¹ Natuvaha kiki kaveti kuye Abrahamu, vatati vitu ku ntundu yi hyegha, akapatakine? ² Ku ndava anayivi Abrahamu akavelangakiwi haki ku matendu, akaya avi ni ndandi yi kujisifu, nambu nga palongi yaka Chapanga. ³ Kwani malembu yavaha woli? "Abrahamu akamwamini Chapanga, ni yikavelangiki kwaki kuva haki." ⁴ Henu kwaka mundu yoahenga lihengu, malepo yaki ngache yavelangake kuva ni neema, bali kuva ni deni. ⁵ Nambu kwaka mundu ywanga kuhenga lihengu bali amwamini yombi ambayi ambelenge haki ywangakuva mutauwa, imani yaki mundu oyu yivavelangeka kuva haki. ⁶ Daudi kave alonge balaka panani yaka mundu ambayi Chapanga ambalangi haki changa matendu. ⁷ Akavahiki, "Vabalikiwi vala ambawu maovu yawu yasamehiwi ni ambawu dhambi hyawu vahyekali. ⁸ Abalikiwi mundu yola ambayi Bambu ngacheamuvalangi dhambi. ⁹ Basi wo balaka yenje ni ku vala vavatahiliwi pela, pangachu kave ku vala vanga kutahiliwa? Ku ndava tuvaha "kuka Abrahamu imani yaki yikavelangikiwi kuva ni haki." ¹⁰ Vela yikavelangiwi woli basi? Chikahi Abrahamu akavi mu tohala pangachu kabla ngacheatahiliwe? Ngacheyavi kupete kutahiliwa, bali kupete kutokutahiliwa. ¹¹ Abrahamu akayopiki alama yi kutahiliwa. Wonowu ukavi muhuli wu haki yela yi imani yeakavi nayu tayali kabla ngachetahiliwe. Matokeo yi ishala yenje ni kuye akatendakiki kuva vatati wu vawu vavaomini, hata ngati vavi kupete kutokutahiliwa. Yenje yivi ni ndava kuye haki yayivelangikayi kwawu. ¹² Yenje kave yikamaanishi kuva Abrahamu akatendakiki vatati wu tohala nga pela ku vala vavatokana ni tohala, bali kave vala vava vengale nyayu yi vatati vitu Abrahamu. Ni yenje ndi imani yevinayu ku vanga kutahiliwa. ¹³ Ku ndava ngacheyavi shelia kuye ahadi yikawokakiki kuka Abrahamu ni luvelaku lwaki, ahadi yenjenu yi kuye yavaya valithi wu dunia isipokuva, yikavi kupete haki yi imani. ¹⁴ Ku ndava ngati shelia ndi valithi, imani yivi waka, ni ahadi yibatilike. ¹⁵ Ku ndandi shelia yileta ghadhabu, nambu pala ambapu njeta shelia, kave njeta kutokuhinika. ¹⁶ Ku ndandi yenjenu ale lipitali ku imani, ili yivya ku neema. Matokeo yaki, ahadi ni dhahili ku luveleku loha. Ni vazawa avava nga pela vala vavayimanyi shelia, bali kave vala nu wu imani yaka Abrahamu. Ku ndava yombi ni vatati vitu tenga tavoha. ¹⁷ ngati moyilembakiki, "Nikutendiki wenga kuva vatati wu mataifa yanawinge," Abrahamu akavi mu uwepo wu yola yoaamwamini, yaani, Chapanga ambayi avapeke wafu womi ni kuyakema mambu ambayu ngacheyavi ili yaweza kuva. ¹⁸ Licha yi hali yoha yi kunja, Abrahamu ku ukakamahu akamwamini Chapanga ku machova yaghahika. Vela akavi vatati wu mataifa yanawingi, kulengana ni chela chechivahakiki,".... Ndi momutiluvelila luveleku lwaku." ¹⁹ Yombi ngacheakavi dhaifu kupete imani. Abrahamu akakili kuye hyegha yaki mweni yikayomwi kuhwa - akavi ni umuli wu kuheghale hyaka mia yimu. Kave akakubaliyana ni hali yi kuhwa yi litumbu laka Sara. ²⁰ Nambu ku ndava yi ahadi yaka Chapanga, Abrahamu ngacheakasitiki kupete kutokuamini. Bali, akanyeghiwi makili kupete imani ni akamusifu Chapanga. ²¹ Akavi amanyi hakika yi kuwa chela ambachu Chapanga akaahidi, akavi kave ni uwezo wu kukikamilisha. ²² Ku vela yenje kave yikavelangiki kwaki kuva ni haki. ²³ Henu ngache yalembakiki pela ku faida yaki, kuye yikavelangiki kwaki. ²⁴ Yikalembakiki ku ajili yito kave, ku vavavekiwi kuvelangeka, tenga ambawu tuamini kupete yombi yoakamuhyohiki Bambu witu Yesu kuhuma mu wafu. ²⁵ Yonjoni ni yola ambayi akawohakiki ku ajili yi mahoku yitu ni kuhyukakeka ili tupata kuvelangeka haki.