¹ Vakahika mpaka upandi wongi wa bahali,ku mkoa wa Gerasi. ² Ni ghafula chikahi Yesu paakavi awoka kunja yi wato, mundu mweni roho ichafu akahika kwaki kuhuma kumakabuli. ³ Mundu oyu atamika kumakabule. Njeta yoakaweziti kunhivalaki nganila, njeta hata kwa minyololo. ⁴ Akavi akongakiki nyakati hyoa kwa pengu ni minyololo. Akaiheketa minyololu ni pengu hyaki yikavunjwa. Njeta hata yumu yoakavi ni makili yi kumushinda. ⁵ Ikilu ni muhi akavi kumakabuli nu kuhitombi, akalekiti ni kuliheketa yombi mweni kwa maganga makali. ⁶ Paambona Yesu ku kutali, akankembelela kwaki nu kuyinama palongi yaki. ⁷ Akalela kwa sauti ikolongwa, "Upala nikutendila kiki, Yesu, Mwana waka Chapanga yoyuvi panani ngamaha? Nikusihi kwaka Chapanga mwene, wakanitesa.'' ⁸ Kwa kuva akavi ampwaghi, "Umboka mundu ayo, wenga roho muchafu.'' ⁹ Niyombi akandalukila, "Lihina lako wa nane?" Niyombi akamjibu, "Lihina langu ni Legion,ndava tuvi tanawingi." ¹⁰ Akamusihi kaheti ni kaveti, akavapeleka kunja yi mkoa. ¹¹ Henu kundi likolongwa li magholovi likavi valileha panani yi chitombi, ¹² nawu vakamusihi, vavaha, "Tutumayi kwa magholovi,tukayingila mukati yawu." ¹³ Vela akavaruhusu; roho yichafu yikavawoka nu muyingila mukati yi magholovi,nawu vakakembela pahi yi chitombi mpaka bahalini, ni kalibia magholovi elufu iveli vakazama bahalini. ¹⁴ Ni vala vavakavi valeha magholovi vakakembela ni kuwoha taalifa yi chechikatokihi mu muchi ni mu ndema. Ndipo vandu vanawingi vakawoka kuyenda kuwona chechikatokili. ¹⁵ Ndipo vakahika kwaka Yesu ni vakambona mundu yoakapagiwi ni pepo-yoakavi ni jeshi-atemi pahi,vahwatiki, ni akavi mu malangu yaki timamu,nawu vakayoghopa. ¹⁶ Vala vavakavi valoliki chechitokili kwaka mundo yoakavi apagiwi ni pepo vakavapwaghila chechitoki kwaki ni kaveti kuhusu magholovi. ¹⁷ Nivombi vakawanza kumusihi awoka mu mkoa wawu. ¹⁸ Ni paakavi ayingila mukati yi wato, mundu yoakavi apagiwi ni mapepo akamusihi kwamba ayenda papamu niyombe. ¹⁹ Nambu ngache akumuluhusu, nambu akampwaghila, "Uyenda ku nyumba yaku ni kwa vandu vaku ni uvapwaghila che akutendi Bambu,ni rehema yeakupekihi." ²⁰ Vela akayenda ni akawanza kutangaza mambu makolongwa ambayu Yesu akatendiki kwaki mu Dekapoli, ni kila mmoja akakangacha. ²¹ Ni chikahi Yesu palombuka kaveti upandi wongi,mukati yi wato,umati ukolongu ukakusanyika ni kunhongolota, paakavi mukeghi yi bahali. ²² Ni yumo wu kiongozi wa sinagogi, yokemilika Yairo, akahika,ni pakaambweni, akahawuka pamagholu yaki. ²³ Akamusihi nganila ni nganila, akavaha, "Binti yango nchoku akalibi kuhwa. Nikusihi,uhika nu uveka mawoku yaku panani yaki ili kwamba aweza kupata afya nu kuishi." ²⁴ Vela akayenda papamu niyombi,ni umati ukolongu ukanjengale nawu wukamuzonga papipi unshongolota. ²⁵ Kukavi ni mbomba ambayi mwahi waki ukavi upitiki kwa hyaka kumi ni iveli. ²⁶ Akatesiki yi kutosha pahi yi matabibu vanawingi ni akatumila kila chindu cheakavi nachu. Hata vela ngacheakasaidiki kwa chokapi,nambu badala yaki yikazidi kuva yihakau. ²⁷ Akayowini habali kuhusu Yesu. Vela akahika kunyuma yaki chikahi paakavi atembela mukati yi umati,niyombi akaligusa lilaya laki. ²⁸ Kwa kuva akapwaghiki, "Ngati naniyagusiki mavazi yaki pela, naya ni mwomi." ²⁹ Paakamugusa, kuwokwa mwahi kukakotoka ni akaliwona mu shegha yaki kwamba aponiki kuwoka mu matesu yaki. ³⁰ Ni ghafula Yesu akagundwi mukati yaki mweni kwamba makili yampitiki. Ni akang'anamwiki ako ni ako mu umati wa vandu nu kulaluki, "Ni nane yoaligusiki vazi lango?" ³¹ Vanafunzi vaki vakampwaghila, "Uuwona umati wombo wukusonga ukushongolota,nawu avaha, ;Ni nane yoagusiki?" ³² Nambu Yesu akaloleke oku ni oku kuwona ambayi yoakavi atendiki leneli. ³³ Mbomba, koni amanyi chekitokihi kwaki, akayoghopa nu kuvaghaya. Akahika ni akahawuka pahi palongi yaki nu kumpwaghi chakaka yoha. ³⁴ Akavaha kwaki, "Binti, imani yaku ikutendiki uyaa wa mwomi. Uyenda kwa amani ni uponywe kuhuma mu utamu waku". ³⁵ Paakavi alongela, baazi yi vandu vakahika kuhuma kwa kiongozi wa Sinagogi,vavaha, "Binti yaku ahwile. Ndava ki uyendele kung'aha mwalimo?" ³⁶ Nambu Yesu paakayowini ambachu cheva vahikayi,akampwaghila kiongozi wa Sinagogi, "Wakayoghopa.Uamina pela." ³⁷ Ngache aku muluhusu yokapi kulonguana niyombi, isipokuva Petro,Yakobo ni Yohana,ndongu waki Yakobo. ³⁸ Vakahika ku nyumba kwa kiongozi wa Sinagogi niyombi akawona vulugu, kulela kunawingi nu kuomboleza. ³⁹ Payingila mu nyumba,akavapwaghila, Ndava ki muhyomiti ni ndava ki mulela? Mwana ngache hwile bali aghonile. ⁴⁰ Vakamuheka, nambu yombi,akavawoha voha kunja, akantola tati waka mwana ni mawu ni vala vavakayi papamu niyombi,ni akayingila mukati moakavi mwana. ⁴¹ Akakitoliki chiwoku chaka mwana ni akampwaghila, "Talitha koum," ambayu ni kuvaha, "Binti nchoku, nukupwaghila,yumka." ⁴² Ghafula mwana akayumuka nu kuyenda ( ndava akavi ni umuli wa hyaka kumi ni hiveli). Ni ghafula vakakamuliki ni mshangao ukolongwa. ⁴³ Akavaamulu kwa makili kwamba nga yokapi yoyupaswa kumanya kuhusu leneli. Ni akavapwaghila vampekiya binti yola chilevi.