¹ A Yeshu vashikukopoka mhekalu na kwinjendela. Vajiganywa vao vashikwajendela na kwalanguya majumba ga lihekalu. ² Lakini vashinkijangula na kwatashianga, ''Buli bkakugaonanga gene mambo ga gowe? Kajekaje nakuninogulilanga, likapagwa, liganga lipingalepeka pantundu pa lina gwangali bomoka.'' ³ Na puvatemi pa shitumbi sha Mizeituni, vagiganya vao vashikwajendela kwashinunu naveleketa, ''Ntulugulile, gene mambo ga shigakoposhele shakani? Shindu shashishipingiva dalili ja kwiya kenu na mpelo gwa shilembo?'' ⁴ A Yeshu vashikwajalanga na kwalugulilanga, ''Mwitimalikanje kuti ananjie mundu kukunintindiganyanga. ⁵ Pava vavajinji shivaikangane kwa lina lyangu. Shivaveleketanje, 'Nne ndio a Kilisto, 'Na shivatindiganye vavajinji. ⁶ Shimpilikananje ngondo na ngani ya ngondo. Nngangalianje nnajie kolanga lipamba, pavagene mambo ga, kwapunda gakoposhele; ikave gwegula mpelo shuve ukanave. ⁷ Pava shilambo shishinjimishi shilambo shina, na ufalime kwa ufalume guna. Shipave na shivanga na kutetemela kwa pai mwatalikatalika. ⁸ Lakini gene gagowe ni gwantai pegwa mboteko ya kwigopola. ⁹ Pene shivanchoyanje kwa ajili ja mboteko na kummuaganga. Shinchimwanje na ilambo yowe kwa ligongo lya lina lyangu. ¹⁰ Penepo vavajinji shivaikuvalanje na tendeukana vayene kwa vayene. ¹¹ Valondola vavajinji vaunani shivakoposhelanja na kwatembanga va vanjinji. ¹² Kwa ligongo ungulu shujenjesheshe, manonga ga vavanjinji shigapole. ¹³ Ikaveje shakatimile mpaka mpelo, shatapulwe. ¹⁴ Jenjino ngani ja ufalme shinjikomwe mmbila shilambo showe malingu ushuhuda kwa ilambo yowe. Na penepo gwegula mpelo shuishe. ¹⁵ Kwanneyo, pushirimonanje kushimwa kwa shonanga, liveleketwe na nkulondola Danieli ujimi mahali pakonjelo [ashomaga amanye], ¹⁶ Pene valinginji ku Yuda vavutushilanje kuitumbi. ¹⁷ Najwejula alinji pashituvilisha nyumba anaulushe pai kutola shindu shoshowe nnyumba jakwe, ¹⁸ najwalake ali kuringunda anauje kutola nguo jake. ¹⁹ Lakini ole gwao vali na mwana na vevala vajonjeya katika gene mova go! ²⁰ Nngombeanje kuti kuvutuka kwenunji kungwe makati ga mmbepo, wala lyuva lya Sabato. ²¹ Pava papinagva na dhiki ja tisha, njili jikanave pagwa tangu tanduva kwa shilambo hata nnainona wala jikajia pagwa kavili. ²² Kama gene mova gogoka naupikanywe, jwakwa apingaga lama, lakini kwaligongo lya wateule, gene moga go mnani gwashi. ²³ Kavili ivaga mundu jojowe shanimalanjilanje, ''Nolanje, a Kilisito vali apano! Au, 'Akilisito vali akula' nnakulupalilanje gene malove go. ²⁴ Pava makilishito ga unani na valondola va unami vapinganka na languya ishara ja jikulungwa na yakanganingwa, kwa ligogo lya temba, kama ikawezekane hata na vashemwile. ²⁵ Nnolanje, njikuntahadhalishanga gakanave gene mambo go koposhela. ²⁶ Kwa neyo, ivaga shivammalanjilanje, ''Akilirto vali kuanga; nnanjendangane kwanga. Au, 'Nnolanje, vali nyumba; nnakulupalile genemalove go. ²⁷ Malinga ninjai pinjimulika gwaumila ku - mashaliki na kulanganya mpaka ku - maghalini, ndio shipingava kwia kwa mwana jwa Adamu. ²⁸ Popowe pali na shibudu, penenp ndio puvaimana ashikapungu. ²⁹ Lakini mala bado ja alaga kwa punda kwa gegala mova, lyuva shilitagwe luvindu, mwei ukashoya lwei lwake, ndondwa shiigwe kunani, na mashili ga kuliunde shigatinginyike. ³⁰ Penepo ishala ja Mwana jwa Adamu shijivoneshe kunani, na ipinga yowe ya pashilambo shiinyinyilishe. shivammimonanje Mwana jwa Adamu alikwiya nniunde na kunani kwa mashili na nnginio gwa nkulungwa. ³¹ Shivatume ashitumetume vao kwa lilove lya njogoya lya lipenga, valao shivaimananje pamo vaagulwenje vao vashoka pande yowe ncheshe ya shilambo, gwaumila kumpelo kumo kwa kuliunde mpaka kuna. ³² Mwijiganyanji lisomo lya nkongo gwa mtima mala pe lingala pulipuka na kushoya maamba nnamanyanga kuti shau shinaegejela. ³³ Nneyo kavile, pushimimonanje gene mambo ga gowe, nnapingangwa kumanya kuti vavandishile, tome na lilango. ³⁴ Kweli nakunungulilanga, alu luveleko lu lukapita, mpaka aga mambo ga gowe gakoposhele. ³⁵ Kuliunde na kuntakashimupita, ikave malove gangu gakapelenganya kaje. ³⁶ Ikave kuhusu lyelila lyuva na makati jwakwa mundu amanya, ata ashitumeyume va kuliunde, wala mwana, ikave atati jikape. ³⁷ Malinga shiyaliji mmoga ga a Nuhu, ndio shipingakwiava kwia kwa a Mwana jwa Adamu. ³⁸ Pava katika gene mova ga jikanave galika vandu valilyanganga na kupalipalanga, valilomba na kulombwa hadi lyelila lyuva lyalinji a Nuhu valijinjila nsafina, ³⁹ navangamanyanga shindu shoshowe mpaka galika pujiishe na kwajolanga vowe - ndio shiipingakwiyava kwiya kwa a Mwana jwa Adamu. ⁴⁰ Shiive vandu vavili valinginji muringunda jumo shaatolwe, na gumo shalekwe nnyuma. ⁴¹ Vanavakongwe vavili shivavanganje valiyaganga pamo - vamo shitatolwe, na vamo shivalepeshe. ⁴² Kwanneyo, mimanganje meyo pe kwa ligongo nkamanyanga lyuva gani lili lya kwiya vakulungwa venu. ⁴³ Lakini ikave mmanyanje kuti, kaliju vayene nyumba vakamanyi makati gani, nkwiva shaishe, vakasheshie na vakananjitishie nyumba jao njinjivwe. ⁴⁴ Kwa nneyo, kavili nnapingangwa kuva tayari, pava a Mwana jwa Adamu shiraishe makati gangagakulupalila. ⁴⁵ Nneyo ni gani alijwaminika, ntumwa akwetelunda, apegwile daaraka na bwanankubwa vake lya valinyumba jake, kuti avapangaje shalya kwa makati gafaa? ⁴⁶ Ashibalikiwa jwene jwatumikajo, ali abwana nkubwa vake shivangimane alitenda nneyo makati pushivaishe po. ⁴⁷ Kweli nakummalanjilanga kuti abwana nkubwa shivammishe pa kila shindu shili shao. ⁴⁸ Lakini ivagantumwa nngulu aganishia ga muntima gwake, ''Amweshimiwa vangu vashkava, ⁴⁹ 'Naa taanduva kwakomanga vatumwa vake, na alye na akolelwe ukana, ⁵⁰ Amushimiwa va jwene ntumwa ijo shivaishe katika lyuva lyangalikulupalila kwia, na katika makati gali gangamanya. ⁵¹ Amueshimiwa vao shivaikitanye ipande ivili na kwavika kama vamo vangali mana, kweneko shikuve na shililo na kuyage meno.