¹ Mafalisayo ni baazi yi vaandishi ambawu vakavi vahuma ku Yerusalemu vakakusanyika kunshongolota yombi. ² Ni vakaweni kuva baazi yi vanafunzi vaki vakula nkati kwa mawoku najisi; ambayu changa kuwolola. ³ (Kwa Mafalisayo ni Vayahudi voha ngachevakula mpaka vawolula mawoku yawu wichu; vakamula utamaduni wu vazee. ⁴ Mafalisayo pavawuya kuhuma mahala pa soko, ngachevakula mpaka vayoghiki oti. Ni ivi shelia hengi ambazo vahifuata nganila, ikiwa ni papamu ni kuwolo hikombi, masufulia, hyombu yha shaba, ni hata hitewu hehitumika chikahi chi chilevi.) ⁵ Mafalisayo ni vaandishi vakandaluki Yesu,"Ndava kiki vanafunzi vaku ngachevaishi kulengana ni tamaduni yi vazee, kwani vakula nkati changa kusamba mawoku?" ⁶ Nambu yombi akavapwaghila, "Isaya akatabili wichu kuhusu mwenga vanafiki,akalembiki, 'Vandu avava vaniheshimu kwa milomu yawu, nambu mitima yawu yivi kutali ni nenga. ⁷ Vanitendela ibada yanga ni maana, vawola shelia ya vanadamu ngati mapokewu yawu.' ⁸ Muilekiti shelia yaka Chapanga nu kukamu kwa wepesi tamaduni hya vanadamu." ⁹ Ni akavaha kwawu, "Muyikaniki amuli yaka Chapanga kwa urahisi ili kwamba mutunza tamaduni yino! ¹⁰ Kwa ndandi Musa akavahiki, 'muheshimu tati waku ni mawu waku; ni 'Yombi yoavaha mahakau panani yi tati waki au mawu waki chakaka ahwaye.' ¹¹ Nambu muvaha, 'ngati mundu akavaha kwa tati waki au mawu waki, "Msaada wokapi ambawu muyopiti kuhuma kwangu ni hazina yi Hekalu,"(yene ni kuvaha kwamba yiwokiti kwaka Chapanga') ¹² vela ngachemuluhusiwa kutenda jambu lokapi kwa ajili yika tati au mawu waki. ¹³ Muitenda amuli yaka Chapanga kuva ya waka kwa kuleta tamaduni yino. Ni mambo yanawingiyi yi ntundu wono yamuyatenda." ¹⁴ Akavakema kaveti makutano nu kuvapwaghila, "Muniyowanila nenga,mwenga mawoha, ni munielewaye. ¹⁵ Njeta chokapi kuhuma kunja yika mundu ambachu chiweza kumuchafua mundu pachiyingi kwaki. Bali ni chela chechimboka mundu nde chechimuchafua. ¹⁶ (Zingati mundu yokapi avi ni makutu yi kuyowana, ni ayowana). ¹⁷ Yesu paavaleka makutano ni kuyingi munyumba, vanafunzi vaki vakandaluki kuhusu mfano wola. ¹⁸ Yesu akavaha, "Ni mwenga kaveti makona ngachemueliwi? Ngachemuwona kwamba chokapi chechinjingi mundu ngachechiweza kumuchafua, ¹⁹ ndandi ngachechiweza kuyenda kouvi ntima waki, nambu kiyingi mulutumbu laki ni kisha kipeta kuyenda mulikelu."Kwa maelezu yanaya Yesu ahitendiki hilevi hyoha kuva safi. ²⁰ Akavaha, Ni chela ambachu chimpita mundu ndi kimuchafua. ²¹ Kwa kuva yahuma mukati yika mundu, kunja yi mu ntima, yahuma mawazu mahakau, zinaa, kuyiva, kukoma, ²² uashelati, tamaa yibaya, uhakau, udanganyifo, kujamiiana, wiho, kashifa, makoma, ung'ang'a. ²³ Mahakau yanaya yokapi yahuma mukati,ndi yala yayumuchafua mundu." ²⁴ Akayumuka kuhuma pala nu kuyenda kupete mkoa wa Tiro ni Sidoni. Akayingi mukati ni ngacheapaliki mundu yokapi amanya kuva akavi palapala, nambu ngacheyawezikini kumuhiya. ²⁵ Nambu ghafla mbomba, ambayi mwana waki nchoku akavi ni roho muchafu, akayowini habali yaki, akahika, ni akahawuka pumagholu yaki. ²⁶ Mbomba oyu akavi Myunani, wa kabila la Kifoeniki. Akamusihi yombi ambenga pepo kuwoka kwaka binti yaki. ²⁷ Yesu akampwaghila mbomba, "Valeka vana valishwe kwanza, kwa kuva nga chinyahi kutola nkati wa vana ni kuvalekele nakawa." ²⁸ Nambu akamujibu nu kuvaha, " Ena Bambo, hata nakawa pahi yi meza vakula mabaki yi chilevi cha vana." ²⁹ Akampwaghila, "Kwa kuva uvahiti vela, uvi hulu kuyenda.Pepo ayomwi kumboka binti yaku." ³⁰ Mbomba akawuyiki kunyumba yaki ni akanketani binti yaki aghoni pachitanda, ni pepo akavi ambokiti. ³¹ Yesu akawoka kaveti kunja yi mkoa wa Tiro ni kupete Sidoni kuyeleke Bahali yi Galilaya mpaka kanda yi Dikapolisi. ³² Ni vakandetela mundu yoakavi chiziwi ni akavi ngacheweza kulongela wicho, vakamusihi Yesu aveka mawoku panani yaki. ³³ Akampiha kunja yi kusanyiko kwa sile, ni akaveka ngonji hyaki mu makutu yaki, ni baada yi kuhuna mata,akagusa lulimi lwaki. ³⁴ Akalolaki kunani, akahema nu kumpwaghila, "Efata," yene ni kuvaha "funguka!" ³⁵ Ni muda wola wola makutu yakahowoka, ni chechikavi chihivalaki lulimi chikahalibiwa ni akaweza kulongela wicho. ³⁶ Ni akavaamulu vakampwaghi mundu yokapi. Nambu kadri moakavaamulu, ndivyo movatangaza habali yene kwa wingi. ³⁷ Hakika vakakangacha, ni kuvaha, "Atendiki kila chindu wicho. Hata avatendiki viziwi kuyowana ni mabubu kulongela."