¹ Kisha ni faida woli yevinayu Myahude? Ni faida yi tohala ni kike? ² Ni wichu muni ku kila ndela.Kutumbu ku yoha,Vayahudi vakakabidhiwi ufunuo kuhuma kwaka Chapanga. ³ Nambu, yakuva woli navavi baadhi yi Vayahudi ngavakuvi ni imane? Wo, kutokuamini kwawu yakutenda uaminifu waka Chapanga kuva batile? ⁴ Nga vela. Badala yaki ndeka Chapanga awonikana kuva chakaka, hata ngati kila mundu ni mpuhi. Ngati moyika lembekiki,"Yi kuye uweza kuwonikana kuva mweni haki kupete malovi yaku, ni uweza kushinda pawuyingi ku hukumu." ⁵ Nambu anayivi uovu witu ulangi haki yaka Chapanga, tuvaha wole? Chapanga nga dhalimu pawoha ghadhabu yaki, wo avi vela? Nilonge kutokana ni mantiki yi kibinadamu. ⁶ Nga vela! Ni ku ntundu woli basi Chapanga awuhukumwa ulimwengo? ⁷ Nambu nayivi chakaka yaka Chapanga kupete upuhi wangu uwoha sifa yinawingi ku ajili yaki, ku ndandi kiki nakona nihukumiwa mweni dhambe? ⁸ Ku ndandi kiki tukavaha, ngati movatukopakili ni ngati vangi movatithibitishila kuye tuvaha, "Tutenda uovu, ili mema yahikaye?" Hukumu panani yawu ni yi haki. ⁹ Ndo kiki basi? Tujitetela tavete? Ngavela nganila. Ku ndandi tenga tayali tuvatuhumu Vayahudi ni Vayunani voha papamu,yi kuva vavi pahi yi dhambi. ¹⁰ Yenje ni ngati moyalembekiki: "Njeta mweni haki, hata yumu. ¹¹ Njeta mundo ambayi yoayelewa. Njeta mundo ambayi yoamupalapala Chapanga. ¹² Voha vang'anamwike. Vombi ku papamu vavi ngachevavi ni maana. Njeta yotenda mema, la, hata yumu. ¹³ Makoo yawu ni litengeli lelivi lipala.Milimi yawu yikonga.Sumu yi liyoka yivi pahi yi milomu yawu. ¹⁴ Milomu yawu yitweli laana ni uchungu. ¹⁵ Magholu yawu yavi mbelu kuyiti mwahi. ¹⁶ Uhalibifu ni mang'ahiku yavi mu ndela yawu. ¹⁷ Vandu avava ngachevamanyi ndela yi amani. ¹⁸ Njeta hofu yaka Chapanga palongi yi mihu yawu." ¹⁹ Henu tumanya kuye chokapi shelia moyivaha, yivaha ni vala vavavi pahi yi shelia. Yenje ni ili kuye kila ndomu ukongika, ni vela kuye ulimwengu woha uweza kuwajibika kwaka Chapanga. ²⁰ Yenje ni ku ndandi njeta hyegha yeyavalangika haki ku matendo yi shelia palongi yi mihu yaki. Ku ndava kupete shelia wuhika ufahamu wu dhambi. ²¹ Nambu henu changa shelia, haki yaka Chapanga yimanyikini. Yikashuhudiwi ku shelia ni Manabii, ²² vela ni, haki yaka Chapanga kupete imani ku Yesu Kristo ku vala vokapi vavaamini. Mambu njeta tofauti. ²³ Ku ndava voha vatendiki dhambi, ni kupngukiva ni utukufu waka Chapanga. ²⁴ Vavelangiki haki waka ku neema yaki ku ndela yi ukombozi wowuvi kupete Kristo Yesu. ²⁵ Ku ndava Chapanga akambohiki Kristo Yesu aya upatanisho ku ndela yi imani kupete mwahi wake. Akambohiki Kristo ngati ushahidi wu haki yaki, ku ndandi yi kuzilekeke dhambi yeyipetiki. ²⁶ kupete uhinakilu waki. Yanaya yoha yakapitali ili kulangi haki yaki chikahi chenje chi henu. Yenje yikavi ili aweza kujithibitisha mweni kuva haki, ni kulangi kuye ambalangi haki mundu yokapi ku ndandi yi imani kupete Yesu. ²⁷ Kuvikwaku basi kujisifo? Kutengwike. Ku misingi yaleko? Misingi yi matendo? Ngaye, nambu ku misingi yi imani. ²⁸ Vela tuhitimisha kuye mundu avalangiwa haki ku imani changa matendu yi shelia. ²⁹ Pangachi Chapanga ni Chapanga wu Vayahude pela? Wo yombi nga Chapanga wu vandu wu mataifa kave? Ena, wu mataifa kave. ³⁰ Nayivi ku chakaka Chapanga ni yumu, avavalangi haki vavavi wu tohala ku imani, ni vanagakutahiliwa ku ndela yi imani. ³¹ Wo tenga tuyibatilisha shelia ku imane? Nga vela! Kinyumi chi yanaya, tenga tuyithibitisha shelia.