¹ Na kwa nneyo, kutenda liengo pamope, tunakunnjuganga mmanganya nnaposhelanje mboka ja Annungu pangali matokeo. ² Pava anavelekete, muda gwakubalika nashikununumashia kunngwenunji, na lyuva lya ntapulo nannjakutilinje." Lola, nnaino ni muda ukubalishe. Lola, nnaino ni lyuva lya ntapulo. ³ Tukavika liganga lyaivila mmujo mukamundu jojoe, pava tukakujipinjila uduma jetu jipeleshwe katika sifa ja nyata. ⁴ Badala jake, tunakwiakikisha tuvayene kwa itendi yetu yowe, kuti tuvatumetume va Annungu. Tuvatumetume vaka katika gwinji gwa ustamilivu, mboteko, shiki, unonope gwa maisha, ⁵ kukomwa, itavo, ukomu, katika kutenda liengo kwa bidii, katika kupelala lugono shilo, katika shivanga, ⁶ katika konja ndamutemu, kwipililila, umbone, katika Mbumu ya Uronjelo, katika kupinga kwa kweli. ⁷ Tuvatumetume vake katika lilove lyakweli, katika mashili ga Annungu. Tushikola shilaa ja haki kwa ajili ja nkono nnilo na nkono nchinda. ⁸ Tunatenda liengo katika lunda na dhalauliwa, katika kashipa na kulumbila. Tunagambwa kuti tunalambila na muda guna tuvakweli. ⁹ Tunatenda liengo nndu mbuti tukamanyika na bado tulimanyika ukoto. Tunatenda liengo nndu vawanganga na -Lola! - bado tunatama. Tunatenda liengo nndu tunaadhibiwa kwa ajili ja iendi yetu ikaveje nngaa kuti tulukumwilye hata kuwe. ¹⁰ Tunatenda liengo nndu tukweha mainginiko, ikaveje moga gowe tunakwinonyela. Tutenda liengo nndu twangali shindu, ikaveje tunakwatajilishanga vavajinji. Tunatenda liengo nndu tukapara shindu ikave tukwetela kila shindu. ¹¹ Tuvelekete ukweli gowe kunngwenunji, Wakorintho, na mitima jetu jiugushe talu. ¹² mitima jenunji jikaivilwa na uwe, ikave nnaivilwanga na ng'anio yenunji mwashivayene. ¹³ Katika kutindigana kwa haki - nneino ngunakunguka nndu vana - n'ngugulanje talu mitima jenunji. ¹⁴ Nnatavilwanje pamo na vaangamininji. Upali uhusiano gwashi kati ja haki na kuleka? Na upali ushilika gwashi kati ja shilangaya na luvindu? ¹⁵ Ni makubaliano gashi Kristo anakombola kuvanago nagwe Beliari? Au jwenejo aamini akwete sehemu jashi pamo na jwangaamini? ¹⁶ Na gapali makubaliano gashi gapali kati ja nyumba ja Annungu na shanamu? Pava uwe ni nyumba ja Annungu ali jwankoto, kama nneila Nnungu avelekete: "Shindame nkati mwaonji na kuoa nkati mwaonji. Shimme Nnungu jwaonji, na venevo shivevanganje vandu vangu." ¹⁷ Kwa nneyo, "Nchokangane kati jaonji, na nkatengwanje na venevo," alugula jwa Nkulungwa. "Nnkwayanje shindu shanyata, na shininkalibishanje mmanganya. ¹⁸ Shime nang'inagwenunji, mmanganya shimmanganje ashivanangu va shilume na ashi mama," alugula jwa Nkulungwa Mwenyezi.