¹ Ingatesha sona namubhona umwana ukangoshi imite mundashi mumwangu pamwanya pa kaghamba pa Sayuni. Pamupene nagwe jujoali 144, 000 ugwa ngamu jake ni ngamu ja bhabho gwake jisimbigwe mufikungilwa fya fyeni fyabho. ² Ingapulika ilishu ukufuma kumwanya ingapulika utikubhuna kwa mishi amingi ni lishu ikulu ilya kupaja. Ilishu ingapulika uti bhakoma finanda bhabho bhakukoma ifinanda fyabho. ³ Bhakimbagha ulwimbo ulupya mundashi muchitengu cha bhutwa na mundashi mwa bhumi bhana na bhaghome. Najumo jujo abhaghile ukumanyila ulwimbo ulwo lole kwa 144, 000 bhabho bhapokigwe ukufuma muchisu. ⁴ Abhabhobhala bhabho bhatinyashishe abhene kubhakola, papo bhali bhifyushi abhene kumbombo sha bhulogwe. Bhoabha bhabho bhakomukongo umwana ukangoshi poshi pola akabhukongo. Abhabho bhapokigwe ukufuma kubhandu bwo bhali seke sha kwanda kwa Chala na kumwana ukangoshi. ⁵ Nabhumo ubhumnyoshi hwo bhubhonekite mukati mumilomu jabho; bhatakulongigwa. ⁶ Ingatasha abhandumi bhounyela pakati kumwanya, jujo ugwa ndumi gwa kumwanya ugwa kapango akisa ukubha bhula abha bhakwikala pachisu kukuti fikolo, ni njugha, na bhandu. ⁷ Akabhitisha kulishu ikulu, ''Mumwofhopaghe u Chala mupange ukumughundika. Papo akabhalilo kabhulongi kapalamile. Mwitikaghe jujo, jujo apelite kumwanya, nichisu, ni nuanja, ni nyibhuko sha mishi.'' ⁸ Ugwandumi umunine ugwabhubhili - akakonga akajugha, ''Ugwila, ugwile bhabheli umukulu, gwegwe gwabhaghweshishe ifikolo ifingaja bwo malaja, ifinga jijo japelite ubhukalole pamwanya papake.'' ⁹ Ugwandumi - umunine ugwabhutatu - akabhakonga, akajugha kulishu ikulu, ''Gweshi jujo takamwitike ujo uchinyamana nichifwani chake, nukupokela ichifwani kisho pacheni papake kumaso pamu mutukono. ¹⁰ Nagwepe tiakaghwe ifinga ja bhukalale bwa Chala, divai ifinga jija jibhikigwe ngani ukukupula jojitonganite ni chikombe bhukalale bwake, umundu jujo tiakaghwe tiakalabhe kumulilo nu mulilo gwa chibhiti mundashi mubhandumi bhake abhelu na mundashi ja mwana ukangoshi. ¹¹ Ni lyoshi lya bhubhofu bwabho likaghendagha bwila na bwila bhatakabha nukutusha pamusi na pabhushiku bhabho bhakwiputa kuchinyamana ni chifwa ni chake, kukuti mundu jo apokile ichifwa nikisho cha ngamu jake. ¹² Ululwitiko lwa lusubhilo nukwijulakubhabho bhamwitikite, bhala bhabho bhakukonga indaghilo sha Chala nu lwitiko mwa Yesu.'' ¹³ Ngapulika ilishu ukufuma kumwanya likuti, ''Si mbagha: Ishi pakipo abhafwe bhobhakufwila mwa malafyale.'' ''Bhobho, ''Akujugha umbepo, ''Ukuti bhatushe ukufuma mumbombo shabho, papo imbombo shabho tishikabha kongagho.'' ¹⁴ Ingatesha nu kutesha kukabha ni bhingu ilyelu, po jyo akikala mwibhingu alijumujwene jujo akabha chifwani cha mwana gwa mundu. Akabha ni ngigha ja sahabhu kumuntu kukwake ni sula inyubhi mutukono twake. ¹⁵ Ugwandumi umunine sona akisa ukufuma mwatembeli akitisha kulishu ikulu ukubhuka kujula ikile mukati mwibhingu: ''Egha isula jako po gwande ukwinula, papo akabhalilo kakubhungania katika, papo amafuno ghoghalipachisu ghatona.'' ¹⁶ Sona jula jo akabha mwibhingu akajighendesha isula jake pamwanya pa chisu, ichisu cha funigwa. ¹⁷ Nu gwandumi umunine akisa ukufuma kwatembeli gwa kumwanya; gwepe akabha ni sula inyubhi. ¹⁸ Po tashi ugwandumi umunine akisa ukufuma kuchighema nu gwandumi jujo akabha nu bhulaghili pamwanya pamulilo. Akamwitisha kulishu ikulu ugwandumi jujo akabhani sulo inyubhi, ''Egha isula inyubhi ubhunganie utusambatwa mzabibu ukufuma ku mzabibu gwa chisu, papo izabibu ulu shitonite.'' ¹⁹ Ugwandu akabhiko isula jake pachisu nukubhungania amavuno finga ja bhukalale bwa Chala. ²⁰ ichisujilo cha finga chikatisigwatisigwa kuse kuchisu ilopalikokupuka ukufuma mukati mu chimo cha hatamu ni farasi, ku sitadia 1, 600.