¹ Yikavi iyova baada yi sikukuu ya Pasaka ni yi mikati yanga kuyegha chachu makuhani vakolongwa ni vaandishi vakavi vapala ndela yi kunkamu Yesu kwa hila nu kunkoma. ² Ndava vakapwaghiti, ''yakakuva chikahi chenje ahi sikukuu, vandu vakahika kutenda ghasiya.'' ³ Chikahi Yesu paakavi ku Bethania ku panyumba yika Simoni mwini mambimbi ni paakavi ayeleke kumezani, mbomba yumu akahikiti kwaki avi ni libotolu li malashi ya nardo inyihi yina ghalama ikolongwa ngamaha, akalikayula libotolu nu nu kuyitila panani yika mutu waki. ⁴ Nambu pakavi ni baazi yau vakashomiki, vakapwaghani veni kwa veni vakapwagha, ''Ndava ki yi kuhoveha anana? ⁵ Munukatu ngati aya yakaweza kuhemeleka kwa zaide yi dinali mia itato ni kapeke masikini.'' Ni vombi vakankalapila. ⁶ Nambo Yesu akapwagha, ''Mundeka kanjika yaki. Ndava ki mung'aha? Atenditi jambu linyahi kwango. ⁷ Machova ghaha masikini muyi nau, ni chikahi chokapi pamupala muweza kuhenga manyahi kwau, nambo ngamukuwi ninenga chikahi choha. ⁸ Atenditi chela chewezai aipatiki hyegha yangu mahuta kwa ajili ya maziko. ⁹ Chakaka nimpwaghila mahala poha injili paihubiliwa mu ulimwengu woha, chela chetenditi mbomba yonjoni chapwaghika kwa ukumbushu waki. ¹⁰ Kisha Yuda Iskariote, yumu wa vala kumi ni vavele, akayenda kwa vakolongwa wa makuhani ili ngati apata kuvakabizi kwawo. ¹¹ Chikahi vakolongwa wa makuhani pavayowana vela, vakahekalela ni vakahaidi kumpeke Feza. Akatumbu kupala nafasi yi kunkabizi kwawu. ¹² Mu Iyova la kuwoka li mikati yangakuyeghe chachu, chikahi pavawoha mwana wu limbeleli wa pasaka, vanafunzi vaki vakampwaghila, ''Upala tuyenda kwa tukaandaayi ili upata kula mulo wa Pasaka?'' ¹³ Akavatumu vanafunzi vaki vaveli ni kuvapwaghila. ''Muyenda kumjini, ni mkambaku ambayi atotwi chivegha awonana nimwenga. Mamfwata. ¹⁴ Nyumba yeayingila, mamfwata ni mampwagha mweni nyumba aye, ''Mwalimo apwagha, kivi kwa chumba cha yeni mahala panakula pasaka ni vanafunzi vango? ¹⁵ Andangiya chumba chi kunani chikolongu chechivi ni samau ambachu kivi tayale. Makatenda maandalizi kwa ajili yitu pala.'' ¹⁶ Vanafunzi vakawoka vakayenda kumjini, vakahimana kila chindu ngati pe mo akapwaghiti, na vakaandaa mulo wa pasaka. ¹⁷ Chikahi paikavi chimihi, akahika ni vala kumi ni vaveli. ¹⁸ Ni paya viikalibia meza ya kula, Yesu akapwagha ''Chakaka nimpwaghila yumu kati yinu yokula papamo ninenga yanzalita. ¹⁹ Voha vakahyoma ni yumu baada ya yongi vakampwaghila, ''nga le nenga?'' ²⁰ Yeso akayanga nu kuvapwaghila, ''Ni yumu wa kumi ni vaveli kati yinu, yumu ambayi henu atovele litongi mu bakuli papamu minenga. ²¹ Ndava mwana waka adamu yayenda ngati vela malembu moghapwagha juu lakini ole waki mundu yola ambayi kupete yombi mwana waha Adamu asalitiwe! yakavi chinyahi zaidi kwaki ngati mundu yola nga akavelikiki.'' ²² Ni pavaya vakula Yesu akatola nkati, akabaliki nu kuudumula akavapekeha nu kupwagha, ''matolaye yenjeni ni shegha yango.'' ²³ Akatola kikombi akachenguha, nu akavapekeha, ni voha vakakunywa. ²⁴ Akavapwaghila yenjeni ni mwahi wango wa agano, mwahi wouyitika ndava yi vana winge. ²⁵ Chakaka numpwaghila, ngangunywi kaveti mu zau lendenu li mzabibo mpaka iyova eli pananywa pa upya mu ufalme waka Mlungu. ²⁶ Pavayomula kuyemba nyembu vakayenda kunja mu chitombi chi mizeituni. ²⁷ Yesu akavapwaghila,'' Mavanganya mawoha mwajitenga kutali ndava yango, kwa kuva ilembikiki nandapula mdimi na mambelelighatawanyika,'' ²⁸ Lakine bahada ya kushoka kwango nalongula palongolo yinu ku galilaya.'' ²⁹ Petro akampwaghila,'' itata ngati voha vakuleka, nenga nganakuleke,'' ³⁰ Yesu akapwaghila Chakaka nukupwaghila, kilu yenje kabula likongovi ngakuveka mala iveli, yaya unganiki mala itatu ,'' ³¹ Lakine Petro akapwagha,'' itata yanilazimwa kuhwa papamu ni wenga ngana kukane,'' voha vaka woha ahadi yele yela. ³² Vakahika lieneu kelikemikika Gethsemane, ni Yesu akavapwaghila vanafunzi vaki, mutama pambani chikahi nisali.'' ³³ Akavatola Petro, Yakobo ni Yohana papamu niyombi, akawanza kuhuzunika ni kulagha nhamaha. ³⁴ Akavapwaghila, ''Nafusi yango ivi ni huzuni ngamaha, hata kuhwa, mutama pambani ni mukesha.'' ³⁵ Yesu akayenda palongolo pachokopi akahauka pahi akalova ngati yaikawezikini, ngati saa yela ikavi imwepwiki. ³⁶ Akapwagha, ''Tate, Atate mambu ghoha kwaku yawezekana mumohe kikombi chenjeni. Lakini nga kwi mapenzi ghango bali mapenzi ghino.'' ³⁷ Akakeleuka ni kuvahimani vangoni, ni akapwaghila Petro, ''Simoni, oti ung'omile? Ngacheuweziti kukesha hata saa yimo? ³⁸ Mukesha ni mulova ngati makahika kuyingila mu majalibio. Hakika roho ivi lazi, lakini shegha ivi zaifo.'' ³⁹ Akayenda kaveti ni kulova ni akatumila malovi ghalaghala. ⁴⁰ Akahika kaveti akavahimani vang'onili, ndava mihu yau yakavi mazitu ni ngachevamabyi chikavapwaghila. ⁴¹ Akahika mala yi katatu nu kuvapwaghila, ''mwakona mungonili nu kupomulela? itosha! saa ihikiti mulolyaka! Mwana waka Adamu yasalitiwa mu mawoko yika veni zambe. ⁴² Muyumuka, tiyenda mulolyaka, yola yo anisalitila yuvi papipi. ⁴³ Mala tu paakavi akona akalongela, Yuda yumu wa vala kumi ni vaveli, akahika, ni kundi likolongwa kuhuma kwa vakolongu wa makuhani, vaandashi ni vazeyi vavavi ni mapanga ni malungu. ⁴⁴ Chikahi chenechi waki msaliti waki akavi avapeki ishala, akapwagha, yola yonambuswa, ndo yoyu. Mankamula ni kumpeka pahi yi ulinzi. ⁴⁵ Chikahi Yuda pahika, moja kwa moja akapiti kwaka yesu nu kumpwaghila, ''Mwalimo!'' Ni akambusu. ⁴⁶ Kisha vakampeka pahi yi ulinzi nu kunkamula. ⁴⁷ Lakini yumu kati yau yoakayemiti papipi niyombi akawoha lipanga lyaki akantova ntumishi waka kuhani nkolongwa nu kundumu likuto. ⁴⁸ Yesu akavapwaghila, ''muhikiti kunikamu kwa mapanga ni malungu ngati ne nu nyanganye? ⁴⁹ Chikahi kila lyova nikavi papamu nimwenga ni nikawola mulihekalu, ngache mukanikamwi. Lakini lendenu litendekiki ili malembu yatimilikaye. ⁵⁰ Ni vala voha vavakayi ni Yesu vakandeka ni kukembela. ⁵¹ Kombu yumu anfwatiti, akavi ahweti lishuka pela akavi alishekiki kunshongolota, vakankamula lakine ⁵² akavapokonyoka akaileka shuka yela pala akakembe ehu. ⁵³ Vakandongoha Yesu kwaka kuhani nkolongu. Pala vakakusanyiki papamu niyombi makuhani vakolongu voha, vazeyi ni vaandishi. ⁵⁴ Petro nayombi akanfwata Yesu chi kutali, kuyeleka ku liua kuhani nkolongu. Akatama papamu ni valinzi, vavakayi papipi ni motu vayota ili kupaata lyota. ⁵⁵ Chikahi echi makuhani vakolongu voha ni Balaza loha vakavi vapala ushaidi zidi yaka Yesu vapata kunkoma. Lakini ngache vukuupatike. ⁵⁶ Ndava vandu vanawingi vakaletiki ushuhuda wi icholi zidi yaki, lakine hata ushahidi wau ngache wafanini. ⁵⁷ Baazi vakayema ni kuwoha ushahidi wi ichola zidi yaki, vakapwagha, ⁵⁸ Tukanjowini apwagha, ''Yaalihalibwa lihekalu eli levikalengeneki kwi mawoko, ni mukati ya machova ghatatu nalichenga lengi lengakulengeneke kwi mayoko. ⁵⁹ Lakine hata ushaidi wau ngache wafanine. ⁶⁰ Kuhani nkolongu akayema katika yau nu kundalukii Yesu, ''Oti, ''ngache uvi ni liyangu? Vandu va vakushuhudi ki zaidi yaku. ⁶¹ Lakine akatama ni ngache yangiki chokapi. Mala kuhani nkolongwa akandalukii kaveti, ''oti wenga ni kristo, mwana waka mbalikiwa?'' ⁶² Yesu akayanga, ''Nenga ndo yombe. Ni mwambona mwana waka Adamu atemi chiwoku chi mangeha wu makakala ahika ni mahundi mashahide? ⁶³ Kuhani nkolongu akakachula malaya ghaki nu kupwagha, ''oti takona tupala mashahide? ⁶⁴ Muyowini kufulu. malamulu ghinu ghako?'' Ni voha vakanhukumu ngati yumu yoastahili kuhwa. ⁶⁵ Baazi vakatumbu kunteme nii kunshekela pamihu nu kundapula nu kumpwaghi, ''Utabilaye maafisha vakantola nu kundapula. ⁶⁶ Ni Petro paakayi akona avi pahi kuuani, mtumishi yumu waka kamwali waka kuhani nkolongwa akahika kwaki, ⁶⁷ Akambweni Petro paakavi ayemiti ayota motu, ni akandola kwa kunkalibia, kisha akapwagha, ''Niwenga nau ukavi ni Mnazareti, Yeso''. ⁶⁸ Lakini akakana akapwagha, ''Ngachenummanyi wala ngachenielewa kuhusu chela che upwagha!'' Kisha akawoka akayenda kunja ku uani. Ni likongovi likaveka. ⁶⁹ Lakini ntumishi wi chimbomba pala, akambweni ni akawauza kuvapwaghi kaveti vala ambau vakayi vayemi pala, ''Mundu ayo ni yumu wau!'' ⁷⁰ Lakini akakana kaveti Baadayi pachokopi vala vavakakayi vayemi pala vakayi vampwaghila Petro, ''Hakika wenga ni yumu wao, ndave wenga kave ni mgalilaya.'' ⁷¹ Lakini akatumbu kuviveka mweni pahiyi laana nu kulapi, ''Ngache tumanyi mundu oyu yomumugha.'' ⁷² Kisha likongovi likaveka mala yika kaveli Petro akakombuka malovi ambayu Yesu yaakavi ampwaghili, ''kabula likongovi ngakuveka mbala mbili, yoya unganiki mala tatu.'' Ni akahauka pahi nu kulela.