¹ Ku vela ngacheuvi ni udhulu, wenga weuhukumu, ku ndandi yala yaumuhukumu njaku ujiveka mu hatali wamweti. Ndava wenga weuhukumu utenda mambu yalayala. ² Nambu tumanyi kuye hukumu yaka Chapanga ni yi chakaka panani yawu vavatenda mambu ngati yanaya. ³ Nambu wenga tafakali leneli, wenga ambayi uvahukumu vala vavatenda mambu yanaya ingawa niwenga utenda mambo yanayala. Wo waepuka hukumu yaka Chapanga ? ⁴ Pangachi uholele pachokopi petu panani yi wingi wu wema waki, kuchelewa ku adhabu yaki, ni uhinikilu wake? Wo, ngacheumanyi kuye wema waki upaswa kukuelekeza mu toba? ⁵ Bali ku kadili yi unonopi waku ni ku moyu waku wanga ni toba ujiveke wamweni akiba yi ghadhabu ku lichova lela li ghadhabu, yaani, lichova lela li ufunuo wu hukumu yi haki yaka Chapanga. ⁶ Yombi andepa kila mundo kipemo sawa ni matendu yake. ⁷ Ku vala ambawu ku uthabiti wu matendo mema vapalapala sifa, luyiniku ni kutokuhalibika, avapekiya womi wu mileli. ⁸ Nambu ku vala ambawu ni vabinafsi, vangakuyihinikila chakaka bali vayihiniki dhuluma, ghadhabu ni hasila kali yihika. ⁹ Chapanga aleta dhiki ni shida panani yi kila nafsi yi binadamu yoatendiki uovu, ku Myahudi hoti, ni ku Myunani kave. ¹⁰ Nambu sifa, luyiniku ni imani yahika ku kila mundu yotenda mema, ku Myahudi hoti ni Myunani kave. ¹¹ Ku ndava njeta upendelewu kwaka Chapanga. ¹² Ku ndava ngati vela vanawingi vavakosiki changa shelia vahova changa shelia, ni ngati vela vanawingi vavakositi kulengana ni shelia vahukimiwa ku shelia. ¹³ Mambu nga vavayowene wu shelia vavavi veni haki palongi yaka Chapanga, bali vala vavayitenda shelia vahesabiwa haki. ¹⁴ Mambu vandu wu Mataifa, ambawu ngachevavi ni shelia, vatenda ku asili mambu yi shelia, vawu, vavi shelia ku nafsi yawu, ingawa vawu ngachevavi ni shelia. ¹⁵ Ku lende valangi kuye matendu yayahitajika ku mujibu wu shelia yalembekiki mukati yi mitima yawu. Dhamila yawu kave yivashuhudila vawu, ni maholale yawu veni ama yivatakila pangachi yivalenda vawu veni. ¹⁶ nikave kwaka Chapanga. Yanaya yapitali ku machova ambayu Chapanga azihukumula sili yi vandu voha, sawasawa ni injili yangu, ku ndela yaka Yesu Kristo. ¹⁷ Tuvaha kuye uliloa wamweti Myahudi, yotemi mu shelia, shangiliya ku kujisifu kupete Chapanga. ¹⁸ yamanya mapalilu yaki, ni kupema mambu ambayu yayapishina nayu, badala yi kulaghalikilwa ni shelia. ¹⁹ Ni tuvaha kuye uvi ni ukakamahu kuye wenga wamweti ni kiongozi wu vatitila, luvalu ku vala vavavi mu luvendu, ²⁰ musahihishaji wu vang'ang'a, mwalimu wu vana, ni kuye uvi mu shelia ntundu wu elimu ni chakaka. ²¹ Wenga basi, weumuhubili yongi,wo, ngache ujifundisha wamwete? Wenga weuhubili kutokuyiva, wo, wenga wuyiva? ²² Wenga weuvaha wakazini, wo uzine? Wenga weuhakali sanamu, wo, uyivva mu hakalo? ²³ Wenga weujisifu mu shelia, wo ngache umfedhehesha Chapanga kupete kutunyu shelia? ²⁴ Ku ndava "lihina laka Chapanga lifedheheshwa kati yi vandu wu mataifa ku ndandi yino," ngati moyilembakike. ²⁵ Ku ndava kutahiliwa chakaka kufaa ngati uyihiniki shelia, nambu ngati wenga uvi mukiukaji wu shelia, kutahiliwa kwaku kukuva kutokutahiliwa. ²⁶ Basi naavi, mundu wanga kutahiliwa ayendele kukamu matakwa yi shelia, wo, kutokutahiliwa kwaki ngakutolekeki ngati kuye atahiliwe? ²⁷ Ni yombi ywanga kutahiliwa ku asili ngaakuhumu ngati utimizi shelia? Yenje ni ku ndava uvi ni malembu yayalembakiki ni tohala kave nambu wakona wu mukiukaji wu shelia! ²⁸ Ku ndava yombi nga Myahudi yovi ku hali yi kunja; wala kutahiliwa nga kola ambaku ni ku kunja pela kupete hyegha. ²⁹ Nambu yombi ni Myahudi yovi ku mukati, ni tohala ni yi moyu, kupete roho, nga kupete andiko. Sifa yaka mundu wu namna yeneyi ngacheyihumana ni vandu bali yihuma kwaka Chapanga.