¹ Basi nivaha, Wo, Chapanga akavakaniki vandu vake? Hata pachokopi. Kwa kuva, nenga kave Mwiisareli, wu nhoku waka Abrahamu, wu kabila laka Benyamini. ² Chapanga ngachevakaniki vandu vake, akavamanyi kutumbu mwadi, Wo ngachemmanyi lilembu livaha kiki kuhusu Eliya, ntundu moakamusihi Chapanga panani yi Israeli? ³ "Bambo, avakomiki manabii vaku, nivombi vabomwi madhabahu yaku. Nenga kanjika yango nihighali, nawu vapalapala uhai wango.'' ⁴ Nambu liyangu laka Chapanga livaha kiki kwako? Nitunziki ku ajili yangu vandu elfu saba ambawu ngachevanchikami mayuhu Baali.'' ⁵ Hata vela, chikahi chenje chi henu kave vavi vavahighali ku ndandi yi uchaguzi wu neema. ⁶ Nambu nayivi ni ku neema, nga kave ku matendu. Vinginevyo neema ngayikuvi kaveti neema. ⁷ Ni kiki basi? Jambu ambalu Israeli akavi apalapala, ngacheakachipatiki, bali vateule vakachipata, ni vangi vakayeghewa uzitu. ⁸ Ni ngati moyikalembakiki: "Chapanga avapeki roho yi ubutu, mihu ili vakalola, ni makutu ili vakayowana, mpaka halenu vela." ⁹ Niyombi Daudi avaha, "Kotuka meza yawu ni hiya nkwawu, nteghu, sehemu yi kulikovandola, ni kulepa kisasi dhidi yawu. ¹⁰ Kotuka mihu yawu yayeghelika luvendu ili vakaweza kulola. Ukavayinamisha mighongo yawu daima." ¹¹ Basi nivaha, "Wo, valikovandwi mpaka kuhawuka? "Yikakuva vela katu. Badala yaki, ku kushindwa kwawu, wokovu uhikiki ku Mataifa, ili vawu veni vayeghelika wivu. ¹² Henu nayivi kushindwa kwawu ni utajill wu ulimwemgu ni ngati hasala yawu ni utajili wu mataifa, ni kiasi woli nganila yava kukamilika kwawo? ¹³ Ni henu nilonge namu vandu wu Mataifa. Kwa kuva nivi mtumi ku vandu wu Mataifa nayangi, niliswembe huduma yango. ¹⁴ Labda nivayeghe wihu vavayi hyegha yimu ni nenga. Labda nativaokula baadhi yawu. ¹⁵ Mana nayivi kukanakika kwawu ni malidhianu yi dunia, kuyopelewa kwawu kukuvawoli ila uhai kuhuma ku wafu? ¹⁶ Ngati matunda yi kutumbuli ni akiba, ndi moyiyeli kwa liwundi li uhembi. Ngati nkegha ni akiba, mandambi niyombi kadhalika. ¹⁷ Nambu ngati baadhi yi mandambi vayahekiti, ngati wenga, lindambi li chitengo li mzeituni, ukapandikizwi pakati yawu, ni ngati ukashiliki papamu nawu ku mikegha yi utajili wu mzeituni, ¹⁸ Ukajisifu panani yi mandambi. Nambu ngati ujisifu, nga wenga ambayi uyiyangati mikegha, bali mikegha yikuyangati wenga. ¹⁹ Basi vavaha, '' Mandambi vakayahekiti ili nipata kupandikiza ku lishina.'' ²⁰ Ayeyi ni chakaka. Ku ndava yi kutokuamini kwawu vakaheketwa, nambu wenga ukayemi imala ku ndava yi imani yaku. Ukaliholale wamweni ku hali yi panani muni, bali yoghupa. ²¹ Kwa mana nakuvi Chapanga ngacheakayalegheleki mandambi yi asili, ngaakuhulumiki wenga kave. ²² Lolakyaye, basi, matendu mema ni ukali waka Chapanga. Ku upandi wumu, ukali ukahikiki panani yi Vayahudi ambawu vakahawiki. Nambu ku upandi wongi, wema waka Chapanga uhika panani yaku, ngati utadumu mu wema waki. Vinginevyo wenga kave vakuheketila kutali. ²³ Ni kave, ngati ngavayendele kupete kutoamini kwawu, navapandikizwa kaveti. Mana Chapanga avi na uwezu wu kuvapandikiza kaveti. ²⁴ Kwa mana namuyi mwenga vakanhekiti kunja ku wowuvi ku asili mzeituni mwitu, ni kinyumi chi asili mkapandikizwi mu mzeituni wowuyi mwema, nga nganila ava Vayahudi, ambawu ni ngati mandambi yi asili kuweza kupandikizwa kaveti mukati yi mzeituni wawu vene? ²⁵ Kwa mana valongo ngachembala mukotuka kumanya, kuhusiana ni sili yenje, ili kuye makakuva ni hekima ku kuholale kwino maveni. Sili yenje ni kuye unonopi uwoki ku Israeli, hadi kukamilika ku mataifa pavahika. ²⁶ Vela Israeli yoha vaokuka, ngati moyilembakiki: '' Kuhuma Sayuni anahika Mkombozi. Auwoha uovu kuhuma kwaka Yakobo. ²⁷ Ni leneli laya aganu langu papamu nawu, chikahi panayiwoha dhambi yawu.'' ²⁸ Ku upandi wumu kuhusu injili, vavahakali ndava yino. Ku upandi wonge kuwokana ni uchaguzi waka Chapanga, vavapaliki ndava yi vakahokolo. ²⁹ Kwa kuva zawadi ni witu waka Chapanga ngacheubadilika. ³⁰ Kwa kuva awali mwenga mukavi mu mumwasiki Chapanga, nambu henu muyiyopiki lehema ndava yi kuasi kwawu. ³¹ Ku ndela yela ye, henu Vayahudi vamuasiki. Matokeu yaki ni kuye kuwokana ni huluma yemujaliwi mwenga vaweza kave kuyopale lehema. ³² Mana Chapanga avakongiki vandu voha ku uasi, ili aweza kuvahulumi voha. ³³ Ntundu muyiveli ukolongu utajili ni hekima ni maalifa yaka Chapanga! Ngacheyichunguzika hukumu yaki, ni ndela yaki ngacheyigundulika. ³⁴ Mana ni naneki yoayimanyi nia yaka Bambo? Pangachi ni naneki avi mushauli wake? ³⁵ Pangachi ni naneki hoti yoampeki chindu Chapanga, ili andepa kaveti? ³⁶ Ku mana kuwoka kwaki, ni ku ndela yaki ni kwaki, hindo hyoha hiyile. Kwaki uya utukufu milele. Amina.