¹ Lukela pakuchila vakolongu wu makuhani vakahimangana papamu ni vazee ni vaandishi ni balaza lihiminila la vazee. Kisha vakankonga Yesu vakampeleka kwa Pilato.Pilato akandaluki, "wenga ni Mfalume wa Vayahude?" ² Akanjanga ''Wenga uvahiti vela." ³ Vakolongu wu makuhani vakaeleza mashitaka yanawingi panini yika Yesu. ⁴ Pilato akandaluki kaveli, ''Ngacheuyanga chokapi? Ngacheuwona movakutakila kwa mambu yinawingi? ⁵ Nambu Yesu ngacheanjakiti Pilato, ni vela akankangacha. ⁶ Kwa ntetu chikahi chi sikukuo anhoghole mfungwa yumu, mfungwa yovandoviki. ⁷ Kukavi vahalifu mu geleza, miongoni mwa vavakakomiki vavatumikila mahoku yawu. Akavi mundu yumu yokemika Baraba. ⁸ Umati wukahika kwaka Pilato, nu kundova atenda ngati moakatendi oku kunyuma. ⁹ Pilato akavayanga nu kuvaha, "Mupala nivahowulya Mfalumi wa Vayahudi?" ¹⁰ Kwa kuva akamanyi ni kwa ndandi yi wihu vakolongwa wu makuhani vakakamwili Yesu ni kumuleta kwaki. ¹¹ Nambu vakolongwa wu makuhani vakachochi umati upegha mangomela kwa sauti kwamba ahowulika Baraba badili yaki. ¹² Pilato akavayanga kaveti nu kuvaha, "Nuntenda kiki Mfalume wa Vayahude?" ¹³ Vakapegha mangomela kaveti, "Munsulibishaye!" ¹⁴ Pilato akavaha, "Atendiki jambu woli libaya?" Nambu vazidi kupegha mangomela nganila ni nganila "Munsulibishaye." ¹⁵ Pilato akapala kuulizisha umati, akamuhowule Baraba. Akandapu Yesu mijeledi kisha akamboha ili vansulubisha. ¹⁶ Asikali vakandongoha hadi mukati yi lihegheli (wola wowavi mukati yi likambi ) ni vakakusanyika papamu kikosi cha asikale. ¹⁷ Wakahwatika Yesu kanzu yi langi yi zambalawu, ni vakaloka taji yi miha vakahwatika. ¹⁸ Vakatumbwi kundongama nu kuvaha, "Salamu, Mfalume wa Vayahude!" ¹⁹ Vakandapula kumutu kwa ndahi nu kunhuni mata. Vakapegha maghoti kulongi yaki kwa kinjinika. ²⁰ Hata pavayomwi kundongama, vamuhuliki kanzu yela yi langi yi zambarawu nu kuhwatika malaya yaki, ni vakamboha kunja kuyenda kunsulubisha. ²¹ Vakandazimisha mpeta ndela kunjangati, yoavi ayingi ku mujini kuhuma kungonda. Yokemilika Simoni Mkirene (tati vaki Iskanda na Rufo); vakandazimisha kutotola nsalaba waka Yesu. ²² Asikali vakampeliki Yesu mahala papakemeleka Goligota (maana yaki tafusili yenje ni,Fuvu li mutu). ²³ Vakampeki muvinyo yevahangangini ni manemane, nambu ngachenywile. ²⁴ Vakamusulibisha ni vakagavana malaya yaki, vakayapigila kula kutemu chipandi cheapata kila asikale. ²⁵ Yapata saa tatu lukela pavansulibisha. ²⁶ Vakaveka panani yaki ubawu wowukalembekiki litakilo, "Mfalume wa Vayahude." ²⁷ Vakamusulibishi papamu ni majambazi vaveli,yumu upandi waki wu malelelu ni yongi ku mangeha kwaki. ²⁸ "Ni malembu yikatimila yaghakapwaghakiki." ²⁹ Nawu vavavi vapeta vakantukana, vanyuanyua mimutu yawu vakavaha, "Aha! wenga wewibombula hekalu nu kulichenga kwa machova yatatu, ³⁰ ulikombula wamweni ni uhuluka pahi woka pu musalaba!'' ³¹ Kwa namuna yela yela vakolongwa wu makuhani vakandongama vakapwaghiana, papamu ni vaandishi nu kuvaha, "Akavakombwili vangi, nambu ngacheweza kulikombola mweni. ³² Kristo Mfalumi wa Israel,ahuluka pahi henu kuwoka pu musalaba, ili tuweza kulola nu kuamini." Ni vala vavakasulibiwi papamu niyombi kaveti vakandongama. ³³ Payahika saa sita, luvendu lukahika panani yi ndema hadi saa tisa. ³⁴ Chikahi cha saa tisa, Yesu akapegha mangomela kwa sauti ikolongwa, "Eloi, Eloi,lama sabaktani?" ikiwa ni maana,"Chapanga wango, Chapanga wango, ndandi kiki unilekite?" ³⁵ Baazi yi hawu vavayemi pavayowana vakavaha,"Lolakya, ankema Eliya." ³⁶ Mundu yumu akakembela, akatwelihi siki mu sponji nu kuiveka panani yi nkongu wu ndahi, akampeke ili anywa. Mundu yumu akavaha, "Lendila tulolaye ngati Eliya ahika kuhulu pahi." ³⁷ Kisha Yesu akalela kwa sauti ikolongwa ni akakuhwa. ³⁸ Pazia liku hekalu likagavanyika hipandi hiveli kuwoka panani mpaka pahi. ³⁹ Ofisa yumu yoakavi ayemi aeleke Yesu, pawona ahwili kwa ntundu wola, akavaha, "Chakaka mundu ayo akavi Mwana waka Chapanga." ⁴⁰ Vakavi kaveti vakambomba vavakavi valingali chi kutali. Miongoni mwawu akavi Mariamu Magdelena, Mariamu (amawu vaka Yakobo nchoku waka Yose), ni Salome. ⁴¹ Chikahi paakavi ku Galilaya vakanjengali nu kuntumikila. Ni akambomba vangi vanawingi kaveti vakaambatini niyombi hadi ku Yerusalemu. ⁴² Pakukavi chimihi, ni kwa kuva yikavi lichova lu maandalio, lichova kabula yi Sabato. ⁴³ Yusufu waka Arimathaya akahika pala. Akavi mujumbi wa Balaza yovanjinika mundu yoautalaji Ufalumi waka Chapanga. Kwa ujasile akayenda kwaka Pilato nu kulova shegha yika Yesu. ⁴⁴ Pilato akakangichi ngati Yesu tayali ahwile; akankema yola afisa akandaluki ngati Yesu ahwile. ⁴⁵ Paakapatiki uhakika kwaka afisa ngati ahwili, akamuluhusu Yusufu kutola shegha. ⁴⁶ Yusufu akavi ahemi sanda. Akanhulu kuwoka pu musalaba, akankonga kwa sanda, nu kumbeka mukati yi litengele lelikahembekiki mu mwamba. Kisha akilihingali iliwu pundyango wu litengeli. ⁴⁷ Maliamu Magdelena ni Mariamu mawu waki Yose vakaiweni sehemu pavakantaghiti Yesu.