¹ Baada ja aYesu veleketa gegano malove ga vashi nkujaula na vajiganywa vao kuloya nni kote lya Kidloni, kujaliji bustani, valavo na vajiganywa vao ni jinjila nkati jake. ² Alafu jwene Yuda, apingaga kwa saliti, na jwalake alimanyi lyene lieneo lyo, pava aYeshu vatendaga kwenda lyene lieneo lyo matakwa mala puva vaga na vajiganywa vao. ³ Najwalake Yuda, pai wene kuti ashipata likundi lya nkulinda na maofisa kapoka kwa vakulungwa va ankuvishila, ni ikangava linginji na taa, tochina silaa. ⁴ Na valavo aYeshu, vali vamanyikila shindu sha tendaga tendwa kwa ajili jao, vashinkuikopoya mmuji nikwa uyanga, "Ni gani junkunnoleyanga?" ⁵ Na vala vonyi ni jangulanga, "A Yeshu va ku Nashaleti." A Yeshu ni kwa valanjilanga, "Ndio nne" Na jwalake Yuda ava saliti, ashinkujima pamope na ashinkulindi. ⁶ Kwa nneyo puva valanjilenje, "Ndiyo nne" vashinkuvunjangana shannyuma ni gwanganga pai. ⁷ Alafu ni kwa vyanga kavili, "Ni gani yunkunnoleyanga? Na vala vonji ni jangula kavili "A Yeshu va ku Nashaleti." ⁸ A Yeshu ni kwa jangulanga, "Mbone ni mmalanjilenje kuti ndiyo nne; kwa nneyo mwanaga nna noleyanga nne, mwa lekanje vene vananji va jenda ngane." ⁹ Genega gashinkuva nnei pinga lyene lilovelyo litimilishe; pene pava velenje; "Nkati ja vevala vummbele, nanga nng'ovya wala jumo." ¹⁰ Ndio aShimoni Petili, valiji na upanga, nikuunguta ni kunkata lishikio lya kunnilo nitumwa jwa ankuvishila Vakulungwa. Na lina lyake jwene ntumwa jo pu lya liji Maluko. ¹¹ A Yeshu ni kummalanjila Petili, "Ujanago upanga gwako nni gonelo lyake. Kwa nndi nguna shing'wele shene shikombe sha ambele Awawa?" ¹² Bai lyelila likundi lya ashinkulindi na lijemedali, na vatumwa va Vayaudi, vashinkwa kamulanga aYeshu ni kwatava. ¹³ Na vala vonji ni kwa pelekwanti mpaka kwa Anasi, pava valavo pashinkuva akwegwao a Kayafa, venevo nchiyo valiji ankuvishila Vakulungwa kwa shene shakasho. ¹⁴ Lelo aKayafa ndiyo valiji vakopoya mashauli Vayaudi ga kuti ishinkubidi mundu jumo awe kwa ajili ja vandu. ¹⁵ Shimoni Petili ashinkwa kagula aYeshu, na nnepeyo nkujiganywa juna. Na jwene nkajiganywa atendaga manyika kwa ankuvishila vakulungwa, na jwalake ni jinjila pamope na aYeshu nni beewa lya ankuvishila Vakulungwa; ¹⁶ ikaveje Petili paliji ashinkujima palanga ja nnango. Bai jwejula nkujiganywa amanyika ga kwa ankuvishila vakulungwa, ashinkukopoka palanga ni kwenda kunguluka na ka jwene jwa nkongwe ntamwa alindaga nnango ni kunnjinjia Petili nkati. ¹⁷ Bai jwene boi aliji nkulindila pannango, ashiku mmalanjila Petili, "Bhuli ugwe twajilaga jumo jwa vakagulanga va jwene munduju?" Najwalake niveleketa, "Nne nngava." ¹⁸ Na vevala vatumwa na vakulungwa vashinkuvava jimingene pene maali; vapali lenje moto gwaonji pava jashinkupagwa mmbepo, kwa nneyo vatendaga jotanga moto pinga vapatanje lyoto. Najwa lake Petili ashinkuvanagonji, ani jota moto ali ajimi. ¹⁹ Ankuvishila vakulungwa vashinkwa ushishia aYeshu juu ja vajiganywa vao na mafundisho gao. ²⁰ A Yeshu ni jangula, "Njikuuvalanji gwangali nng'iyo ulimwengu; Nne njikufundisha mala kwa mala mmasinagogi na mma kanisa maali pa kukushanyikanga Vayaudi. Nanne nanga veleketa lyolyowe pa sili? ²¹ Kwa nndi nchikumuyanga? Mwa uyanje vambili kanilenje shiusu shene shinishivelekete. Vene vandu va vai kugamanyanga gegala mambo ga melekete. ²² A Yeshu pavelekete nneyo, jumo kati ja vakulungwa ashinkujima ni kwa koma aYeshu na nkono gwake alafu niveleketa, "Buli, nneyo ndiyo shiikumbidi kwa jangula ankuvishila vakulungwa?" ²³ Na valavo aYeshu ni kunnjangula, "Mwanaga melekete shindu shoshowe sha nnga konja bai uve shaidi kwa ajili ja ualibifu, na mwanaga ninjangwile ukoto kwa nndi kungoma? ²⁴ Ndio aAnasi puva peleshe aYeshu kwa kayaga ankuvishila vakulungwa vali vatavilwe. ²⁵ Lelo Simoni Petili paliji ashinkujima ani kwitaga ntukuta nng'ene. Halafu vevala vandu ni ku mmalanjilanga. "Buli, ugwe na gwalako nngava jumo jwa vajiganywa vake?" Ni kana ni veleketa "Nne nngava." ²⁶ Jumo jwa vatumwa va ankuvishila vakulungwa, ambajo aliji jwa nnung'una jwa jwejula jwannume ambajo Petili ashinkukata lishiio, ashinkuveleketa, "Bulitwajilaga ugwe nikuwene nago kwekula kubushitani kula?" ²⁷ Petili ni kana kavili, na muda gogo lipongo ni kongovela. ²⁸ Bai ni kwatolanga aYeshu kopoka kwa aKayafa mpaka pali Plaitolio. Puyaliji lyamba lya kwilava. ²⁹ Kwa nneyo aPilato ni kwa jendelanga ni veleketa. "Ni lishitaka gani likunng'usu jwene mundu ju?" Ni kwa jangulanga ni kwa valanjilanga. "Mwanaga jwene munduju akanave nkutenda ualibifu, tukana mpeleshe kunngwenu?" ³⁰ Ni kwa jangulanga ni kwa valanjilanga, "Mwanaga jwene mundu ju akanave nkutenda ualibifu, tukana mpeleshe kunngwenu." ³¹ A Pilato ni kwa valanjilanga, "Mwatotanje mmanganya mmasha yene." Nka ukumunji lingana na shalia jenunji." Na vala vonji Mayaudi ni kwa valanyilanga, "Shalia jina kutulimbia uwe kumulaga mundu jojowe." ³² Vashinkuveleketanga genega pinga lilove lya aYeshu litimilishe, lilove lyaliji lyali velekete juu ja shivo shao. ³³ Bai aPilato nijinjila kavili ku Plaitolio ni ashema aYeshu; nikwavalanjila, "Buli, mmwe ndio mmakulungwa va Wayaudi?" ³⁴ A Yeshu nikunnjangula, "Buli, ugwe una uya lyene liswali li kwa Sababu unapinga manya au sababu vana vashikutamanga kuti umuyenne?" ³⁵ Na valavo A Pilato ni jangula, "Nne ngava Nnyaudi, au nngava nneyo?" Litaifa lyenu na ankuvishila vakulungwa ndio vampelekenje kunngwangu; mmwe ntendile nndi? ³⁶ A Yeshu ni jangula; "Ukulungwa gwangu nngava gwa pa dunia pano, kaliji ukulungwa gwangu ukaliji na seemu pa dunia jino vatumishi vanga vakangomanilenje nguna shoywe kwa vayaudi. Kwa kweli ukulungwa gwangu ukakopoka pepano" ³⁷ Bayi A Pilato ni kwa valanjika, "Buli, mmwe kweli ni mma kulungwa?" A Yeshu ni jangula, "mmwendio shinku veleketa kuti nne njinkuvelekwa na kwa shene shumilo sho nne njikwiya pa dunia pinga mme shuuda jwa jejila kweli. Jojoe akwete na jenejo kweli ana kulipilikanila lilove lyangu. ³⁸ A Pilato ni kwa valanjila, "Kweli ndio nndi?" Navalavo pa velekete genega ni kwenda kwa Vayaudi ni kwa valanjilanga "Ngakujiona sababu jojoe kuka jwene mundu ju. ³⁹ Mmanganya nkwetenje utamaduni undenda ni nngugulilanje nkutwa juno muda gwa Pasaka. Buli nnapinganga ni nng'ugulili nkulungwa jwa Vayaudi." ⁴⁰ Ndiyo pagombilenje nyenye vani veleketanga, nngava jweneju, ntu ugulile Balaba." Na jwene Balaba jo ashinkuva nnyang'anyi.