¹ Nipenepo ufalume gwa kuliunde undandanywa na ashimwali likumi limo vajamwilenje ibatali yaonji na kushoka kwenda kumposhela nnombi. ² Nngano jaonji valinginji vapumbafu na nngano valepekenje valinginyi vakalamka. ³ Vali vapumbafu puvajamwilenje ibatali yaonji, vanganjamilanga mauta ga akiba. ⁴ Ikave vali vakalamuka vashikujamwilanga na yupo ya mauta ga akiba na ibatali yaonji. ⁵ Lelo makati nnombi pakavile ika, vowenji vashikugwela na gona lugono. ⁶ Lakini pakati shilo pashikuva na maguta, ''Nnolanje, nnombi anaika! Nichoka ngane palanga nkamposhelanje.' ⁷ Nipene vali vowenji puvanjikonje naakoleya ibatali yaonji. ⁸ Vovala vapumbafu guvavalugulilenje vakalamukenje, ''Ntugavilanje mauta genunji gashoka ligongo ibatali yetu inaimika.' ⁹ Lakini vevala vakalamu guvajangwilwnjw, ''Pava gakatutwiha uwe na nimanganya, nnjendangane kugaushwa nkaiumilanje kwa ajili jenunji.' ¹⁰ Wakati puvapitengenenje kweneko kuuma, nnombi gwaishe, na vowenji valinginji tayari guvalongenenajo kundoa, na nnango guugelwe. ¹¹ Baadaye vevala vali vana guvaikengene na taya, ''Abwana, abwana ntuugule.' ¹² Lakini nnombi gwajangwile na veleketa, ''Kweli nakungugulilanga, nne ngakummanyanga.' ¹³ Kwa nneyo mwipelellanje, pava nkamanyanga lyuva au makati. ¹⁴ Pava ni malinga na mundu apinjila kwenda mmwanja shilambo shina. Ashikwashemenga vakwatumanga vake na kwamuyanga mali gao. ¹⁵ Jumo vanpele talanta nngano, juna vampele talanta ivili, na jwejula jina vampele talanta jimo. Kila jumo ashikuposhela shiari sha lingana na kukombola kwake, na jwejula mundu gwapite mwanja gwake. ¹⁶ Mapemape jwejula aposhele talanta nngane gwapite pinda biashala, naa pata talnta inanngano. ¹⁷ Nnepeila jwejula aposhele talanta ivili, ashitenda biashala nipate talanta inaivili. ¹⁸ Lakini ntumwa aposhele talanta jimo, gwapite, niola liimbo, naazya ikujo ya abwana nkubwa vake. ¹⁹ Na bada ja nda gwa nneu, atwana vavaatumwa guvanjile na aalaya mahesabu na vatumwa. ²⁰ Jwejila jwatumwa aposhele talanta ngano ashikwika na jianago talanta ina ngano, gwavelekete, ''Mmakulungwa, mwambele talanta ngano. Nnole njipata faida nje talanta ina nngano.'' ²¹ Vakulungwa vao guvalugulile, ''Hongera, ujatumwa jwambone na jwaaminika!bUshiamiaka kwa gamashoko. Shimikupe dalaka pa indu ya injinji. Jinjila ulikwinonyela kwa akulingwa vako.' ²² Jwatumwa aposhele talanta ivili gwaishe na valeketa, ''Mmakulungwa, imwambele talanta ivili. Nnole, njipata faida ja talanta inaivili; ²³ Nkulungwa jwao gwavaajangwile, ''Hongera, ujwantumwa ujwammbone na ujwaaminika! Ushiva ujwaaminika kwa indu ishakope. Shinikope dalaka pa indu ya injinji. Jinjila mukwinonyela mwa abwana vakulungwa venu.' ²⁴ Kungai ko jwatumwa aposhele talanta njimo gwaishe na velekete, ''Abwana, manyi kuti mmwe mmakalipalipa. Nnauna mahali punkapandileje, na nnauna mali punkakulileje. ²⁵ Nne nashikujogopa, gumbite zya talanta jenu pai. Nnole, nkwete apano jejili gili jenu.' ²⁶ Lakini abwana vao gwaajangwile na veleketa, 'Mmwe mimatumwa mmangulu na mwangali mana, mwaamanyi kuti nauna maali punganapandilenje na kukava mahali pungakulileje. ²⁷ Kwanneyo mwashikupingwa kwapanganga ikunjo yangu vandu va benki, na makati gauja kwangu ngani poshele njili jangu na faida. ²⁸ Kwanneyo mumpokonyalanje jene talanta na mumpanganje jwejula jwatumwa akwete na talanta likumi limo. ²⁹ Kila mundu akwete, shaajenjeshewe paapunda kujenjeshewa kwaapunda kaje. ³⁰ Munnjanje palanga jwene jwatumwa akafaa, alikupinnga va na she.' ³¹ Makati a Mwana jwa Adamu pashaishe na nnginio gwao, na ashitumetume vowe, lao pamo, ndio puvapingatama panani shitengu shao sha nnginio. ³² Matalfa gowe shigankundikane mmojo mwao, na valao shivagavanyanje vandu, malinga nchunga pakwaagulanga ni mbui na ngondolo. ³³ Shivavishe ngondolo kunmlo kwao na nimbui kunchinda kwao. ³⁴ Halafu amfalume shivaalugulilanje vevala valinginji kurikono gwa nnilo, ''Nnjiangane nmbalikiwenje na atati vangu, muulisi ufalume uandaliwe kwa ajili jenu nji gwatangu kuvikwa kwa njimililo ya shilambo. ³⁵ Pava naliji na shivanga, mwambelenje kulya; naliji njeni na mwangalibishenje; ³⁶ Nalinji makonope, na mwangwashienje nguo; Nalinji ni nwele na mwanwashienje; Nalinji kutawa na mwaikengene kunnola.' ³⁷ Penepo valinginji va mimbone guvajangwile na kwlaugulila, a Bwana, shakani putumimonile nni nashivanga, na kunniya? ³⁸ Au nannjota ni kumpa mashi? Nashakani putunimonile nnimajeni na kunkalibisha? Au nini makonope na kungwasha nnguo? ³⁹ Na shakani patunimomile nnilwala, au nntawilwe, na gulungishile? ⁴⁰ Amfalume guvajangwile na kwaalugulilanga, ''Kweli nakunungulilanga, shimitendelenje jumo katika ashapwanga vangu vashoko vashoko, mwandendelangaga nne.' ⁴¹ Halafu shivatendeushilanje valinginji lunichinda kwao, 'Nchokangane pangune, niloshilwenjwe, njendangane kumoto gwangali mpelo uandaliwe kwa ajili ja lishetani na ashitumetume vake, ⁴² Kwaligongo punalinji na shivanga mwangamba nganga shalya; punaliji na njota mmanganya mwangambanganga mashi; ⁴³ Punaliji nanjeni, mwangangalibishanga; punaliji makonope mwangambanganga nguo; punaliji nanmwele na punaliji kuutawa, mwangangangalianga.' ⁴⁴ Ndio valao puvajangwile na velekele, ''ABwana, nishakani putummonile nninashivanga, au nni nanjota, au nnimmajeni, au nni makonope, au nni mmalwele, au nni kuutawa, na twanganngudumia? ⁴⁵ Guvanjangwile na veleketa, ''Kweli nakunta shianga, sheshila shinkanakuntendelenga jumo jwa veneva vali vavashoko vashokonji, mwangandendelenga nne.' ⁴⁶ Veneva shivajendangane kumboteko yagwangali mpelo ikave vali vanimbone kuulama kwangali mpelo.''