¹ Bhapingangwa vangu, pava tushikola ahadi li, na twikonjelele twashivayene katika kila lijambo likututenda kuva va nyata katika iili yetu na mbumu. Na tuuloleye utakanyolo katika voga gwa Annungu. ² Ntendanje lilenga kwa ajili jetu! Twangannevela mundu jojoe. Twanganchulu mundu jojoe. Twangaipwadisha kupata kwe mundu jojoe. ³ Naveleketa lyeneli ngaa kwa kwagambanga. Pava melekete kuti nninginji mmitima jetu, kunngwelu uwe kuwa pamo na kulama pamo. ⁴ Jikola mashili gamagwinji nkati mwenunji, na ngunakwipuna kwa ajili jenunji. Jishing'umbala faraja. Ngunakwinonyela hata katikati ja mboteke yetu yowe. ⁵ Twaishe ku Makedonia, iilu yetu yangapumulila. Badala jake, tushikupata tabu kwa namna yowe kwa komwa ngondio upande gwa palanga na voga upande gwa nkati. ⁶ IKaveje Nnungu, akwifarijinji vakatilenje tama, ashikutufariji kwa kwiakwavo aTito. ⁷ Ikaliji kwa kwia kwakepe Nnungu ashikutufariji. Puyaliji pia yeila faraja Atito ivapishele kushoka kunngwenunji. Jwenejo akulugwilile kupinga kukulungwa kunninavonji, kutenguka kwenunji, nashinchitekolanga voga kwa ajili jangu. Kwa nneyo njipunda kwinonyela kwa punda. ⁸ Hata kama balua jangu jishikuntendanga kushikitika nne ngakufitika, ikaveje muda gunajiwene balua go nashikujuta pava mmanganya ushikuntendanga kutenguka ikaveje nchikutengakanga kwa mda kwa nng'upi. ⁹ Nnaino nakwinonyela, nngae kwa ligongo nchikuvanganga na shilwele, ikaveje ligongo lya tenguka kwenunji kushikumpalekanga kutoba. Mchikupatwa na kutenguka kwa shinnungu, kwa nneyo nchikuteswanga nngae kwa ashala kwa ligongo lyetue. ¹⁰ Pava kutenguka kwa shinnungu kunapeleka toba na kunokamilisha mtapulo gwangali vana ng'anio. Kutenguka shidunia, hata nneyo, kunapeleka kuwa. ¹¹ N'goyanje kutenguka kwa shinnungu kuveleye azma jeshi jikulungwa nkati mwenunji. Jinsi jashi azma pujaliji jikulungwa nkati mwenunji kung'ondela kuti mwangalinginji na hatia. Kwa jinsi jashi uchungu gwenunji pugualiji gwankulungwa, voga gwenunji, kulokolila kwenunji, kutumbila kwenunji, na amu jenunji kulola kuti haki jinabidi kutendeka katika kila lijambo nchikong'ondelenga mwashinnyene gwangalikuva na hatia. ¹² Hata kama nannjandishilenje mmanganya, nangajandika kwa ajili jikankuleva, waka nngae kuuka mundu aavyishe na unginu. Njijandika kwa udhati gwa mitima jenunji kwa ajili jetu itendwe kumanyika kwenunji mmujo mwa meyo ga Annungu. ¹³ Ni kwa ajili jeneji tunafarijika. Katika kujenjeshaa faraja yetu twashing'ene, tunakwinonyela pia, hata kwapunda kwa ligongo lya kwinonyela kwa Atito, pava mbumu yake ishikubuludishwa na mmanganya mmoe. ¹⁴ Pava kama nashikuipuna kunngwake kujilana na mmanganya, nangava na aibu. Kannyuma jake, iva kila lilove lituvelekete kunngwenunji lyalili lya kweli, Kuipuna kwetu mbuti mmanganya kwa Atito gashikong'ondela kuti kweli. ¹⁵ Kupinga kwake kwa ajili jenunji nikwakukulungwa kwa punda, ivaga akumbushilaga utii gwenunji goe, jinsi shimumposhelenje jwenejo kwa bloga na kuungumila. ¹⁶ Nakwinonyela kwa ligongo njikola mashili gamatimilile nkati mwenunji.