¹ Tuvaha kiki basi? Tuyendelya mu dhambi ili neema yiyonjikika? ² Nga vela. Tenga tetikahwili mu dhambi, tuweza woli kave kutama mu vela? ³ Wo ngachemumanyi yi kuva vala vavakabatizwi kupete Kristo vakabatizwi kupete mauti yaki? ⁴ Tukavi vatutaghiki papamu niyombi kupete ubatizu ku nyiwa. Yenje yikatendakiki ili kuye ngati vela Kristo moakayinuliwi kuhuma mu mauti kupete utukufu wu Vatati, ili kuye tatu taweza kuyenda mu upya wu maisha. ⁵ Mambu nayivi tuunganishwi papamu niyombi ku mfanu wu nyiwa yaki, kave taunganishwa kupete ufufuo waki. ⁶ Tenga tumanye anana, utu witu wu mwandi ukasulubiwi papamu niyombe, ili kuye hyegha yi dhambi yiyonangika. Yenje yikapitali ili kuye tukayendele kuva vatumwa wu dhambi. ⁷ Yombi yoakahwili vantendiki mweni haki kulengana ni dhambi. ⁸ Nambu ngati tuhwili papamu ni Kristo, tuamini kuye yatutama papamu niyombi kave. ⁹ Tumanyi kuye Kristo ahyohakiki kuhuma mu wafu, ni kuye nga mfu kaveti. Nyiwa ngacheyintawala kaveti ¹⁰ Mambu ku habali yi nyiwa yeakahwili mu dhambi, akahwili mala yimu ku ajili yi voha. Hata vela, maisha yaatama, atama ku ajili yaka Chapanga. ¹¹ Ku ndela yela yela, kave mupaswa kulivalangi kuva wafu mu dhambi, bali momi kwaka Chapanga kupete Kristo Yesu. ¹² Ku ndandi yeneye wakaluhusu dhambi yitawala hyegha yaku ili kusudi uweza kuyihinika tamaa yaki. ¹³ Ukawoha sehemu yi hyegha yaku mu dhambi ngati hyombu hyanga ni haki, bali muliwoha maveti kwaka Chapanga,ngati vavavi vomi kuhuma mu mauti. Ni muyiwoha sehemu yi hyegha yinu ngati hyombu yi haki kwaka Chapanga. ¹⁴ Makaluhusu dhambi yivatawala. Kwa kuva ngachemuvi pahi yi shelia, bali pahi yi neema. ¹⁵ Kiki basi? Tutenda dhambi ndava ngachetuvi pahi yi shelia, bali pahi yi neema? Nga vela. ¹⁶ Ngachemumanyi yi kuva kwaki yombi ambayi muliwoha maveni ngati vatumishi ndi ambayi mwenga maya vatumishi vaki, yombi momupasa kumuhinika? Yenje ni chakaka hata ngati mwenga ni vatumwa kupete dhambi ambayu yipeleke mauti, pangachi vatumwa wu luhiniku lolupeleke haki. ¹⁷ Nambu achengulika Chapanga! Kwa kuva mukavi vatumwa wu dhambi, nambu muhiniki kuhuma mu mtima yela namna yi fundishu lempatiki. ¹⁸ Vantendiki hulu kuhuma mu dhambi, ni vatendiki vatumwa wu haki. ¹⁹ Nilonge ngati mundu ndandi yi madhaifu yi hyegha yinu. Ku ndava ngati vela momawoha hiungu yi hyegha yinu kuva vatumwa ku uchafu ni uovu, ku ntundu wonawo, henu muwoha hiungu yi hyegha yinu kuva vatumwa wu haki ku utakaso. ²⁰ Kwa kuva pamakavi vatumwa wu dhambi, mukavi hulu kutali ni haki. ²¹ Ku chikahi echi, mukavi ni tunda laleku ku mambu ambayu ku henu muyawone ihoni? Kwa kuva matokeo yi mambu yanaya ni nyiwa. ²² Nambu kwa kuva henu vantendiki hulu patali ni dhambi ni mutendakiki vatumwa kwaka Chapanga, muyi litunda ku ajili yi utakaso. Tokeo ni womi wu mileli. ²³ Kwa kuva mshahala wu dhambi ni mauti, bali zawadi yi waka yaka Chapanga ni womi wu mileli kupete Kristo Yesu Bambu witu.