¹ Baadae ligulo lyuva lya Sabato, Lyuva pulyaliji paliuvp kwenda lyuva lya ntai lya guma, a Maliamu Magidalena, na na vevala a Maliamu vana vashikwikangana kulilola likauli. ² Nnole pashikuva na litetemeko lya likulungwa, kwa ligongo shitushitumetume jwa Abwana ashikuuluka na kuliingilija lyelila liganga, na kulitamila. ³ Kumeyo kwake kwaliji malinga ga umeme, na nguo yake yaaliji ya nawe malinga seluji. ⁴ Vevala valinda vashikugumbala vega naava malinga vawilenje. ⁵ Jwejula shitumetume gwavatagulilenje vevala vanavakongwe aliveleketa, ''Nnagogopanje kwa maana nimumanyi kuti nakwaloleyanga a Yeshu, vashulibiwe. ⁶ Vakwapi apano, ikave vayushile malinga shivamimalanjiilenje. Ninjingane mpalolanje mahali Abwana puvagonile. ⁷ Nnjendangane shangu nkavalanjilanje vajiganywa vao, ''Vyashiyuka kwa vawilenje, nnolanje vashikunnongolelanga ku Galilaya. Kwene ndio shimwaonanje.' Nnolanje nne nimmalanjilenje.'' ⁸ Vevala vanavakongwe vashikujanla pepala palikauli shangu valinginji na voga na kwinonyela lewakujinji, na guvautukenje kukwavalanjinga vakwanjiganya vao. ⁹ Nnole a Yeshu vashikuimikana nao na valeketa, ''Shalaamu'' Vevala vanavakongwe vashikwikangana kwakamula makongono gao, na kawili kwakotimila. ¹⁰ Kavili a Yeshu guvaalugulilenje, ''Nnjogopanje, nnendangane nkavalanjilanje ashianunguna vangu valongolelanje ku Galilaya. Kweneko shivamonanje. ¹¹ Makati vavala vanakongwe puvajendanganaga, nnole baazi ja valinda guvapite kurinjini na kwaatashianga vakulungwa va makuhani gowe gakoposhele. ¹² Navalao vavishila puvaimenenje na vakongopa na kuyana lyenelyo pamo na valao, vashikushoyanga mmbiya yanjinji kwa vevala valinda ¹³ na kwalugulilanga, ''Mwavalanjilanje vananji kuti, 'Vaajiganywa va a Yeshu vashikuikangana shilo guvajivilenje shiilu sha a Yeshu makati uwe tuli tugonile.' ¹⁴ Ivaga aji nganiji jaishilaga aliwali, uwe shitwapembeleye na kunshoyanga mmanganya kutenguka kowe.'' ¹⁵ Kwa nneyo vevala valinda guvatolilenje yeila mmbia nna vevala tenda malinga shivaluguli lwenje. Aji nganiji jashikujenela kaje kwa Vayahudi na ishiva nneyo mpaka lelo. ¹⁶ Lakini vevala vatumwa likumi limo na jumo guvapitengene ku Galilaya, kusheshila shitumbi shivaatashienje. ¹⁷ Na valao pavaweni, vaashikwakotimila. Ikave vananji vao vashikukola lipamba. ¹⁸ AYeshu guvaimenenje nikwatashianga valiveleketa, ''Njipegwa mashili gowe pashilambo na kuliunde. ¹⁹ Kwa nneyo, nnjendangane nkatendanje ipinga yowe kuva vakwaajiganya. Mwabatizanje mulina lya Atati, na lya Amwana na lya Mbumu ya Ukonjelo. ²⁰ Mwaajiganyanje kugakagula gowe guninima manishienje, na nnole, nne nili pamo na mmanganyanji gwangalimpela, mpaka mpelo gwa shilambo.