¹ Yesu paakavi ayenda kuwoka mwanafunzi yumu waki akandalukii mwalimo lolikya maganga haghagha ya kukangacha na majengo. ² Akavapwaghi ughawona majengo aghagha makolongwa? njeta liganga limu lemuntilihighalya panani ya lenge ambalo ngavalihahuwi pai. ³ Nayombo paayili atemi panani ya chitumbe cha mizeituni kunyuma ya likanisa Petro, Yakobo, Yohana na Andrea vakandaluki kwa sile. ⁴ Tupwaghila mambo agha na ghavya lile? Ni kiki dalile ya mambo nga kupitalila?'' ⁵ Yeso akatumbu kuvapwaghila makine ngati mundu yoakapi nga akampotosa. ⁶ Vanawingi navahika kwa lihina lango napwagha, nenga nde nepane na namuntiavahoaye vanawingi. ⁷ Pamunti njowana ngondu na tetesi ya ngondu mkojoghopa mambu hagha ngachegavii na bude kupitilila ndandi mwisho ukona. ⁸ Litaifa nalijinuka kinyume na litaifa lenge na ufalme na ufalme kunyume na ufalme na anakuya na mnyukunyuku pandu patali patali na injala Akoo ni kutumbula kwa utungo. ⁹ Muvyaa muhu navapeleka mpaka mumabalaza na kundapu mu masinagogi vanjemika palongolo yi vitawala na vafalume kwa ajili yango ngati ushuhuda kwawo. ¹⁰ Nambu injile lazima itumbula kuhubiliwa kwa mataifa ghoa. ¹¹ Pamunti vakamula na kumpeleka mkayoghopa kupetela chila chemunti pwagha mkati ya muda wonowo napata kiki cha kupwagha ngamikuvi mwenga mumutindongilaje bale Roho ihuhu. ¹² Ndongu naatakila ndongo kunkoma Atati na mwana wake vana vavayema kinyume cha akatati vao na kuwasababishi kuuawa. ¹³ Na vatolayi na kila mundu kwa ndandi ya liina lango nambu yoamuntiainyikya mpaka pa mwisho mundu oyu na aokukaye. ¹⁴ Pamunti muliwona lihakalilo la uhakao lijemi pala pangakupalika kujema (Joasomaye amanyaye) nde vavajii mkati ya yuda vakembilya kuitumbi. ¹⁵ Nanjongi joavii panani ya nyumba akahuru ka pai ya nyumba au kutola chokapi chechivii konja. ¹⁶ Na yoavii kungonda akawuya kutola ingovu yake. ¹⁷ Lakini ole wawo vakambomba vavayi na itumbo na vavyongea kupete machova ghanagha. ¹⁸ Ndovaje ngato ikapitili kipindi cha imbepu. ¹⁹ Ndandi kuvya na mangaiku makolongwa ambayo ngacheghawahiki kupitali kutumbu Chapanga kuuwomba ndema, mpaka saino njeta wala ngaipitali kavete. ²⁰ Mpaka Bambo pamuntiapunguza machova njeta ihyegha womuntiuokuka nambu kwa ndandi ya vateule vamuntiachangulika, navapunguzya nambu hya machova. ²¹ Wakati awo ngati mundu yoakapi nampwaghika mlinga kilisitu ayi pamba au mlinga avii pala mkaamine. ²² Ndandi vakilisitu va ichole na manabii va ichole vapitiliayi na kuwoa ishala ni maajabu ili ngati vavakonga yamukini hata vateule. ²³ Muvyaa mihu? niyomwa kupwaghik hagha ghokapi kabula ya wakate. ²⁴ Lakine baada ya mang'aiko ya machova ghaghaika lyova laliyingila lovendo mwehi ngauwohi mwanga wake. ²⁵ Ndondu yaawuki kuwoke kunani na makili ghaghayi kunani na ghanyukanyuka. ²⁶ Nde vamutumumbona mwana waka mundu ahika kumawingu kwa makili makolongwa na utukufo. ²⁷ Nde naatuma malaika vake na kuwongana papamo vateule vake kuhuma ipande ikolongwa nchechi ya pundema, kuwoke kumwishu wa ndema hadi kumwishu wa kunane. ²⁸ Kwa nkongu muliwolaye ngati limbande leliweza kuliwoa na kuveka inyata mahamba ghake nde namumanya ulumakiheghalile. ²⁹ Velavela pamuntu mbona mambu hagha ghapitali mmanyi kuva ayii pambipi ³⁰ Chakaka nupwaghi, luveleko lundo ngakipendi kutali kabuli ya mambu agha ngakupitila. ³¹ Kunani na pandema na papeta nambu malovi ghango ngaghapeti chakaka. ³² Ndandi kupete lichova heli au lisaa, njeta joamanyi hata malaika wa kunani wala mwana, ila Atati. ³³ Muvyaa mihu. Mulinga kwa ndandi ngachemmanya wakati wole paghapitilila (Muzingatya mustale wombo muvya ngache muyii mu nakala ya zamani). ³⁴ Ni ngati mundu yoayenda mumwanja aileka nyumba yake, na kumbeka katumitumi wake kuva yoatawala nyumba, kila mundu na lihengu lake. Na kuamilisha yoalenda avya mihu. ³⁵ Kwa vela muvyaa mihu ndandi ngachemumanyi ni lili Bambu wa nyumba paamuti awuya kunyumba iwezekana chimihi ikilu pamahiku, chipindi likongovi pamuntiliveka, au palukyela. ³⁶ Ngati naahikiki kwa kushutuki akakuketenela ughoni. ³⁷ Chela chembwagha kwako, nikipwagha kwa kila mundu muvya mihu''!