¹ Kaveti akawanza kuwola mukeghimukeghi yi bahali. Ni umati ukolongu ukakusanyiki kunshongolota, akayingi mukati yi watu bahalini.Umati woha ukavi mulupembi mwa bahari muufukoni. ² Ni akavawola mambu yanawingi kwa mifanu,ni akavaha kwawu kwa mawolo yaki. ³ Muyowana, mpanzi akapiti kupanda. ⁴ Paakavi apanda, baazi yi mbeyu yikahawiki mundela,ni hiyuni ikahika nu kula. ⁵ Imbeyu yengi yikahauka peni mwamba,ambaku ngachepakavi ni luhombi lunawimgi. Mala yikanyauka, ndandi ngacheyikavi ni luhombi lu kutosha. ⁶ Nambu lyova palipitikayi, yikanyauka ,ni ndandi ngacheyikavi ni mikegha,yikayomike. ⁷ Imbeyu yengi yikahawiki katikati yi miha. Miha yikakola nu yikaisonga,ni ngcheyikaveliki matunda yokapi. ⁸ Imbeyu yengi yikahawiki mu luhombi lunyahi ni yikaveleka matunda chikahi yikakola nu kuyonjekeka, yengi yikaveleka mala thelathini nganila, ni yengi sitini,ni yengi mia." ⁹ Ni akavaha, "Yokapi yoyuvi ni makutu yi kuyowana ni ayowana!" ¹⁰ Yesu paakavi kanjika yaki, vala vavakavi papipi niyombi ni vala kumi ni vaveli vakandaluki kuhusu mifanu. ¹¹ Akavaha kwawu, "Kwinu mupekiwiki sili hyi ufalumi waka Chapanga. Nambu kwa vavavi kunja kila chindu ni mifano, ¹² ili pavalola,ndi valola,nambu ngachevalola,ni kwa vela pavayowana ndi vayowana,nambu ngchevaelewa, amasivyo kayivagewiki ni Chapanga kayiavasamihe" ¹³ Ni akavaha kwawu, "Je ngachemueliwi mfano wombone? Yamuweza kuelewa mifanu yengi? ¹⁴ Mpanzi akapandiki lilovi. ¹⁵ Baazi ni vala vavakahawiki mukeghi yi ndela, mahali lilovi palikapandwa. Ni pavaliyowana,mala Shetani akahika nu kulitola lilovi ambalo likapandwiki mukati yawu. ¹⁶ Ni baazi ni vala vavakapandwiki panani yi mwamba,ambau,pavaliyowana lilovi,kwa nyata valiyopalela kwa furaha. ¹⁷ Ni ngachevavili ni mikegha yokapi mukati yawu, nambu vavumilila kwa muda uyipi. Halafu tabu ni masumbuku payihika kwa ndandi yi lilovi,mala vajikwaa. ¹⁸ Ni vangi ni vala vavakapandwiki mu miha. Valiyowana lilovi, ¹⁹ nambu masumbufu yi dunia, udanganyifu wa mali,ni tamaa za mambu ghangi, yiyimgila nu kilisonga lilovi, ni lishindwa kuveleka matunda. ²⁰ Kisha kuyi vala ambau vapandwiki mu luhombi lunyahi. Valiyowana lilovi nu kuliyopelela ni vavelela matunda: baazi thelathini,ni baazi sitini,ni baazi mia yimo." ²¹ Yesu akavapwaghila. "Je oti uleta nyali mukati yi nyumba nu kuiveka pahi yi chikapu, au pahi yi chitanda? Yiileta mukati nu kuiveka panani yi chindandaghala. ²² Kwa kuva njeta chokapi chechilihihiki ambachu ngachechamanyakana, ni njeta sili ambayu ngacheivekwa waze. ²³ Yoava mweni makutu yi kuyowana, ni ayowana!" ²⁴ Akavampwaghila "Muya makini kwa chela chemuyowana, kwa kuva chipemu chemupema,ndi chechu chemapemiwayi, ni yayonjikika kwino. ²⁵ Kwa ndandi yombi yoavinachu, ayopelyayi nganila,ni yola wangakuva nachu,kuhuma kwaki vyatolikika hata hela hevinayo." ²⁶ Ni akavaha, "Ufalumi wu kunani ufananishwi ni mundu yoakapandiki mbeyu mu luhombi. ²⁷ Paakaghoni ikilu nu kuyumuka lukyela, akamanyi mo yikatoki. ²⁸ Dunia iwoha mbeyu yeni, halafu maua,halafu mbeyu yeyikomiti. ²⁹ Ni chikahi mbeyu paikuva yipili vumpeleka mundu,ndava mavuno yaheghali". ³⁰ Ni akavaha, "tuufananisha ufalumi waka Chapanga ni chindu woli, au tutumiya mfanu woli kuuelezeya? ³¹ Ni ngati mbeyu yi haladali, ambapo payapandika ni ichoku ngamaha kuliku mbeyu hyoa pa duniani. ³² Hata, chikahi hipandwiki, yikolana kuva ikolongu nganila yi mikongu yoha yi bustani,ni hitenga mapandi makolongu,hata hiyuni hi kunani hiweza kulengeneke hiwuhu mu kivuli chaki." ³³ Kwa mifanu yinawingi akawoliki ni akavaha lilovi kwawu, kwa kadili movaweza kuelewa, ³⁴ ni ngachevahiki nawu changa mifanu. Nambu chikahi paakavi kanjika yaki, akavaeleze kila chindu vanafunzi vaki. ³⁵ Mu lichova leneli, chikahi chi chimihi pachahika,akavaha kwawu, "Tuyenda upandi wu kavele". ³⁶ Vela vakauleka umati, vakantola Yesu,chikahi echi tayali akavi mukati yi wato. Miatu yengi yikavi papamu niyombi. ³⁷ Ni mpongu wukali wa dholuba ni mayegha yikavi yayingila mukati yi wato ni wato tayali ukavi utweli. ³⁸ Ni Yesu mweni akavi ku shetri, aghoni kwenye pilo. Vakanjumuha,vakavaha, "Mwalimo, ngacheujali tenga tukuwa?" ³⁹ Ni akayumuka, akaukemela mpongu ni akaipwaghila bahali, "Ivya shwali, amani." Mpongu wukakoma, ni kukakuva ni utulivu ukolongwa. ⁴⁰ Ni akavaha kwawu, "Ndava ki muyoghopa? Je mwakona ngachemuyi ni imani?" ⁴¹ Vakayingiwi ni luyoghopu lukolongwa mukati yawu nu kupwaghani veni kwa veni, "Ayo ni nani kaveti, ndava hata mpongu ni bahali vi mutii?"