¹ Makati a Yeshu puvamaliye kuveleketa malove gowe go, vashikwavalanjilanga vakwajiganya vao, ² ''Nnimanyanga kuti baada ga mova gavili kushive na shikukuu ja Pasaka, na Mwana jwa Adamu shashoywe avulagwe.'' ³ Baadae vakulungwa va vakuvishila na vakongopa va vandu vashikuimana pamo kunyumba ja ankuvishila vakulungwa, vashemwaga a Kayafa. ⁴ Kwa pamo vashikupanganganyamanja kwakamula a Yeshu kwa nngiyo na kwavulaga. ⁵ Pava vashikuveleketanga, ''Inatendeshe makati ga shikukuu, ligongo inanjieyuka kuavuya mwa vandu.'' ⁶ Makati a Yeshu pwalinji ku Bethania nnyumba ja a Shimoni mkoma, ⁷ pwaliji valikwinyulula pa mesha, jwandonya jumo ashikwika ali ajamwile mkebe gwa alabasta jaliji na mauta gali na samani jajikulungwa, na kukushulila muntwe gwao. ⁸ Lakini vajiganywa vake pavaeninji lyenelyo, yashikwashimanga na velekete, ''Nndi ligongo lya jene hasara ji? ⁹ Genega gakuushilwe kwa ipanje ya ijinji na kwagavilanga mashikini.'' ¹⁰ Lakini a Yeshu, valimanya lyeneli, vashikwalugulilanga, ''Kwa ndi nnakunngauya aju nkongwe ju? Pava ashindendela shindu sha mmbone. ¹¹ Mashikini mninaonji moga gowe, ikave nkavanganga pamo nanne daima. ¹² Kwa ligongo panyitile mautaga nnchilu shangu, ashitenda nneyo kwa ajili ja mashiko gangu. ¹³ Kweli na kunnungulilanga, popowe njejino injili pushijitangwe pashilambo powe, shitendi shatendile aju nkongwe, kavili shishive shinaveleketwa kwa ajili ja kungumbushila.'' ¹⁴ Ndio jumo jwa vevala likumi limo na vavili, ashemwaga a Yuda Iskariote, gwapite kwa vakilungwa va vakuvishila, ¹⁵ Na veleketa, ''Shimmbanganje nndi nninsalitinji?'' Guvampimilenje Yuda ipande makumi gatatu ge mmbia. ¹⁶ Gwaumila gwene muda go ashikuloleya makati ga kwatendeuka. ¹⁷ Hata lyuva lya ntai lya mikate jangata gwa amila, vaajiganywa vashikwanjendele a Yeshu nikwauya, ''Kwei kwakupinga tukangandalie shalya sha Pasaka?'' ¹⁸ Guvaajangwilenje, ''Nnjendangane kunjini kukamundu fulani na muntashianje, a Mwalimu vakuti nnei, ''Makati gangu galitome. Ngupingalya Pasaka pamo na vungwajiganya vangu nyumba jako.'''' ¹⁹ Vajiganywa vashikutendanga malinga a Yeshu puvaalajilenje, na vashikwandanga shalya sha Pasaka. ²⁰ Puliishe ligulo, guvatemi kulya shalya pamo na vevala vakwaanjiganya vao likomi limo na vavili. ²¹ Puva lyangangaga shalya, vashikutaya, ''Kweli nakunnugulilanga kuti jumo nkati jenunji shandendeushe.'' ²² Vashikutengukanga kaje kaje, na kila mundu ashikutanduva kwaauya, ''Buli, ni nne a Bwana?'' ²³ Gwavajangwilenje, ''Jwejula alumila nkono gwake pamo na nne mbakuli ndie apinga ndendeuka. ²⁴ Mwana gwe Adamu shashoshe, malinga shajandishilwe. Ikave ole jake jwejula mundu akuntendeuka mwana gwe Adamu! Ikaliji ni mbone jwene mundu jo akanave lekwe.'' ²⁵ Yuda, valiji va kwatendeuka, guvajangwile, ''Buri!, ni nne a Rabi?'' A Yesu guvanjangwile, ''Nchiveleketa lyenelyo mmwe mmayene.'' ²⁶ Na valaonji puvalyangangaga shalya, a Yeshu, vashikutola nkate, ni kuubaliki, na kuugava, nikwapanganga vakwaajiganya vao valiveleketa, ntolanje nnyanganje, sheshino mshilu shangu.'' ²⁷ Guvatolile shikombe ni shukulu, ni kwapanganga na veleketa, mpapilenje mmowenji katika shashino. ²⁸ Pava jejino ni minyai jangu ja malagano, jijinganjitika kwa ajili ja vavanjinji kwa leshelelwa yambi. ²⁹ Lakini nakuntashianga, ngapila kabisa kabisa tangu nnaino iepo ya mzabibu, mpaka lyelila lyuva lila pungupinga papila na mmanganyanji ku - ufalume gwa atati yangu.'' ³⁰ Navalao puvamaliyenje kujimba nyimbo, gwakapokengene palanga kwenda kushitumbi sha Mizeituni. ³¹ Kavili a Yeshu guvalelekete, shilo sha lelo mmowenji shimwikuvalanje kwa ligongo lyangu, pava ishijandikwa, shinirikome nikuchunga na ngondolo valikwindi shivapalaganishe. ³² Lakini baada ja kuyuka kwangu, shininongolelanje kwenda ku Galilaya.'' ³³ Lakini a Petulo guvajangwila, ''Hata ivaga vowenji va nkanaga kwa ligongo lya gapinga kunngimana, nne nganikana.'' ³⁴ AYeshu guvajangwile, ''Kweli nakunugulila, shilo sha lelo lipongo likanave kongovela, shiningane patatu.'' ³⁵ APetulo guvajangwile, ''Hata ivagainabidi kuwa na mimwe, ngalikana.'' Na vajiganywa vana vowenji gwaveleketenje nnepeyo. ³⁶ Baadae a Yeshu guvalongene nao mahali pashemwa Getsemane na vashikwalugulila vakwanjiganya vao, ''Ntama ngane apano makati nguli kwenda juga kweneko.'' ³⁷ Guvatolile a Petulo na vana vavili va a Zebedayo na guvatandwive tenguka na kwiumaya. ³⁸ Kavili guvalugulile, ''Mbumu yangu ishitenguka kajekaje,hata tome na kuwa.ninepekanje apano na n'cheyanje pamo na n'ne.'' ³⁹ Gwaeleje m'mojo kashoko,guvagwile namang'uku na kushondelesha.Guvavelekete,''Ababa yangu ,waga komboleka,ashshikombe shing'epushe inave malinga shingupinga nine,ikave malinga shilikupinga nimwe.'' ⁴⁰ Guvaajendele vakwaanjiganya vao mikwamimanga vagonilenje lugono,ni guvaalugulile A-petulo, kwa n'ndi mmangakombolange kusheya na n'ne niva kwa lishaa limo? ⁴¹ N'cheyanje na kushondeleshea ligongo n'nanjinjilanje nikulingwa.Mtumu ili njengwee,lakini shiilu ni shilwele ⁴² Guvapite mala ja vili kushondeleshea,guvavelwekele,Ababa yangu,waga jene ngani nji njikatendeushika na lazima nibapile shene shikombe shi,manong'a genu gatimilile. ⁴³ Guvaunjile kavili nikwaimananga vagonilenje lugono,pavameyo gaonji gashikutopelwa lugono. ⁴⁴ Guvaaleshilenje kavili guvaijendele guvasho ndelesheye gwa tatu valiveleketa malove gala pe gala. ⁴⁵ Baadae A-Yeshu guvaajendele vakwaanjiganyavao na kwalugulilanga,''bado n'ngonilenje pe na apumulula?N'nolanje,mahali gali tome,na mwana jwa Aadamu anatendeukwa m'makono ga valinginji na yambi. ⁴⁶ N'njimkanje,tujaule.N'nole, njwejula andendeuka njula ali tome.'' ⁴⁷ Makati puvalinji valikunguluka,Yuda njumo njwa vevala likumilimo na vavili,ashikuika.Likundi lyalikulungwa lyashikuikapamona jwalake lilikoposhela kwa vakulungwavava kuvishila na vakongopa va vandu vaikengene na mapanga na ilungu. ⁴⁸ Kavili mundu alapilile kwatendeukaA-Yeshu ashikwapanganga ishala,kuti,jwejula ngupinga kum'busu,ndio njwene. ⁴⁹ Malangwaishe kwa A-Yesu naaveleketa,''Shalaamu,Amwalimu!''Naguvaabusu. ⁵⁰ A-Yeshu guvavelekete,''mbwiga,tenda lyguvaikengene,elila likupeleshe''guvaikengene,nakwa goloshea makono A-Yeshu na kwaakanwla. ⁵¹ N'nole mundu njumo alinji pamo naA-Yeshu,ashikugoloya m'kono gwakegwaomwele upanga gwake,na kun'koma jwatumika jwa varikivishila vakulungwa,na kun'nengula lisikio lyake. ⁵² Ndio A-Yeshu guvaatashie,m'mjenago upanga gwenu pepala pumuutolile,pavavowenji vatumianga upanga shivamaliyanjwe kwa upanga. ⁵³ Pun'kuganishianga kuti ngakombola kwashema ababa yangu,na valao vambeleshele majeshi gapunda likumi limo na gavili ga ashitumetume? ⁵⁴ lakini bai kwa namna jashi majandiko gakatimilile n'nei ndio shikubidi kukoposhela? ⁵⁵ Gene makati go A-Yeshu guvautashie uati ''buli n'chiikangana na mapanga na ilungu kuungamwla kama n'ngulu?kila lyuva matenda tama n'nilekalu nilinjikganya na mwangangamula! ⁵⁶ Lakini gowe ga gashitendeka ili majandiko ga vakulondola gatimilile.'' ⁵⁷ Vevala vaakamwlenjeA-Yeshu vashikwapeleka kwa a-kayafa,nkuvishila nkulungwa vashikunjinjila rikati na tama na vakulinda valole shipingakoposhela. ⁵⁸ Lakini A-Petulo vashikwakagula ri'nyuma kwa taliya mpaka mwukumbi gwa vankuvishila vakulungwa.Vashikunjinjila rikati naa tamu na vakulinda. ⁵⁹ Bai vakulungwa va vakuvishila na libalaza lyowe vatenda loleyanga ushaidi gwa unami kwa A-Yeshu,ligongo vaavulanje. ⁶⁰ Pamo na koposhela vashaidi vavanjinji,lakini vangapatanga ligongo lyolyowe.Lakini baadae mashaidi vavili vashikupatikana mmunjo. ⁶¹ Niveleketa,''Aju mundu nju ashikuveleketa kuti,''nakombola kulimola lilekalu lya ashipanganya na kulishenga kavili kwa mova gatatu.'' ⁶² Ankuvishila vakulungwa guvanjimi na kwaanya,''nkakombola kujangula?Vanganya va vanakunshuhudia n'ndi kwa ajili jenu?'' Lakini A-Yeshu vashikutama mnunu. ⁶³ Ankuvishila vakulungwa guvaalugulile,''malinga Ashipanganya shivalama,nakum'mamanishia n'tulugulile,ivaganimwe ni A-kilishito,mwana ashipanganya.'' ⁶⁴ A-Yeshu guvajagwile,''m'mwe m'mayene n'chiveleketa n'neyo.lakini nakun'nungulila,gwaumila n'nainona endelea shimwaone A-mwana jwa Aadamu vatemi kun'kono gwa n'nilo ukwete mashili,na alikwia mmaunde ga kuliunde.'' ⁶⁵ Pene ankuvishila vakulungwa vashikulendulanya maguo gao naa veleketa,''ashikufulu!buli,tunakulu palila kavili ushahidi gwa n'ndi?N'nolanje,mpillikeneje tayali alikufulu. ⁶⁶ Buli n'kuganishianga n'ndi?guvajagwilenje na veleketa,''anastahili kuwa.'' ⁶⁷ Halafu guvaunilenje mata kumeyo na kwakoma mangumi,na kwalamba makofi kwa makono gaonji, ⁶⁸ Naa veleketa,''ugwe kilishito.Nigani akushapile?'' ⁶⁹ Gene makati go A-Petulo valiji valemi palanga pa n'ng'ana,na nkongwe jwatumwaashikwajendela na kwalugulula,''m'mwe n'nepeila mwaliji na A-Yeshu va ku-Galilaya.'' ⁷⁰ Lakini vashikukana m'meyo jaonji vowe,valiveleketa,''shilikuveleketanga ngakushimanya.'' ⁷¹ Puvapite palanga pa lilango,mtumwa juna jwa n'kongwe ashikwaona na kwalugulilanga vapalinji penepo,Aju mundu ju najwalakwe alinji naka Yeshu jwa ku-Nazareti.'' ⁷² Guvakanile kavili kvalumbila,''Nne ngakvamanya awa vandu va'' ⁷³ Muda gwa n'ng'upi baadae,vevalavalingiji valimingenenje tome,vashikwajendela A-Petulo naa veleketa,''kaje ugwe na gwalako ni jumo jwaonji,pava ata shiveleketi shako shinalanguya.'' ⁷⁴ Penepo vashikutanduva alosha na kulumbila,''N'ne ngakum'manya aju mundu ju,''na popopepo lipongo gwakongovele. ⁷⁵ A-Petulo guwakumbushile malove guvalugulilwe na A-Yeshu,''akanave kongovela lipongo,shin'ngane patatu.''