1 Ku vela nivasihi, valongu, ku huluma yaki Chapanga, muyiwoha hyegha yinu yiva dhabihu yeyivi hai, yihuhu, yeyikubalika kwaka Chapanga. Aye ndi ibada yinu yeyivi ni maana. 2 Wala mukayifuatisha namna yi dunia yeni, bali mung`anambuliwi ku kutendekika upya nia yinu. Mutenda vela mpata kumanya mapalilu yaka Chapanga yayavi mema, yakumunyambila ni kamilifu. 3 Kwa mana nivaha, ndava yi neema yeambekihi, kuye kila mundu ambayi avi miongoni mwinu ngachepaswa kuholale muni panani yaki mweni kupeta moyipasika kuholale. Bali, yimpasa kuholale ku hekima, ngati ambavyu Chapanga avapeki kila yumu kiasi fulani chi imani. 4 Kwa kuva tuvi ni hiungu hinawingi mu hyegha yimu, nambu nga hiungo hyoha hivi ni lihengu limu. 5 Vela vela, tenga tetivi tanawingi tivi hyegha yimu kupete Kristo, ni hiungo kila chimu kwaka njaki. 6 Tuvi ni kalama heyivi mbalimbali ku kadili yi neema yevampeki. Nayivi kalama yaka mundu ni unabii, ni yitendekika ku kadili yi imani yaki. 7 Nayivi kalama yaka mundu ni huduma, ni atumikaye. Naavi niyongi avi ni kalama yi kuwola, basi, awolaye. 8 Nayivi kalama yaka mundo ni falaja, basi afalijaye. Nayivi kalama yaka mundu ni kuwoha, atenda vela ku ukalimu. Nayivi kalama yaka mundu ni kulongoha, ni litendika ku uaminifu. Nayivi kalama yaka mundu ni kupete kulangi huluma, ni yitendika ku fulaha. 9 Pendo lakakuva ni unafiki. Muhakalya uovu; mukamulakya yayayi mema. 10 Kuhusu upendo wu valongu, mupalana maveni ku maveni. Kuhusu heshima, muheshimianayi maveni ku maveni. 11 Kuhusu bidii, makakuva mavalegevu. kuhusu roho, muya ni shauku. Kuhusu Bambo, muntumikyaye. 12 Mufulahia ku ukangamahu womuvi nawu kuhusu machova yayahika. Muya ni subila ku matatizu yinu. Mudumu ku kulova. 13 Mushiliki ku mahitaji yi vaumini. Mupalapala ndela yanawingi yi kulangi ukalimu. 14 Mavatakia balaka voha vavantesa mwenga; muvabalika wala makavalaani. 15 Mufulahia papamu ni vavafulahi, mulela papamo ni vavalela. 16 Muya ni nia yimu maveti ku maveti. Makaholalela ku makoma, nambu mavayetekya vandu wu hali yi pahi. Makakuva ni hekima panani yi mawazu yinu maveni. 17 Makandepa mundu yokapi ovu ku ovu. Mutenda mambu mema mamihu pa vandu voha. 18 Ngati yiwezekana, ngati movaveki kwinu, muya ni amani ni vandu voha. 19 Vapalikwa, makajilepela kisasi wamweni, nambu muyipeha ghadhabu yaka Chapanga. Kwa mana yilembakiki." 'kisasi nde changu; Nenga nalepa,' avaha Bambo." 20 Nambu nayivi adui waku avi ni njala, undeha. Naavi ni nywita, nkengaye. Kwa mana anautendiki vela, naupalila makalakala yi motu panani yi mutu waki." 21 Ukashindwa ni ubaya, bale uushinda ubaya ku wema.