¹ Njikumalanjila aga mamboga nnaikuvalanje. ² Shivanchoyanje palanga pa masinagogi;kajekaje sha jinakwia jili kila ashaulaganje shaganishie kuti anakamwila liengo lya mmbone kwa ajili ja ashipangaya. ³ Shivantendelenje genego kwa ligongo vakakwamnyanga Atati wala vakaamanyanga nne. ⁴ Njikwimomalanjilanga genega ili kuti makati gaikaga ga gegano koposhela, nkumbushilanje kuti nammalinjilenje. Nangammalanjilanga gegano tangu ntai kwa ligongo naliji pamo na mmanganyanji. ⁵ Ikave nnaino nne mwanja kwa vevala vandumile; lakini jwakwa amuya nkati jenunji, ''Nkwenda kwei?'' ⁶ Kwaligongo njiveleketa aga malove kungwenunji, shia shishigombala mmiti majenunji. ⁷ Hata nneyo, nakummalanjilanga kweli; ni mmbone kungwenunji nyaulaga; kwamaana ngajaule, mbumu ya ukonjelo akaika ku nggwenunji; lakini nyaulaga shinintumekungwenunji. ⁸ Akaga, jwenejo mbumu ya ukonjelo, shakongondele shilambo kuhushu na shambi, kuhushu na haki na kuhushu na hukumu. ⁹ Kuhushu na shambi, kwa ligongo vangangulupalilanga nne, ¹⁰ Kuhushu na haki kwa ligongo kwenda kwa ababa (atati), na nkamonanga kavili; ¹¹ Nakuhushu na hukumu kwaligongo jwankulungwa jwa ulimwengu gumo ashihukumiwa. ¹² Ngwete ga majinji ga kuntashianga, lakini nkagamanyanga nnaino. ¹³ Lakini, jwene mbumu jwa kweli, aikaga, shavalongolelanje mu kweli mowe; vava akakunguluka kwa ligongo lyake nnyene; ikave gogowe ga shapilikane, shagataye gene mamtogo; n shaamanyishe kungwenu pugapinga kwia gene mambo gapinga kwia. ¹⁴ Jwenejo shandukuye nne, kwa ligongo shaagajamwile mambo gangu na shagakomele mmbila kungwenunji. ¹⁵ Indu yowe ivakwete atati ni yangu; kwa nneyo pumelenje kuti Mbumu shajamule mambo gangu na shagamanyie kungwenunji. ¹⁶ Bado makati gashoka,nkamonanga kavili; na bada ja muda gwa ngupi kavili, shimmonanje.'' ¹⁷ Vajiganywa vananji vao gwatashenenji,''Nndi shakufuvalanjila, ''Muda gwa ngupi,nkamonanga kavili; na tena muda gwangupi shimmonanje; na kwa ligongo ngwenda kwa Atati?'' ¹⁸ Kwa nneyo guvavelekete, ''Nishindu shashi sivaveleketa, 'Bado muda gwa ngupi?' Tukamanya sivaveleketa.'' ¹⁹ A Yeshu vashikumanya kuti na kangani kwanga kupinga kwaauya, na valao gwalugulilenje, ''Nnauyana nmayenenji kuganda lyeneli shimelekete, ''Ukavili' na bada ja muda gwa nngupi shinimonanje?' ²⁰ Amini, amini, nakunnugulilanga, sinngutanje na nyinyilika ikave shilambo shishijangale, na shintengukanje lakini kutenguka kwenunjisikupindikushe kuva kwinonyele. ²¹ Jwandonya anatenguka makati pava na mboteko kwa ligongo makati ga kwigopola gaikaga; ikave aigopolaga mwana, akakumbushila kavili mboteko kwa ligongo lya kwinonyela kuti mwana avelekwe pashilambo. ²² Mmanganyanji nnepeila nkwetenje lipamba nnaino, ikaveje shinimmonaje kavili; na mitima jenunji shijinonyele na jwakwa apingakombola kukushoya kwinonyela kwenunji. ²³ Lyene lyuva lyo nkamuyanga maswali. Amini, amini, nakummalanjilanga, nnjugangaga lyo lyowe kwa Atati, shivampanganje kwa lina lyangu. ²⁴ Mpaka nnaino nkanavejuganga lyo lyowe kwa lina lyangu; njuganje, na mimanganyanji shimposhelanje ili kuti kwinonyela kwenunji kukamilike. ²⁵ Njikunguluka na mmanganyanji kwa shiveleketa shkaelewela, ikave shaajinakwia pene ngakunguluka kwa shiveleketo shikaeleweka lakini badala jake shini malanjilanje gwangali nngiyo gwahusu Atati. ²⁶ Lyene lyuva lyo shinjinganje kwa lina lyangu, wala nngamalanjilanga kuti shinaanjuje Atati kwa ajili jenunji; ²⁷ Pava Atati vayene vanakumpinganga kwa ligongo nichimbinganga nne na kwaligongo ninchingamininji kuti ngoposhele kwa Atati. ²⁸ Kungoposhele kwa Atati na ngishe pa shilambo, kavili, najaula pashilambo, ngwenda kwa Atati.'' ²⁹ Vakwanjiganya vao guvaalugulila, ''Nnilola, nnaino nnabeleketa gwa ngalimngiyo na ndatumia mafumbo. ³⁰ Nnaino, tunamanya kuti nnakugamanya gowe na nkapiga mundu jojowe ammuye maswali kwa lyene ligongo li tunakungamini kuti kunkoposhela kwa ashipanganya. ³¹ Yeshu guvajangawile, ''Nnaino nngamininji?'' ³² Ninole, shaajinakwiya, elo na hakika jiishe, pene pungupinganganga palaganyika kila jumo kwenda kunngwake na kuneka jikape. Lakini nne nngava jikajangu kwa ligongo Atati valina nne. ³³ Njimmalanjilanga gegano, ili mpate kolanga na ulele mmangangaga mkati jangu, pashilambo nkwetenje dhiki, lakini mwitimalikanje muntima, nne shishinepela shilambo.