¹ Kila nafsi ni iva ni luhuniku ku mamulaka yi panani, kwa kuva ngacheyivi mamulaka isipokuva yeyiwokiki kwaka Chapanga. Ni mamulaka yeyivili yivekakiki ni Chapanga. ² Ku vela ambayi ayapenga mamulaka yela apenga amuli yaka Chapanga; ni vala vavayipenga vayopa hukumu panani yawu veni. ³ Kwa kuva vatawala nga tishiu ku vavatenda mema, bali ku vavatenda maovu. Wo utokule kutokuyoghopa mamulaka? Tenda yayavi mema, ni vakusifila nayu. ⁴ Kwa kuva ni ntumishi waka Chapanga kwaku ku ajili yi mema. Bali ngati watenda yayavi maovu, yoghupa; kwa kuva ngache totola lipanga bila sababu. Kwa kuva ni ntumishi waka Chapanga, yolepa kisasi ku ghadhabu panani yi yola yotenda uovu. ⁵ Ku vela yitupasa luhiniku, nga pela ndava yi ghadhabu, bali kave ku ndandi yi dhamili. ⁶ Ku ajili yeneyi kave ulepa kodi. Kwa kuva veni mamulaka ni vatumishi vaka Chapanga, ambawu vayendele kutenda jambu leneli. ⁷ Mundepa kila yumu ambachu vavadai: kodi ku yoasitahili kodi; ushulu ku yoasitahili ushulu, choghohi ku yoasitaili choghohi; luyiniku ku yoasitahili luyiniku. ⁸ Makadaiwa ni mundu chindu chochela, isipokuva kupalana maveni ku maveni. Kwa kuva yombi yoampala jilani waki ayitimiliza shelia. ⁹ Kwa kuva, "Ngawazini, ngawakomi, ngawayivi, ngawatokule," ni ngati kuvi amuli niyengi kave, yijumulishwi kupete sentensi yenje: "Wampala jilani yaku ngati wenga wamweni." ¹⁰ Upendo ngacheudhulu jilani yaka mundu. Ku vela, upendo ni ukamilifu wu shelia. ¹¹ Ku ndava yi vela, mumanyi chikahi, kuye ni chikahi chi kuwoka mu lughonu. Kwa kuva wokovu witu uheghali nganila yi chikahi chela tetika amini hoti. ¹² Ikilu yiyendelela, ni muhi yiheghelela. Ni tuveka kukeghi matendu yi luvendu, ni tuhwata silaha yi nulu. ¹³ Ni tuyenda sawa sawa, ngati mu nulu, nga ku shelehe yi uovu pangachi ulevi. Ni tukayenda mu zinaa pangachi tamaa yangakuweza kudhibitika, ni nga mu fitina pangachi wihu. ¹⁴ Bali tunhwata Bambu Yesu Kristo, ni tukaveka nafasi ku ajili yi hyegha, ku tamaa yaki.