¹ Munjopalya yokapi ambayi ni dhaifu ku imani, bali kuwoha hukumu kuhusu mawazu yaki. ² Mundu yumu avi ni imani yi kula chochela, yongi ambayi ni dhaifu akula imbogha tu. ³ Mundu ambayi akula kila chindu akamudhalawu yombi wangakula kila chindo. Ni yombi ambayi ngachekula kila chindu akamuhukumu yongi ambayi akula kila chindo. Kwa kuva Chapanga ayomwi kunjopalela. ⁴ Wenga ni naneki, wenga ambayi umuhukumu ntumishi ambayi ni miliki yaka mundu niyonge? Ni palongi yaka Bambu waki kuye vayema pangachi kuhawuka. Nambu ayinuliwa, kwa kuva Bambo aweza kuntenda ayemaye. ⁵ Mundu yumu athamini lichova limu kuliku lengi. Yongi athamini kila lichova sawa sawa. Hebu kila mundu ni ashawishika kupete malangu yaki mweni. ⁶ Yombi ambayi akamu lichova, akamula ku ajili yaka Bambo. Ni kwaka yombi yokula, akula ku ajili yaka Bambo, kwa kuva ampeke Chapanga shukulani. Yombi ambayi ngachekula, alihivalaki kutokula ku ajili yaka Bambo. Yombi kave awoha shukulani kwaka Chapanga. ⁷ Kwa kuva njeta yoishi ku nafsi yaki, ni njeta yokuhwa ku ajili yaki mweni. ⁸ Kwa kuva nayivi tuishi, tuishi ku ajili yaka Bambo. Ni nayivi tukuhwa, tukuhwa ku ajili yaka Bambo.Basi nayivi tuishi pangachi tukuhwa tuvi mali yaka Bambo. ⁹ Kwa kuva ni kusudi leneli Kristo akahwili ni kuishi kaveti, kuye aya Bambo wu voha wafu ni vaishio. ¹⁰ Nambu wenga, ku kiki umuhukumu ndongu waku? Ni wenga, ku kiki umudhalau ndongu waku? Kwa kuva tenga tawoha tayema palongi yi chitewu chi hukumu kwaka Chapanga. ¹¹ Kwa kuva yilembakiki, "Ngati moniishi," avaha Bambo, "Kwangu nenga kila liyuhu lachikama, ni kila lulimi lwawoha sifa kwaka Chapanga." ¹² Vela basi, kila yumu witu awoha hesabu yaki mweni kwaka Chapanga. ¹³ Ku vela, tukayendele kaveti kuhukumiana, nambu badala yaki amula anana, kuye njeta yoaveka kikwazu pangachi nteghu kwaka ndongo waki. ¹⁴ Nimanyi ni nishawishiki kupete Bambo Yesu, kuye njeta chindu chechivi najisi cheni. Ni kwaka yombi pena yohambuka kuva chochela ni najisi, kwa kuva kwaki ni najisi. ¹⁵ Nayivi ku ndava yi chilevi ndongu waku ahuzunika, ngacheuyenda kaveti mu upendo. Ukamuhalibu ku chilevi chaku mundu ambayi ku ajili yaki Kristo akahwile. ¹⁶ Vela makaluhusu matendu yinu mema yakasababisha vandu kuvanyakila. ¹⁷ Kwa kuva ufalumi waka Chapanga nga ku ajili yi chilevi ni chinywaji, bali ni kwa ajili yi haki, amani, ni fulaha kupete Roho Muhuhu. ¹⁸ Kwa kuva yombi yaantumiki Kristo ku ntundu wonowu ayetakiki kwaka Chapanga ni ayetakiki ku vandu. ¹⁹ Ku vela basi, ni tuvengalya mambu yi amani ni mambu ambayu yanchenga mundu ni yongi. ²⁰ Ukahalibu lihengu laka Chapanga ku ndandi yi chilevi. Hindu hyoha ku chakaka ni hinyambiki, nambu ni uhakawu kwaka mundu yola ambayi akula ni kumusababisha yombi kulikovandola. ²¹ Ni wicho kutokula inyama, wala kunywa divai, wala chochela ambachu ku chela ndongu waku akwazika. ²² Aye imani maalumu yeuvi nayu, hiveka pakati yaku wamweni ni Chapanga. Abalikiwi yola ambayi ngacheajihukumu mweni kupete chela cheachiyetekela. ²³ Yovi ni mashaka ahukumiwi anavi akula, ndava ngacheyiwokana ni imani. Ni chochela changakuwokana ni imani ni dhambi.