¹ Mambu mwe mwa veni mumanya, mwachilongu, kuhyegha mahiki yitu ngapa yakayi ya vaka. ² Mumanyi kuhyegha pa kutumbulila tang'a hiki ni vatendiki cha honi kufilipi, ngati che mumanyi takayi ni makili yaka Chapanga mu mahangaiku yana vingi. ³ Mambu malongolelu yitu ngapayahumi mu uhakaho, vala pa uchafu, ni vela pa hila. ⁴ Pa malu yakingati vela moteyetakiki ni Chapanga ni kwamini lilovi laka Chapnga ni ndi moti pwaghi. tivaha ngache towololela vandu, ila kuntovoleha Chapanga yombi kayika yaki ndiyo yoivalalila mitima yitu. ⁵ Mambu ngapatalongi malovi ya kulikoha chikahi choha, ngati momumanyila ngache mwalongi upuhi, kwa tamaa Chapanga mboni vitu. ⁶ Ni ngapatapaliki uhuhu kwa vandu hata kuhumi kwinu au kwa vangi takayi tihotwi kuyomalekeha, ngati vavalivolava kristu. ⁷ Pa malu yaki ta poli pa mihu yinu, ngati mavu mo atende vana vaki mwene. ⁸ Mambu cha ye takayi ni chipalano kwinu mwenga takayi ni ntima vumu va kuva na papamo ni mwenga nga maghambu ya lilovi laka Chapanga ila kwa vomi vitu tavene. ndandi mukayi va kupalika vitu. ⁹ Maghambu mwachilongu, mokambaka lihengu ni kung'ahika kwihi kilu ni muhi tihengila lihengu maghambu tikambona ayi yoha chikahi che hichi tinpekiha lilovi laka Chapanga. ¹⁰ Mwenga mwa mboni, Chapanga ni kwa uhuhu wa ntundu vola, vaki, changa lavana motayendi taveni pa mihu yinu mwenga mwe muyetekela. ¹¹ Ve vela vela, mumanyi kwa utundu vo kwa kila mundu, ngati atati mo va yeli kwavana vavu chetakingiti na kwa pekehamakili takayi yamboni. ¹² Kuyi mupalikika matunda ngati mo uyeli uliheke vinu kwaka Chapanga yo andohiki ku ubambu ni uhuhu vaki. ¹³ Mambu cha vela tinchungu Chapanga chikahi chiyichoha. mambu chikahi che muyopika kuhuma kwitu utenga va ka Chapanga vo mwayohini, ngache mwayopalili ngati lilovi laka mundu. pa malu yaki mwaliyopalili ngati chakaka lelitelingu pa mihu yinu mwemuyetekili. ¹⁴ Henu mwenga mwachilongu, muya mwa vandu vakuyihika mumakanisa yaka Chapanga yaya yi kuuyahudi kwaka kristu yesu mambu mwenga mwang'ahiki kuhumi hindu hyehyela kuhumi ku vandu winu, ngati mo kwa yeli kuhumi kwa wayahudi. ¹⁵ Wakayi wayahudi ndi vavankomiki Bambu Yesu papamu na ka chilota, wayahudivatitopwihi tipita kunyai ngache wantovoleha Chapanga ni kweli ni valovu kwa vandu voha. ¹⁶ Wakati hivalekihi tikalongela ni va chindema kusudi laki vavezi kwa kombola chechetenda kiki, wakona wakatenda mahoku yavu, pa kuyomo kwaki mahyome yaki ika hika panani yavu. ¹⁷ Tenga, mwachilongu talekini ni mwenga kwa chikahi chiyipi, chinyegha, nga chi Roho tatendiki kwa kuhoto kwitu ni kwa kutkolelanganila, kwa kuivona ngapi hinu. ¹⁸ Maghambu tipalika kuhika kwinu ,nenga na pawolo kwa nankamu ni kwa kavela, ila muhoka akatihivalakihi. ¹⁹ Maghambu kulipekeha makili yitu ni kiki kwa machova yapalongi, ayi kuvi kutovolela, au mbambu wa kulichwe mba pa mihu yaka Bambu vitu yesu mahiki yaki? henu mwenga muyi palongi muni kwa vangi. ²⁰ Maghambu mwenga mwa huhu ni chihekelelu chitu.