¹ Ndongu, nia yi moyu wangu ni lilovu kwaka Chapanga ni ku ajili yawu, ku ajili yi wokovu wawu. ² Kwa kuva nivashuhudi kuye vavi ni juhudi ku ajili yaka Chapanga, nambu nga ku ajili yi ufahamu. ³ Kwa kuva ngachevamanyi haki yaka Chapanga, na vapalapala kuchenga haki yawu veni. Ngache vakavi vahinifu ku haki yaka Chapanga. ⁴ kwa kuva Kristo ndi utimilifu wu shelia kwa ajili yi haki yaka kila mundu yoamini. ⁵ Kwa kuva Musa alemba kuhusu haki ambayu ahika kuwokana ni shelia: ''Mundu ambayi atenda haki yi shelia natama ku haki yeneyi.'' ⁶ Nambu haki ambayu yiwokana ni imani yivaha ana, ''Ukavaha mu moyu waku, 'Naneki akwela kuyenda kunani?' (Aye ni kundeta Kristo pahi). ⁷ Ni ukavaha,' Naneki ahelala mu liwomba?'' (Aye ni, kundeta Kristo panani kuhuma ku wafu). ⁸ Nambu yivaha kike? '' Lilove livi pambipi ni wenga, kupete ndomu waku ni ku moyu waku.'' Leneli ni lilovi li imani, ambalu tulitangaza. ⁹ Kwa kuva ngati ku ndomo waki umukili Yesu yi kuva ni Bambo ni kuamini mu moyo waku kuye Chapanga akanhyohiki kuhuma ku wafu, waokuka. ¹⁰ Kwa kuva ku moyu mundu aamini ni kupata haki, ni ku ndomu akili ni kupata wokovu. ¹¹ Kwa kuva lilembo livaha, '' kila yoaamini nga aaibike.'' ¹² kwa kuva njeta tofauti kati yi Myahudi ni Myunani. Kwa kuva Bambu yola ni Bambu wu voha, na ni tajill ku voha vavankema. ¹³ Kwa kuva kila mundu ambayi alikema lihina laka Bambo yaokuka. ¹⁴ Ku ntundu woli vaweza kunkema yombi ambayi ngachevamwamine? Ni ntundu woli vaweza kuamini kuka yombi ambayi ngachevanjowine? Ni vanjowana woli changa muhubile? ¹⁵ Ni ntundu woli vaweza kuhubili, changakuva vatumwike? Ngati moyilembakiki, '' Ntundu woli ni minyahi magholu yi vala ambawu vatangaza habali yi fulaha yi mambu mema!'' ¹⁶ Nambu voha ngachevayowani injili. Kwa kuva Isaya alongela, ''Bambo, ni naneki yoayowini ujumbi wito?'' ¹⁷ Vela imani yihika kuwokana ni kuyowana, ni kuyowana ku lilove laka Kristo. ¹⁸ Nambu nivaha, '' Wo ngachevayowine?'' Ena, ku hakika petu. ''Sauti yawu yiyomwi kuwoka kunja ku ndema woha, ni malove yawu kuyenda kumiishu yi ndema." ¹⁹ Nganila yi yoha, Nivaha, Wo Israeli ngacheakammanye?" Kwanza Musa alongila, "Nivachokoza kuvayeghe wihu ku vando ambawu nga taifa. Ku ndela yi taifa langa ni uelewa, navachochiya hadi muhyoma." ²⁰ Ni Isaya ni nkangamahu petu ni avaha, "Nikapatikini ni vala ambawu ngachevakanipalapala. Nikawonakini ku vala ambawu ngachevakanipala." ²¹ Nambu ku Israeli avaha, "Machova yoha nikanyoshike mawoku yangu ku vangakuhinika ni ku vandu vanonopi."