¹ Kwa vela patalepatili kuhinakila muni, tahola mbanga takayi lihighalilo oa ku athene kayika yitu. ² Tandumiki thimotheo, nganya vitu ni ntuniki waka Chapanga kwa lilovi laka kristu, kwa yemekeha ni kwa pepeha kuhumi muchiha chitu. ³ Tatendi vana nangeni yitu kukuva ni mundu ayiyoha wa kuhola kuhuma mu mahangaiko aya, mambu veni vamanya kuyegha tiyomwi kuhaulika panani yache. ⁴ Kwa chakaka chikahi chetayi papamu ni mwenga , tayomwi kwa pwaghila kuhyegha tiyo piki mahangahiko, niyaya yahikiti ngati mo mumanyia. ⁵ Mambu yaya pana lepalili kuhina kaveli, vatumiki kusudi nimanyi muyemi kwa, niholalela yondengika yola ahika kundenga, ngati hakimhotoli ni libengu likakuva lavaka. ⁶ Mumanya Thimotheo ahikiki kwitu tenga kuhumi kwinu mwenga nikuletela utenga unyahi panani ya imani ni chipalanu chinu, akatipwaghili niyi maholalelu manyahi pa nani yitu. ⁷ Ni mutokolela kutivona ngati te netu ngati moti pali kumbona mwenga mambu yanja, valongu tateonyaviki ni mwenga mambu cha imani yinu, pa mahangiku ni matesu yitu yoha. ⁸ Kwa henu litema ngati hakimu yemakiha vichu kwaka Bambu. ⁹ Haki tinchengula voli Chapanga pa nani yinu mwenga, kwa kutovole koha koti yi naku pa nani yaka Chapanga ni pa nani yinu? ¹⁰ Tilova muni muni kilu ni ni muhi kusudi tivezi pavona pamihuyinu ni kunjonjekeha chechelepalika mumitima. ¹¹ Chapanga vitu ni tati vitu mwenu ni Bambu vitu yesu alilongohi ndela yitu tihiki kwinu. ¹² Ni Bambu antende muyonjekeheki ni kupelela katika kumpala, anampaliki ni kwa pala vandu voka, ngati moti utenda mwenga. ¹³ Ni atende anana ili kuhoha mitima yinu ya changa kulangiha ngonji pa uhuhu pa mihu ya ka Chapanga vitu tati vitu kwa mahikilu yaka Bambu yesu papamu ni vahuhu vaki voha.