¹ Ni akawoka panipala nu kuyenda ku mjini kwaki, ni vanafunzi vaki vakanjengalela. ² Sabato payahika,akawanza kuwola mu Sinagogi.Vandu vanawingi vakanjowini nu kukangachwa. Vakavaha, "Apatiki kwa mawolu ayaya?" "Ni hekima woli yenje yevampekihe?" "Atenda woli miujiza yeneyi kwa mawoku yaki?" ³ ''Je yoyoyu nga yola selemala, mwana waka Mariamu ni ndongu yawu aka Yakobo,Yose,Yuda ni Simioni? Je akakohanu vaki si vatama pamba pambani papamu nitenga?" Ni ngache vafulahishwi ni Yesu. ⁴ Yesu akavapwaghila, ''Nabii ngachekosa heshima, isipokuva mu muchi waki ni miongoni nwaka alongu vaki ni mu nyumba yaki." ⁵ Ngacheakaweziki kutenda miujiza pala, ila akavaveki mawoku vatamwa vachache akavaponya. ⁶ Akavashangaza ngamaha ndandi yi kutokuamini kwawu. Kisha akavitembeleha hijiji hya jilani akiwola. ⁷ Akavakemiki vala vanafunzi kumi ni vaveli nu kuwanza kuvatuma vaveli vaveli.Akavapeki mamlaka panani yi pepo wachafu, ⁸ ni kuvaamulu vakatowola chokapi pavayenda isipokuva ndonga pela. Vakatotola nkati, wala mukoba wala hela mukibindoni; ⁹ nambu vahwata hilatu,ni nga kanzu hiveli. ¹⁰ Ni akavapwaghila, ''Nyumba yokapi yemayingala, mutama panapa mpaka pamawoka. ¹¹ Ni muchi wokapi wangakunjopalela wala kunjowanela, muwoka kwawu, nkung'unda luhombi lu magholu yino, iva ushuhuda kwawo.'' ¹² Nivombi vakayenda vakatangaza vando vatubu ni kukotoka dhambi yawu. ¹³ Vakavavengiki pepo yinawingi, ni kuvapaka mahuta vatamwa nu kuvaponywa. ¹⁴ Mfalume Herode payowana yanaya, kwa kuva lijina laka Yesu likavi limanyikini ngamaha. Baazi vakavaha, "Yohana Mbatizaji ahyokike ni kwa ndandi yeneyi, yanja makili yi miujiza yitenda lihengu mukati yaki." ¹⁵ Baazi yawu vakavaha, "Ayoo ni Eliya," Vakona vangi vakavaha, "Ayoo ni nabii, ngati yumu wa vala manabii wa mwandi." ¹⁶ Nambu Herode payowana yanaya akavaha, ''Yohana, yonikamhekiti mutu vahyohiti." ¹⁷ Ndava Herode mweni akalaghalaki Yohana akamulika ni akankonga mu geleza kwa ndandi yaka Herodia (nhwanu waka mbeli waki Filipo) kwa ndandi yombi akavi antotwile. ¹⁸ Kwa ndandi Yohana akampwaghi Herode, "Nga halali kuntotola nhwanu waka mbeli waku." ¹⁹ Nambu Herodia akawanza kunhakali ni akavi apala kunkoma, nambu ngacheweziti. ²⁰ ndandi Herode anjoghopa Yohana; akamanyi ngati mweni haki mundu muhuhu, ni akandekiti wicho. Ni payendelya kunjowene akahuzunika ngamaha, nambu akafurahi kunjowenela. ²¹ Hata pachahika chikahi mwafaka yikavi liheghali lichova lu kuvelekeka Herode akavaandalila maofisa vaki karamu, ni makamanda, ni viongozi wuku Galilaya. ²² Ndipo binti waka Herodia akayingili nu kukina palongi yawu, akamufurahisha Herode ni vagheni vavakatamiki chikahi chi chilevi chi pikimihi.Ndipo mfalume akampwaghila binti, "Nilova chokapi cheupala ninenga yanukupekiha.'' ²³ Akamwapila nu kuvaha, chokapi chewanilova yanukupekiya,hata nusu yu ufalumi wango." ²⁴ Akawoka kunja akandaluki mawu waki, "Nilova kike?" Akavaha, "Mutu waka Yohana Mbatizaji." ²⁵ Ni mala moja akayingi kwaka mfalumi akawanza kuvaha, "Nipala umbekiya mukati yi mbale, mutu waka Yohana Mbatizaji." ²⁶ Mfalume akasikitishwi ngamaha, nambu kwa ndandi yi kilapu chaki ni kwa ajili yi vagheni,ngache akaweziti kunkanalila lilowu laki. ²⁷ Vela, mfalume akavatuma asikali waki nu kuvalaghalaki kuyenda kundetela mutu waka Yohana. Mulinzi akayenda kunheketa mutu moakavi mu kifungoni. ²⁸ Akaletiki mutu waki mu mbali nu kumpeke binti, ni binti akampeke mawu waki. ²⁹ Ni vanafunzi vaki pavayowana yanaya, vakayenda kutola shegha yaki vakayenda kutagha ku makabuli. ³⁰ Ni mitume, vakakusanyiki papamo palongi yaka Yesu, vakamwelizi yoha yavatendiki ni yavawoliki. ³¹ Niyombi akavapwaghila, "Muhika maveni mahala pa falagha ni tupomulya kwa muda." Vandu vanawingi vakavi vahika ni kuwoka, hata ngachevakapatiki nafasi ya kula. ³² Vela vakakwela mashua vakayenda mahala pa falagha kanjika yawo. ³³ Nambu vakawaweni vawoka ni vanawingi vakavatambula,kwa papamu vakakembela kwa magholu kuhuma michi yoha, nawu vakahika kabula yawu. ³⁴ Pavahika kupwani, akawona umati ukolongu ni akavahulumila, kwa ndandi vakavi ngati mambeleli yangakuva ni mudimi. Ni akatumbu kuvawola mambu yinawingi. ³⁵ Muda pawayendalya nganila, vanafunzi vakanhikila vakampwaghila, "Pambani ni mahala pa falagha ni muda uyendeleha. ³⁶ Walaghila vayenda michi ya jilani ni hijiji ili vakalilombila chilevi.'' ³⁷ Nambu akavajibu avaha, "Mwapekya mwenga chilevi." Vakampwaghila, "Tuweza kuyenda nu kuhemela mikati yeyivi ni thamani yi dinali mia iveli ni kapeke valyaye? ³⁸ Akavapwaghila, "Muyi ni mikate yilenga? Muyenda mukalolakyaye." Pavapata vakampwaghila, "Mikati nhwanu ni homba hiveli." ³⁹ Akavaamulu vandu vatama mu hikundi panani yi mahamba mavehi. ⁴⁰ Vakavatamika mu hikundi; makundi yi mamia kwa hamusini. ⁴¹ Kisha akatola mikati nhwanu ni homba yiveli,ni kulola kunani, akayibaliki kisha kapeke vanafunzi vaveka kulongi yi umati. Ni kisha akagava homba hiveli kwa vandu voha. ⁴² Vakali voha mpaka vakatosheka. ⁴³ Vakakusinyi hipandi yi mikati yeyikahighali. Yikatweli hitonga kumi ni hiveli, ni kaveti hipandi hya homba. ⁴⁴ Ni vakavi vakambaku elufu nhwanu vavakali mikati. ⁴⁵ Mala akavampwaghila vakwela mu mashua vayenda mahala pangi, hadi Bethsaidia, chikahi yombi avalagha makutano. ⁴⁶ Pavakavi vayomwi kuwoka, akayenda ku chitombi kulova. ⁴⁷ Pakwaya chimihi, ni mashua yawu chikahi echi yivi katikati yi bahali,niyombi akavi kanjika yaki kundema kuyomu. ⁴⁸ Ni akavaweni mo vataabika kuhugha ngahi ndandi mpongu ukavahivalikile. Payakalibiya lukyela akavayendela, ayenda panani yi machi, ni akapaliki kuvapeta. ⁴⁹ Nambu pavambona ayenda panani yi machi, vakayingiwi ni wasiwase vakahambuka ni muzimo hata vakapiga mangomela, ⁵⁰ kwa ndandi vakambweni vakajawa ni luyoghopu. Mala akavaha nawu akavapwaghila, "Muya vajasile! ni Nenga! makakuva ni luyoghopu." ⁵¹ Akayingi mukati yi mashua, ni mpongu akakotoka kuvuma, nawu vakashangala nganila. ⁵² Vela ngachevakaeliwi maana yi mikati yela. Ndandi malangu yawu yikayi ni uelewa uchoku. ⁵³ Nawu pavalombuka mwihi, vakahika ndema wuku Genesareti mashua yikayemeka nanga. ⁵⁴ Pavapita kunja yi mashua, mala vakamutambula. ⁵⁵ Vakakembela kutangaza mu mkoa uhilamila ni vakawanza kuvaleta vatamwa kwa machela, kila pavayowana ahika. ⁵⁶ Pokapi payingila mu hijiji,au mujini, au mu ndema, vavavekika vatamwa mahala pa soko, ni vamusihi avaluhuswa kugusa pindo li vazi laki. Ni voha vavamugusiti vakaponywa.