¹ Nilonge chakaka kupete Kristo. Ngachenivaha upuhe, ni dhamila yangu yishuhudi papamu ninenga kupete Roho Muhuhu, ² kuye kuvi huzuni ngolongu ni maumivu yanga kukoma mukati yi moyu wangu. ³ Kuye nikatokuli nenga namweti kulainiwa ni kutengwa kutali ni Kristo ku ajili yi valongu vangu, vala va jamii yangu kupete hyegha. ⁴ Vombi ni Vaisraeli. Vavayi ni hali yi kutendeka vana, wu utukufu, wu malaghalaki, ni zawadi yi shelia, kumuabudu Chapanga, ni ahadi. ⁵ Vawu ni valongohi ambaku Kristo ahikiki ku kuyinikwa kuhwata hyegha yenye ambayi yombi ni Chapanga wu hyoha. Niyombi asifiwa mileli. Amina. ⁶ Nambu nga kuye ahadi yaka Chapanga yishindika kutimilika. Mana nga kila mundu yovi ku Israeli ni Mwiisraeli halisi. ⁷ Ngaye hata ku luveleku lwaka Abrahamu kuva ni vana vaki halisi. Nambu, ''ni kupete Isaka luveleku lwaku lwalohika.'' ⁸ Aye ni kuye, vana wu hyegha nga vana vaka Chapanga . Nambu vana wu ahadi valolekewa kuva ngati luveleku. ⁹ Mana ale ndi lilove li ahadi . ''Mu majila yanja nahika, ni Sara apekiwa mwana.'' ¹⁰ Nga heli pela, nambu baada yaka Rabeka kupata ndumbu kwaka mundu yumu, Isaka tati witu- ¹¹ kuye vana vakavi vakona ngakuvavelekeka ni akavi ngachetendiki jambu lokapi linyahi pangachi libaya, ili kuye kusudi laka Chapanga kulengana ni uchaguzi liyema, wala nga ku matendu, nambu ni ku ndava yi yula yokemeka. ¹² Yikavahakiki kwaki, ''Nkolongu antumikila nchoku.'' ¹³ Ngati moyikayomwi kulembakeka : ''Yakobo nikampaliki, nambu Esau nikamuhakalile.'' ¹⁴ Basi kave natuvaha kike? Wo kuvi udhalimu kwaka Chapanga? La ngaye. ¹⁵ Kwa kuva avaha kwaka Musa, ''naya ni lehema kwaka yola yonamulehemu, ni naya ni huluma kwaka yola yonamuhulumila.'' ¹⁶ Ku vela basi, nga ku ndandi yaka yombi yopala, wala nga ku ndandi yaka yombi ambayi akembela, nambu ku ndandi yaka Chapanga, ambayi alangiha lehema. ¹⁷ Kwa kuva malembo yavaha kwaka Farao, ''Ku kusudi leneli maalumu nikakuyinwi, ili kuye nilangiha makili yangu kupete wenga, ni ili kuye lihina langu litangazika ku ndema woha.'' ¹⁸ Vela basi, Chapanga avi ni lehema kwaka yokapi yoampala, ni kwaka ambayi ampala, antenda kuva mukahidi. ¹⁹ Kaveti wavaha kwangu, ''Ku kiki wakona uliwona lihoku? Ni ywaleku ambayi akayomwi kustahimili mapalilu yaki?'' ²⁰ Kinyumi chaki, mwanadamu, wenga niwa naneki wouyanga kinyumi ni Chapanga? Kuvi uwezekanu wokapi wu chechifinyangiki kuvaha ku mfinyazi, ''Ku kiki ukanitenda vela nenga?'' ²¹ Wo mfinyazi ngachevi ni haki panani yi lutopi kulenganeke chombu ku matumizi maalumo kuwokana ni bongi lelalela, ni chombu chengi ku matumizi yi kila lichova? ²² Wole ngati Chapanga, ambayi avi niutayali wu kulangi ghadhabu yaki ni kutenda makili yaki kumanyikana, akastahimili ku luhinakilu lu kutosha hyombu yi ghadhabu heyaandaliwi ku kuangamizwa? ²³ Wole ngati akatendiki vela ili kuye alangiha wingi wu utukufu waki panani yi hyombu yi lehema, ambayu akayomwi kuyiandaa ku ajili yi utukufu? ²⁴ Wole ngati akatendiki yanaya kave kwitu, ambayi kave akatulohiki, nga pela kuhuma ku Vayajudi, nambu kave kuhuma ku vandu wu mataifa. ²⁵ Ngati movaha kave kupete Hosea: "Navakema vandu vangu ambawu ngachevakayi vandu vangu, ni mpalikwa waki ambayi ngacheakampaliki. ²⁶ Ni yava kuye pala panavaha kwawu, 'Mwenga nga vandu vangu,' pala vakemika 'vana vaka Chapanga yovi momi.'' ²⁷ Isaya alela kuhusiana ni Israeli, "Ngati hesabu yi vana wu Israeli yikavi ngati nhwanga wu bahali, yikavi ni masaliwu ambayu vaokolewa. ²⁸ Kwa kuva Bambo atola lilovi laki panani yi ndema, mapema ku utimilifu. ²⁹ Ni ngati ntundu Isaya moakavahiti mwandi, "Ngati Bambu wu majeshi ngacheatilekiti kunyuma luveleku ku ajili yitu tukavi ngati Sodoma, ni tukatendakiki ngati Gomora. ³⁰ Anatuvaha kiki basi? kuye vandu wu mataifa ambawu vakavi ngachevapalapala haki, haki ku imani. ³¹ Nambu Israeli, ambayi akayipalapala shelia yi haki, ngacheakayihikile. ³² Ku kike nga vela? Ku ndandi ngachevakayipalapala ku imani, bali ku matendu. Vakalikovondo panani yi liganga li kulikovondo, ³³ ngati moyikayomwi kulembekeka, "Lolakya, nililaziki liganga li kulikovandola ku Sayuni ni kuye wu kuhoka. Yombi ambayi aamini kupete leneli ngaaibike."