¹ Kwa vela mwalongu tinpekeha makiti ya kundova kwaka yesu kristu ngati mo mwayopalili utenga kuhuma kwtu moipalikila ni kuntenda Chapanga atavolila , kwa ndela ye kawe npalika ni kuhenga muni muni. ² Maghambu mumanya mpalika ntenda chindu voli chetinpekihi kuhumi kwa Bambu yesu ³ Maghambu aya ndi yapala Chapanga uhuhu vinu kuyegha mulekangana na zinaa. ⁴ Kuyegha ayiyoha amanya katamike ni mhanu vaki pa uhuhu ni kuyinika. ⁵ Ukakuva ni mbomba mambu ya kapali ka hyegha (ngti milema yangakumanye Chapanga). ⁶ Akakuva mundu va kuhombaa mipaba ni kuhoke ndongu vaki pa nani yake. mambu Bambu ndi yo kehelevuha kisasi kwa hindu hyoha, ngati motilenguli kunkelehuha ni kushuhudia. ⁷ Mambu Bambu ngapa atolohili mahakahu ile kwa uhuhu. ⁸ Kwa vela yolikana aleli, ngapa akana vandu il abkana cahapanga yo apekeha lihoku lihuhu lake. ⁹ Kuhumi muchipalano va chilongu, ngache kulengenela mundu ayoyola kukulembela ndandi movalakiki ni Chapanga kupalana mwaveni kwa mwaveni. ¹⁰ Chakaka mwatendiki yohapi haya kwa chilongu vavayi ku makodonia yoha, ila tindova mwalongu ntenda kupelela. ¹¹ Tindova motukalila kutama ya kuhindamana, kuhonga palela mahengu yinu, ni kutenda mahengu kwa mavomu yinu, ngati mo ti utemuli. ¹² Tenda ayaye kusudi laki muliyendiha vichu ni linyinku kwa kwa wa vavayi kunja ya imani, kusudi laki muhakahu ni mapungulu ya chechipalika chiyichoha. ¹³ Nga patipala mulipalila kumanya chango cha chakaka, mwe m2alongu pa nani ya va vayomwiki, kusudi laki mwahyima ngati vangi wanga kuamini pa nani ya chikahi chechihika. ¹⁴ Ngati tiyetekela kuyegha yesu akuwhili ni kuhyoka kaveli, ni mokuyeli Chapanga haki aleta papamu ni Yesu, awa vavahwili mambu ya yombi. ¹⁵ Mambu yayaya timpwaghila mwenga kwa lilovi laka Bambu, kuyegha tenga tetekwana vomi,tehaketiyaye chikahi cha kuhika bambu, chakaka ngatalongola va vahwili. ¹⁶ Mambu Bambu mwene ahelila kuhumo kumahundi ahika ni sauti ikolongwa papamu ni sauti yaka ntumitumi nkolongwa, papamu ni parapanda yaka Chapanga na va vayomwiki kwa lihina laka kristu ndiyo wahyoka hoti. ¹⁷ Ni tenga tetikona vomi, tetihinghali taya papamu mumahundi kunjopalela Bambu kunani kwa ndela ye taya ni Bambu machova yohapi. ¹⁸ Kwa vela npepi hana mwaveni kwa mwaveni malovi yanja.