¹ Henu, kwa malovi ya chikahi ni chikahi, mwalongu, nga nava ya chindu chiyi choha kulembekeka kwinu manganya. ² Maghambu mwe vaveni mumanya chakaka lichova laka Bambu lihika ngati mwihi pahika. ³ Pa vahaha kuyi "kuliyekelela ni vomi" pana hapa uhakahu vahiki chapapu ni ngati mavunilu paya hiki mavu vana chitumbu. ngavayepuki kwa ndela iyi yoha. ⁴ Ila mwenga mwalongu ngapayi muyi muchihi hata lichova lelihika ngati mwihi. ⁵ Ndandi mwavohapi mwenga mwavana va lilangilo ni vana va muhi, tenga nga vana va kilo au mulivendu. ⁶ Kwa henu, tikavonela ngati muvavonela vangi titama muhi ni kuliyemeka. ⁷ Maghambu va vavonela va vonela kilu ni va valoleva valowela kilu. ⁸ Ndandi tenga ta vana va muhi, tiyemi tihwata ngao ya chiha ni chipalano, chipeva cha chona yeyu chakaka kuhomboleka chikahi chechihika. ⁹ Maghambu Chapanga ngapatihavi mumayambu ndandi ya nyela, ile kuyopalele chikombolelu ndela yaka Bambu Yesu kristu. ¹⁰ Yombi ndi yo atiwheli kusudi laki, anatiyi mihu pangi anativoni, alitama papamu ni yombi. ¹¹ Kwa vela, npepihana ni ku chengana mwaveni kwa mwaveni ngati vela montendela. ¹² Mwalongu tindova, mwamanya na kwa pekeha tiyiniku va vatumika pa kati yinu ni va vayi pa nani yinu kwaka Bambu ni va vanpekeha malovi. ¹³ Tindova kaveli mwamanya ni kwa yiniko kwa chipalano maghambu ya lihengu lavu, muya ni liyeku pa kati mwaveni. ¹⁴ Tindova mwalongu, mwakalipila vanga kuyenda mundela yangakupalika, mwapekiha makili va vatondiki, mwayangatla va vayi pahi ni muya va kukangamala kwa voha. ¹⁵ Mulola akakuva mundu ayiyoha yolepe chihakahu kwa chihakahu kwaka mundu ayi yoha, mayomokelu yaki ntenda yaya yi manyahi kwa kila mundu vinu ni kwa vandu voha. ¹⁶ Mutovulila machova yoka. ¹⁷ Mulova changa kukotoka. ¹⁸ Munanchungula Chapanga kwa kila chindu maghambu ayaye ndiyo mapalanu yaka Chapanga kwinu mwenga pa mihu yaka Yesu kristu. ¹⁹ Mka nchuhuha lihoku. ²⁰ Mka ipepuha lihoku ²¹ Muya tenga mambu yoha mulikamula leli yi linyahi. ²² Muli kwepa le lemulivona lihakahu. ²³ Chapanga va liyeku anjemeleli kwa uhuhu, lihoku. nafsi ni hyegha hivohikika changa livku kwa kuhika kwaka Bambu vitu Yesu kristu. ²⁴ Yombi akolohiki vayolu, ni yombi ni va kuhenga. ²⁵ Mwalongu mutivolovilayi. ²⁶ Mwalamuha valongu voha kwa busu lihuhu. ²⁷ Nindova kepete kwaka Bambu, kuyegha utenga ni uya kwa longu voha. ²⁸ Chiha chaka Bambu vitu Yesu kristu chiya papamu ni mwenga.