¹ A Yeshu vashikugaveleketa gene mambo ga; halafu guvajinwile meyo gao kuliunda na guvaveleketa, "Atati, shaa jiishe; muntu kuye mwana gwenu na mwana na jwalale anitukuye nimwe - ² malinga nneila shimumpele mashili kwa yoowe ikweti iihi ili avapanganje kulama kwa n'ngali mpelo kwa vowenji vumumpele. ³ Kweneku ni kulama kwa ngali mpelo: kuti vam'manyanje m'mwe, Ashipanganya va kweli na va namna jao, na jwalake jumun'tumile, A Yeshu Kilishito. ⁴ Nashikun'tukuya hapano pashilambo, na kulimaliya liengo lim'mbele mlikamule . ⁵ N'naino, Atati, n'ndukuye n'nepamo na m'mwe m'mayene kwa kwekula kutukuya kuni nako pamo na m'mwe, shilambo shikanave gumbwa. ⁶ Nashikulumkula lina lyenu kwa vandu vum'mbele hapana pashilambo. Valinginji vandu venu; ikave mwashikungamuya n'ne. na valaonji vashikulikamula lilove lyenu. ⁷ N'naino vanamanyanga kuti kila shindu shim'mbele n'ne shikopoka kun'gwenu, ⁸ kwa gegala malove gum'mbele n'ne napelenji valao. Na vagaposhelenje naa amanya kuti n'ne kun'ngwenu kungoposhela, na vashiamininji kuti m'mwe n'shunduma mmwe. ⁹ Nakwajujilanga valaonji. Ngakushijujila shilambo ikave vevala vum'mbele pava valao ni venu. ¹⁰ Indu yowe ili yangu ni yenu, na yeila ili yenu ni yangu; na n'ne ngunatukuywa mu yeneyo. N'ne ngapagwa kavili nishilambo, ikave valaonji vapalinji n'shilambo, na n'ne nakia n'naino kun'ngwenu. ¹¹ Atati Nkonjelo, mwagoyanje kwa lina lyenu lim'mbele, ili valaonji vavanganje na ujumo, malinga n'ne na m'mwe shituli na ujumo. ¹² Punaliji na valaonji, nashikwagoyanga kwa lina lim'mbele; Nashikwagoyanga na jwakwa hata jumo jwaonji aovile ikave mwana jwa ova, ili kuti majandiko gatimilile. ¹³ N'naino ngwia koko; ikave ngunaveleketa gegana pashilambo ili kuti kwinonyela kwangu kutimilila n'kati jaonji vavenenji. ¹⁴ Njikwapanganga lilove lyenu; shilambo shishikwashimanga kwa ligongo valaonji n'ngava va pashilambo, malinga n'ne shinili n'ngava na jwa pashilambo ¹⁵ Ngakwajujilanga kuti mwasho yanje pashilambo ikave mwagoyanje na jwejula n'ngulu. ¹⁶ Valaonji n'ngava va pashilambo malinga n'ne shinili n'ngava ja pashilambo. ¹⁷ Mnavikanje wakifu kun'ngwenu m'mayene katika Kweli; lilove lyenu ndio kweli. ¹⁸ Mwandumile pashilambo, na n'ne njikwatamanga kushilambo. ¹⁹ Kwa valaonji, n'ne nakwishoya na mwene ili kuti na valaonji vaishoyanje ku n'ngwenu kwa jeji kweli. ²⁰ N'ngava vanganyanji peva vungwajujilanga, ikave na vevala vapinga kwa amini kwa lilove lyaonji ²¹ ili kuti na valaonji vavanganje na ugumo, malinga m'mwe Atati, shin'ni n'kati jangu na n'ne n'kati jenu. Nakwajujilanga ili kuti na valaonji vakombolanje kuua n'kati jetu ilishilambo shikombole kuamini kuti m'mwe n'shinduma n'ne. ²² Utukunyo gula gum'mbele n'ne naapelenje valaonji, ili kuti vakombolanje kuva na ugumo, malinga uwe shituli vamo - ²³ N'ne nkati jaonji, na m'mwe n'kati jangu, ili vakombolanje kamilishwa mu ugumo; ili shilambo shimanye kuti hakika m'mwe ndio n'ndumile, na kwapinganga, malinga m'mwe shim'mbinjile, n'ne. ²⁴ Atati, sheshila shim'mbele n'ne - Napinga kuti na valaonji vakombolanje kuva pamo na n'ne mahali puni ili vakombolanje kuuna n'ng'inio gwangu, gwegula gum'mbele: pava m'mwe mwashikumbinga n'ne jikanave gumbwa miji mililo ja shilambo. ²⁵ Atati n'kwete haki, shilambo shan'ngamanya m'mwe, lakini n'ne nakum'manya m'mwe; na vanamanyanga kuti mwashikunduma. ²⁶ Nashikulitenda lina lyenu limanyishe kun'ngwaonji na shinilitenda limanyishili kuti kwekula kupinga kwaliji m'mbinje n'ne kutendeshe kuva n'kati jaonji, na n'ne ngombole kuva n'kati jaonji."