, papo ipigo lyake likulu lukulu.