¹ Chikahi sabato payayomuka, Mariamu Magdelena ni Mariamu amawu vaka Yakobo, ni Salome, vakahemi manukato manyahi, ili vaweza kuhika nu kuipaka mahuta shega yika Yesu kwa ajili yi maziku. ² Lukela pakuchila lichova la kwanza vakayenda ku litengeli chikahi lyova palichomuza. ³ Vakasemezana veni kwa veni, "Nane yoalihingilya iliwu kwa ajili yitu ili tuyingila mulitengele?" ⁴ Chikahi pavalola, vambona mundu ayomwi kulihingaliha iliwu, ambalu likavi likolungu petu. ⁵ Vakayingi mu litengeli nu kumbona nkombu ahweti johu lihuhu, atemi upandi wuku malelelu, ni vakangichi. ⁶ Akavapwaghila, "Makayoghopa, Mundola Yesu, wuku Nazaleti, yoakasulibiwi. Ahyokike! Ngache avi pane.Mulola mahala pala pavakavi vambekiki. ⁷ Njendayi makavapwaghila vanafunzi vaki ni Petro yi kuwa avalongulili kuyelekeha ku Galilaya. Konoku mambona, ngati moaka avapwaghile.'' ⁸ Vakawoka nu kukembela kuhuma kolivi litengeli; vakavaghiyi nu kukangachwa. Ngache vavahiti chokapi kwaka mundu yokapi ndandi vakayoghipi ngamaha. ⁹ Pulukyela mu lichova la kwanza yi wiki, baada yi kuhyoka, akamboki kwanza Mariamu Magdalena, ambayi kuhuma kwaki ambohiti mapepo saba. ¹⁰ Akawoka nu kuvapwaghila vala ambawu vakavi papamu niyombi, chikahi pavakavi vahuzunika ni kuwoha maholi. ¹¹ Vakayowini ngati yuvi momi ni awonakini niyombi, nambu ngachevakamwamine. ¹² Baada yi yanaya, akapitali kwa ntundu tofauti kwa vandu vangi vaveli, chikahi pavakavi vatembela kuhuma mu ndema. ¹³ Vakayenda nu kuvapwaghila vanafunzi vangi vavakahighalili, nambu ngachevakavaamine. ¹⁴ Yesu akapitali kwa vala kumi ni yumu pavakavi vayeghamani ku meza, ni akavakemeha kwa kwanga kuamini kwawu ni ugumu wu mitima, kwa ndandi ngachevakavaamini vala vavakambweni baada yi kuhyoka kuhuma kwa wafu. ¹⁵ Akavapwaghila, "Njendanya ulimwenguni moha, nu kuhubili injili ku viumbe vyoha. ¹⁶ Yokapi yoaamina nu kubatizwa aokoliwa, ni yola ywangakuamini ahukumiwa. ¹⁷ Ishala yenjenu yayiambatana ni voha vavamini. Kwa lihina lango vawoayi pepo.Vavaha kwa lugha mupya. ¹⁸ Vakamula majoka kwa mawoku yawu, ni hata vanywa chindu chokapi chu kufisha ngakuvadhulu. Vaveka mawoku kwa vavalwala, nawu vava vazima." ¹⁹ Baada yika Bambu kuvaha nawu, akatolakiki panani kunani ni atemi chiwoku chi malelelu chaka Chapanga. ²⁰ Vanafunzi vakawoka nu kuhubili kila mahale, chikahi Bambo atenda lihengu nawu nu kulisibitisha lilovi kwa miujiza ni ishala yifuatana nawu.