¹ Pangachi ngachemumanyi, valongo vango (kwa kuva nilonge ni vandu vavayimanyi shelia), kuye shelia yintawala mundu pakuva momi? ² Ku ndava mbomba yototuliki akongakiki ni shelia kuka yola ndomi waki pakuva momi, nambu nayivi ndomi waki ahywa, aya vambekiki hulu kuhuma shelia yi ndoa. ³ Vela basi, chikahi ndomi waki akona aishi, nayivi atama ni mwanalomi yongi, akemeka muzinzi. Nambu nayivi ndomi waki ahwili, yuvi hulu dhidi yi shelia, vela ngakuvi muzinzi nayivi atama ni mwanalomi yongi. ⁴ Ku vela, valongu vangu, mwenga kave vakantendiki wafu ku shelia ku ndela yi hyegha yaka Kristo. Yivi vela ili mupata kuunganishwa ni yongi, kwaki yombi ambayi akahyohakiki kuhuma mu wafu ili tuweza kumbeleke Chapanga matunda. ⁵ Ku ndava patukavi mu hali yi hyegha, tamaa yi dhambi hikayumuka mu hiungu yitu ku ndela yi shelia ni kuyiveleke mauti matunda. ⁶ Nambu henu vatuhowuli kuhuma mu shelia. Tuyihweli yela hali yeyitupengiki. Ili tenga tupata kutumika mu hali mpya yi Roho, ni nga mu hali yi mwandi yi andiku. ⁷ Tuvaha wo basi? Shelia ni dhambe? Nga vela. Hata vela, nganikatambwili dhambi, ngayikavi ku ndela yi shelia. Kwa kuva nganikamanyi kutokule ngati sheria ngayikavahiki, "Ukatokulela." ⁸ Nambu dhambi yikapata nafasi ku yela amuli ni yikaleta mukati yangu kila ntundu yi kutokulela. Ku ndava dhambi changa shelia yihwile. ⁹ Natu nikavi momi pala hoti changa shelia, nambu payahika yela amuli, dhambi yikapata uhai, natu nakahwile. ¹⁰ Yela amuli ambayu yikayayiletiki womi yikaghanamuka kuva mauti kwango. ¹¹ Ku ndava dhambi yikapata nafasi ku yela amuli ni yikanikonga. Kupete yela amuli, yikanikoma. ¹² Vela sheria ni yihuhu, ni yela amuli ni yihuhu, yi haki , ni njema. ¹³ Vela basi yela yeyivi njema yikavi mauti kwangu nenga? Yikakuva vela katu. Nambu dhambi, ili yiwonekana kuwa ni dhambi hasa kupete yela njema , yikaleta mauti mukati yangu. Yenje yikavi kuye kupete yela amuli, dhambi yizidi kuva yibaya petu. ¹⁴ Ku ndava tumanyi yi kuwa shelia asili yaki ni yi mu roho, nambu nenga ni mundu wu muhyegha. Vanilombihi pahi yi utumwa wu dhambi. ¹⁵ Mambu yanitenda, ngacheniyaelewa dhahiri. Kwa kuva lela lenilipala kutenda, ngachendenda, ni lela lenilihakali ndi lenitenda. ¹⁶ Nambu ngati nitenda lela langakulipala kutenda, niyetekene ni sheria yi kuwa ni njema. ¹⁷ Nambu henu nga nenga nafsi yangu nendenda yanaya, bali ni yela dhambi yeyitama mukati yango. ¹⁸ Ku ndandi nimanyi yi kuva mukati yangu, yaani mukati yi hyegha yangu, ngachelitama jambu jema. Kwa kuva tamaa yi lenga jema livi mukati yango, nambu ngachenilitenda. ¹⁹ Ku ndava lela jema lenilipala ngachenilitenda, bali lela liovu langa kulipala nde nilitenda. ²⁰ Henu ngati nitenga lela langa kulipala, nga nenga binafsi nilitenda, bali ni yela dhambi yeyitama mukati yango. ²¹ Nimanyi, kaveti, yivi kanuni mukati yangu yi kupala kutenda lelivi jema, nambu uovu hakika uvi mukati yangu. ²² Ku ndava niyifulahia shelia yaka Chapanga ku utu wu mukati. ²³ Nambu niwona kanuni yeyivi tofauti mu hiungu yi hyegha yangu. Yilapu ngondu dhidi yi kanuni yampya mu malango yango. Yinitenda nenga mateka ku kanuni yi dhambi yeyivi mu hiungu yi hyegha yangu. ²⁴ Nenga ni mundu wu huzuni! Ni naneki yoaniokuayi ni hyegha yenje yi maute? ²⁵ Nambu shukulani kwaka Chapanga, ni kwaka Yesu Kristo Bambu witu! Vela basi. Nenga namweti ku malangu yangu niyitumiki shelia yaka Chapanga. Bali, ku hyegha niyitumiki kanuni yi dhambi.