¹ Mu machova hagho, kukavi kaveti ni umati ukolongwa, ni ngachevavi ni chilevi.Yesu akavakemiki vanafunzi vaki akavapwaghila, ² Niuhulumi umati wombone, vayendeli kuva ni nenga kwa machova ghatatu ni ngachevavi ni chilevi. ³ Ana nivatawinyi vawuya kumanyumba yawu changa kula vaweza kung'anduka mundela kwi hinjala. Ni baazi yawu vawokiti kutali petu. ⁴ Vanafunzi vaki vakanjanga, "Natupata kwaku mikati yi kutosha kuvatupalisha vandu avava mu lieneu lendenu levalilekike?" ⁵ Akavalaluki, ''muyi na hipandi hilenga yi mikate?'' Vakavaha, ''Saba''. ⁶ Akakuamulu umati utama pahi. Akatola mikati saba, akamuchengua Chapanga, ni kuidumula. Akavapekeha vanafunzi vaki vaiveka palongi yawu, nivombi vakaiveka palongi yi umati. ⁷ Kaveti vakavi ni homba tuchoku hichikipi, ni baada yi kuchengua, akavaamulu vanafunzi vaki vavagavila vela kaveti. ⁸ Vakakula ni kutosheka. Ni vakakusanya hipandi heyahighali, hikapu hikolongwa saba ⁹ Vakakalibi vandu elufu nchechi. Ni akavaleka vayenda. ¹⁰ Mala akayingi mu mashua ni vanafunzi vaki, ni vakayenda mu ukanda yi Dalmanuta. ¹¹ Kisha Mafalisayo vakapita kunja nu kutumbu kubishana niyombi. Vakapala avapekiya ishala kuhuma kunani kwa kundenga. ¹² Akatafakali kwa ulacho muntima waki akavaha, "Kwa ndandi kiki luveleko londo lupala ishala? Numpwaghi mwenga chakaka, njeta ishala yemutiiwokikika kwa kuveloko londo." ¹³ Kisha akavaleka, akayingi mukati yi mashua kaveti, akawoka kuyeleke upandi wongi. ¹⁴ Chikahi echi vanafunzi vakayewiki kutowola mikati. Ngachevavi ni mikati nganila yi chipandi chimo chechavi mu mashua. ¹⁵ Akavaonya nu kuvaha, "Muya miho ni mulilenda zidi yi chachu yaka Mafalisayo ni chachu yaka Herode. ¹⁶ Vanafunzi vakapwaghani veni kwa veni, "Ni kwa ndandi ngachetuvi ni mikate." ¹⁷ Yesu akalitambula leneli, ni akavapwaghila, "Kwa ndandi kiki mupwaghani kuhusu kutokuva ni mikati? Nkona ngachemumanye? Ngachemueliwe? Mitima yinu ivi yikuyoyoka? ¹⁸ Muvi ni mihu,ngachemulola? Muyi ni makutu, ngache muyowana? Ngachemukomboka? ¹⁹ Panaigava mikati nhwanu kwa vandu elufu nhwanu, mukatoloki hikapu hilenga hehikatweli hipandi yi mikate?" Vakamujibu,"kumi ni hiveli." ²⁰ Ni panaigava mikati saba kwa vandu elufu nchechi, mkatoliki hikapu hilenga?" ²¹ Vakavaha,"Saba." Akavapwaghila, "Nkona ngachemueliwi?" ²² Vakahikiki Bethsaida. Vandu havo vakandetiki mundu titila ni vakamusihi amugusaye. ²³ Yesu akankamwi kwa chiwoku yola titila, nu kundongoha kunja yi kijiji.Akahuna mata panani yi mihu yaki ni kunyosha mawoku yaki panani yaki, akandaluki, "Uwona chokape?" ²⁴ Akalolaki kunani nu kuvaha, "Nawona vandu vawonikana ngati mikongo yeyiyenda." ²⁵ Ndipo akanyosha kaveti mawoku yaki panani yi mihu yaki, mundu yola akahowola mihu, akawona kaveti, ni akawona kila chindu wichu. ²⁶ Yesu akandeka ayenda kunyumba ni akapwaghila, "Wukayingi ku mujini." ²⁷ Yesu akawoka ni vanafunzi vaki kuyenda ku hijiji hya Kaiseria ya Filipi. Pavaya mundela akavalaluki vanafunzi, "Vando vavaha nenga ni nane?" ²⁸ Vakanjakiti vakavaha, "Yohana Mbatizaji. Vangi vavaha, 'Eliya' ni vangi, 'Yumu wu Manabii". ²⁹ Akavalaluki, "Nambu mwenga muvaha nenga na nane?" Petro akampwaghila, "Wenga ni Kristo." ³⁰ Yesu akavakanila vakampwaghi mundu yokapi kumuhusu Yombe, ³¹ Ni akatumbwi kuvawola yi kuva Mwana waka Adamu lazima atesika kwa mambu yanawingi, ni akanihika ni viongozi ni makuhani vakolongwa, ni vaandishi, ni akomihika, ni baada yi machova ghatatu ahyoka. ³² Akavaha yanaya kwa uwaze. Ndipo Petro akamutola pukyeyi ni akatumbu kumukemela. ³³ Nambu Yesu akang'anamuka ni kuvaloleke vanafunzi vaki ni kumkemeha Petro ni kuvaha, "Peta kunyuma yangu Shetani! Ngacheujali mambu yaka Chapanga,isipokuva mambu yi vando." ³⁴ Kisha akaukema umati ni vanafunzi vaki papamu, nu kuvapwaghila, "Ngati yuvi mundu yoapala kunivengale, ajikana mweni, atotula msalaba waki,ni anivengalya. ³⁵ Kwa kuva yokapi yoapala kuyaokoa maisha yaki ayahoa, ni yokapi yomutiyahoa maisha yaki kwa ajili ya injili, ayaokoayi. ³⁶ Injakati kiki mundu, kupata ulimwengu woha, ni kisha kupata hasala yi maisha yake? ³⁷ Mundu aweza kuwoha kiki badala yi maisha yake? ³⁸ Yokapi yoaniwone ihoni ni malovi yango kupete luveleku londo lu vakemi ni luveleku la veni dhambi, Mwana waka Adamu amponila ihoni paahika mu ufalumi waka Tati waki papamu ni malaika vahuhu.