¹ Tunapinga mmanyanje mmanganya, kaka na dada, mbuti mboka ja Annungu jishishoywa kumakanisa ga ku Makedonia. ² Wakati gwalingwa kwa mboteko, gwinyi gwa kuinonyela kwaonji na kujenjesheke umasikini gwaonji ushiveleka utajiri gwa nkulungwa kwa ukalimu. ³ Kwa maana nakunnugulinga kuti vashoshiyenje kwa kadri jivakombolenje, na hata punda shivakombolenje. ⁴ Na kwa hiari jaonji ashinng'ene kwa kutujuga kwa kujinji, vashikutujuganga tuve pamo katika huduma ja waumini. ⁵ Jeneji jangakoposhela nndu putwaliji tulilindilila. Badala jake, kwanza vashikushoyanga ashinng'ene ku Vakulungwa. Alapu vashikwishoyanga ashinng'ene kunngwetu kwa manong'a ga Annungu. ⁶ Kwa nneyo tushikunnjuga Tito, aliji tayali atandwive lyene liengo li, katika kwiyanago itendo lya ukalimu pantundu panunji. ⁷ Ikaveje mmanganya nchikolanga gwinji katika kila shindu- katika kulupalila, katika shiveleketi, katika maali ya, katika bidii, na katika kupinga kwenunji kwa ajili jetu. Kwa nneyo nkakikishaje mmanganye kuti nninginji na gwinji pia katika lyene litendo lya ukalimu. ⁸ Naveleketa lyeneli nngae nndu amuli. Badala jake, naveleketa lyeneli kupima ualisi gwa kupingwa kwenunji kwa kuulinganya na amu ja vandu vananji. ⁹ Kwa maana mshimanyinji shikono sha Vakulungwa vetu Ayesu Kristo. Hata ivaga valiji tajiri, valiji maskini kwa ajili jenunji, ili kuti pitila umasikini nkombolanje kuva tajiri. ¹⁰ Katika lyene lijambo shininpanganje ushauli shigunsaidianje. Shaka shimo shipitile, mwangatanduvanga kutenda lijambo. Ikaveje nchikulokolinga kulitenda. ¹¹ Nnaino nkamilishanje. Ivaga kupali na amu nia ja kulitenda, kisha, buli, nkakombolenje pia kulipeleka katika ukamilifu, kwa kadri shinkutipakombolanga. ¹² Pava nchikoha amu tenda lyene lijambo li, ni lijambo lyanmbone na linakubalika. Kwa punda lijime pantundu pa sheshile shalinago mundu, nngaa pantundu pakanakuvanago mundu. ¹³ Pava liengo li nngaa kwa ajili ja vananji vapatanje kashoko na mmanganya ntopelwanje. Badala jake, papagwe na usawa. ¹⁴ Gwinji gwenunji gwa nnaino shigusaidie kwa sheshila shakushipinganga. Jeneji ni nnei kutipia gwinji gwaonji ukombole kusaidia mahitaji ga nuwaji, na kuve na usawa. ¹⁵ Jeneji ni ivaga shijishitepajandikwa; "Jwenejo akwete na yaigwinji jwangali na shindu shoshoe shiigele na jwenejo akwete shishokope jwangali na uitaji gogoe." ¹⁶ Ikaveje ashukuliwe Nnungu, avishile nkati mwa ntima gwa Atito ntima gulapegula gwa bidii jajali ambayo nne ngwete kwa ajili jenunji. ¹⁷ Pava nngaa tushikuposhela pe majugo getu, ikave pia ashikuva na bidii kuhusiana na majugo ago. Ashikwiya kunngwenunji kwa hiari jake nng'ene. ¹⁸ Tushikuntuma pamo nagwe mpwetu anainywa miongoni mwa makanisa kwa ajili ja liengo lyake katika kutangasha injili. ¹⁹ Ngaa yenei pe, ikaveje pia ashikuagulwa na makanisa kushapili pamo na uwe katika kulijamula litendo lya ukarimu sehemu mbalimbali. Jeneji ni ng'inio ja Vakulungwa vayene na kwa amu jetu ja saidia. ²⁰ Tunaepuka uwezekano gwa kutii jojoe anapaswa kuigutanjila kuhusiana na uwe ukalimu gutukuujamula gu. ²¹ Tunajamula uangalifu kutanda shili shatindivala, nngaape mmujo mu Vakulungwa, ikaveje pia mmujo mwa vandu. ²² Pia tunakuntuma mpwetu jula pamo. Tushikumpima papajinjiya na tunmweni akwete amu kwa ajili ja liengo lyalijinji. Hata nnaino ashikola bidii ja punda kwa ligongo lya mashili gamakulungwa galinago nkati mwenunji. ²³ Kwa habali ja Atito, jweneje ni mshirika nnjangu na nkamula liengo nnjangu kwa ajili jenunji. Nnduashiapwetu, vanatumwanga na makanisa. Ni vatindivala kwa Kristo. ²⁴ Kwa nneyo muelanguyanje kupinga kwenunji, na nnangulanje kwa makanisa ligongo lya kuipuna kwetu kwa ajili jenunji.