¹ Muda gwa lyamba puuishe, vakulungwa vowe va makuhani na vakongopa vavandu vashikulyangonga njama kwa a Yeshu vapate kwanlaga. ² Vashikwatava, nikwalongaleya mpaka kwa a Liwali Pilato. ³ Badae makati a Yuda, valiji vaatendeushe, puvalolile a Yeshu vaukumiwe, vashikwigamba na kuujanago ipande makumi gatatu ga mimbia kwa vakulungwa vama kuani na vakongopa, ⁴ naguvavelekete, ''Njitende shambi kwakujitendeuka minyai gangali na lyongwe.'' Lakini guvanginlenje, ''Ikutuusu nndiuwe ningalole gene mmanyene.'' ⁵ Bai ashikwiviliya nkati lihekalu yeila ipande ya mmbia, na gwajawile kwenda kwitavila. ⁶ Nikulungwa nja vavishila ashikulokotanya yeala ipande ya nimbia na kuveleketa, ''Ngava halali kuivika yeino mmimbiya muhazina, kwa ligongo ni galama ja minyai.'' ⁷ Vashikukungulushila kwa pamo namnbiya yo gwatolilenje na uma nngunda gwa lilongo gwa ishishila vajeni. ⁸ Kwa lyene ligongo lyo gwene ningunda uushemwa, ''Ngunda gwa minyai'' mpaka lelo. ⁹ Penepo lyelila lilove liveleketwe na nkulondola Yeremia lyatimilile, kuti, vashikutolonga ipande makumi gatatu ga mimbia, galama jipangwile na vandu va Israeli kwa ajili jao, ¹⁰ navashikutumianga kwa nngunda gwa lilongo, kama a Bwana shivandashie.'' ¹¹ Lelo a Yeshu vashikujima mmunjo mwa aliwali, na aliwali guvaushie, ''Buri! Mimwe ni a mfalume va Wayahudi?'' Yeshu guvanjagwile, ''Momwe nnaveleketa nneyo.'' ¹² Lakini makati puvashitokiwe na vakulungwa va kuvishila na vakongopa, va ngajengula shoshowe. ¹³ Baadae a Pilato guvaalugulile, ''Nkakugapilikana mashihitaka gowe kwa ajili njenu?'' ¹⁴ Lakini lelo pashikukuu gwa shikupagua ni nyambo gwa aliwali kuneshelela atawilwe jumo aagulwa na lugwinjili lwa vandu. ¹⁵ Lelo pashikukuu gwashikupagwa nyambo gwa aliwali kuneshelela atawilwe jumo aagulwa na lugwinjili lwa vandu. ¹⁶ Gene makati go vashikuvanganga na gwatawa ngulu lina lyake Balaba. ¹⁷ Nneyo mkati puvaimenenje pamo, Pilato vashikwauyanga, ''Niganijunkumpiunganga tungugulile kwa ajili jenunji?'' Baraba au a Yeshu vashemwa Kilisito?'' ¹⁸ Kwa ligongo vashikumanya kuti vashikwakamula kwa kwashimanga. ¹⁹ Makati kuvaliji valitama pashitengu shaosha hukumu, akongo vao vashikwapeleshela lilove lya kuti, ''Nnatende lya lyolyowe kwa mundu ju jwangali na likosa. Kwamnjepotekwa kajekaje nkuagamila lelo kwa ligongo lyao.'' ²⁰ Penepo vakulungwa va vakuvishila na vakongopa guvavashondeleshee vandu vaajuje Baraba, na a Yeshu vaulagwe. ²¹ A Liwali guvaushiyenje, ''Nijwei kwa veneva vavili napinganga ninineshele kunugwenunji?'' Guvaveleketenje, ''Balaba.'' ²² APilato gyuvaalugulilenje, ''Nintende nndi a Yeshu vashemwa a Kilisito?'' Vowenji guvajangwilenje, ''Msulibishe'' ²³ Na valao guvavelekete, ''Kwa nndi, shivalevile shindu shashi?'' Lakini vashikutumbilanga kuvovela, ''msulibishe.'' ²⁴ Kwanneyo a Pilato puvalolile vakakombola kutenda lyolyowe, lakini badalajake mpwai gwatenda tanduva, vashikutola mashininava makono gao pa vandunji, na velekete, ''Nne nangali hatia naminyai jikajwene mundu ju angali na hatia. Mngalolanja genego mmayenenji.'' ²⁵ Watu wote wakasema, ''Damu yake iwe juu yetu na watoto wetu.'' ²⁶ Halafu guvanineshelele Balaba ikave, vashi kwa koma mijeledi a Yeshu na kwakamuyanga vajendangane kukwa sulibisha. ²⁷ Ashikali va aliwali vashikwatola a Yeshu mpaka ku Praitorio na likundi likulungwa lya maashikali vowe kwa kundamishia. ²⁸ Guvaaulilenje nnguo yao na kwawasha kanzu ja langi janashe. ²⁹ Niguvalushilenje litaji lya miva ni kwawasha muntwe gwao, na vashikwakamuya nnai munkono gwao gwa nnilo. Vashikupiganga magoti mmunjo mwao na kwatendahiyana, valivelekete, ''Shalamu, Amfalume va Wayahudi?'' ³⁰ Ni kwaunila mata, na vashikwapokonyola nnai na kwakoma muntwe. ³¹ Makati puvaatendanga hiyana, vashikwaula jejila kanzu na kwawasha nnguo yao, na kwalongoleya kwenda kwasulibisha. ³² Puvakopokenenje palanga, vashikummonanga mundu jwa koposhela ku Krene lina lyake Shimeoni, guvammanaanishie kuujamula mahalaba gwao. ³³ Puvaikengenenje mahali pashemura Galigotha, maana jake, ''Mahali pa shivangi sha ntwe.'' ³⁴ Vashikwapanganga sikijaanganywa na nyongo vapapile. Lakini puvapashie, vangakombola kupapila. ³⁵ Makati puvaasulibishaga, vashikugavana nnguo yao, kwa kula. ³⁶ Guivatemingenenje ni kwalola. ³⁷ Panani ntwe gwao vashikuvikanga hati ja malonji kwa valao galishomeka, ''Jweneju ni Yeshu, mfalume jwa Mayahudi.'' ³⁸ Vangulu vavili vashikusulibishwanga pamo na valao, jumo upande gwa nnilo gwao na jumo kunishinda kwao. ³⁹ Vevala vapitanganga vashikwatendanga hiyana, valitikinya mitwe jaonji. ⁴⁰ naveleketa, ''Mmwe mwapingaga kulia ngavanya lihekalu na kulishenga kwa mova gatatu, mwijokole mmayene! Ivaga ni mwana jwa Ashipanganya, ngulushe pai nchoshe mu mshahalaba!'' ⁴¹ Navalonji vakulungwa va vakuvishila vaatebdile hiyana, pamo na vajandika na vakongopa, na veleketa, ⁴² ''Vashikwajokola vananji, lakini vakakombola kwijokola vayene. Vene ni a mfalume va Mayahudi. Na vaulushe pai munshalaba, ndio twaamini. ⁴³ Vashikwakulupalila ashipanganya. Nneshe ashipanganya vaajokole nnaino ivaga vapinga, kwa ligongo vashikuveleketa, 'Nne ni mwana jwa ashipanganya.''' ⁴⁴ Na vevala vangulu vasulibiwe pamo na valao vashikuvelekelanga malove ga hiyana. ⁴⁵ Gwaumila shaa shita lwashikupanga luvindu shilambo showe mpaka shaa tisha. ⁴⁶ Puitimilile shaa tisha, a Yeshu guvagutile nguto, ''Eloi, Eloi, lama thabakithan?'' Valimaanisha kuti, ''Ashipanganya vangu, a shipanganya vangu, mbona nchineka?'' ⁴⁷ Gene makati go vananji valinginji vajimingenenji pepala vashikupilikana, guvavelekelenje, ''Vanakwashema a Eliya.'' ⁴⁸ Mala jumo jwaonji gwa vutwishe kutola shifongo na gumbaya shangwa shavava, guvanjishile panani nkongo ni kwapa vangwe. ⁴⁹ Na valaonji valepekenje guvavelekelenje, ''Mwalekanje njika pe, nnekanje tulole ivanga a Eliya shivaishe kukwajokola.'' ⁵⁰ AYeshu guvagutile nguto kavili na guvaishoshie mbumu yao. ⁵¹ Nnole, lipazia lya lihekalu lyashikupapuka sehemu ivili gwaumila kunanimpaka pai. Na ntaka gwashikutetemela na majabali kupapuka ipande ipande. ⁵² Makauli gashikuuguka, na iilu ya vakonjelo vavanjinji valinginji vagonilenje lugono yashikuyuka. ⁵³ Vashikushokangana mimakauli baada ja uyuko gwao, ninjinjila munjini nkonjele na guwaonekenenje na vavanjinji. ⁵⁴ Bai jwejula akida na vevala valinginji valikwalola a Yeshu vashikuonanga litetemeko na mambo gakoposhele, vashikukolanga voga kajekaje na veleketa, ''Kweli avavalinji a mwana jwa ashipanganya.'' ⁵⁵ Vanavakongwe vavajinji valinginji vali kwagagula a Yeshu gwaumila ku Galilaya kukwatumishila kwa ataliya. ⁵⁶ Nkati jaonji valinginji a Maliamu Magdalena, a Maliamu akwave a Yakobo na a Yosefu, na a mama yaonji vana va a Zebedayo ⁵⁷ Puitimilile ligulo, ashikwika mundu litajili jwa Alimatayo, ashemwaga a Yushupu, na valao valiji vanjiganywa va a Yeshu. ⁵⁸ Vashikwajendela a Pilato na kujiga shiilusha a Yeshu. APilato gwalajile vapegwe. ⁵⁹ A Yushufu vashikuhitola shilu na kushitava na nguo ya shufi ja mbone, na kushigoneka mkauli lyao lyaambi livaliveshie nilindandawer. ⁶⁰ Kawili guvaingiliye liganga likulungwa kuumshila nnango gwa likauli na guvainjendele. ⁶¹ Amaliamu Magdalena na Amaliamu vana valinginji pepala, vatemingenenje kulilola likauli. ⁶² Lyuva likagwile lyaliji lyuva baada ja maandalio, vakulungwa va makuhani na Mafarisayo vashikuimana pamo kwa a Pilato. ⁶³ Guwaalugulila, ''Abwana, tunakumbushila kuti makati puvaliji vavakoto vevala vatutembaga, vashikuveleketa kuti, ''Bada ja moka gatatu shivayusha kavili.' ⁶⁴ Kwanneyo, nnanjile kati likauli ligoywe salama mpaka mova gatatu. Ikavenje nneyo, vajiganywa vao vanaweza kwia na kwajiva na vewilenje.'' Na unami gwa mpelo shuve gwanyata kuliko gwegola gwantai.'' ⁶⁵ Apilato guvalugulilenje, ''Mwatolanje valindanga. Nnjendangane nkatendanje ukoto kama shirikupingakombola.'' ⁶⁶ Kwanneyo vashikwendangana kulitenda likauli kuva salama, liganga lyashikutimbwa muhuli na kwavikanga valinda.