¹ Basi munthu mmoji jina lake Lazaro wadali odwala. Wadachokela ku Bethania, muji wa Mariamu ni dada wake Martha. ² Wadali ni Marimu yuyuja wadampaka Ambuye mafuta ni kumpangusa myendo yake kwa machichi yake, ambaye m'bale wake Lazaro wadali ni odwala. ³ Ndeyapo dada anyiyawa adatuma utenga kwa Mpulumusi ni kukamba, "Ambuye, penyani yuja mumkonda wadwala." ⁴ Mpulumusi yapo wadavela wadakamba, "utenda umeneo osati wa kufa, chifuko chake ni kwa ndande ya ufulu wa Mulungu dala kuti mwana wa Mulungu wapate uulu katika umeneo utenda." ⁵ Mpulumusi wadamkonda Martha ni dada wake ni Lazaro. ⁶ Yapo wadavela kuti Lazaro ni odwala Mpulumusi wadakala siku ziwili kuendekela pamalo yapowadali. ⁷ Ndo baada ya ili wadakambila opuzila wake, "tieni Kuyahudincho." ⁸ Opuzila adamkambila, "amwalimu, Wayahudi amauna kuyesa kukubula myala, nawe ufuna kubwela kumenekoncho?" ⁹ Mpulumusi wadayankha, "saa za usana sizili kumi na mbili? Munthu yapo waenda usana siwakosa kujikwala, ndande wapenya kwa mwanga wa usana." ¹⁰ Ata chimwecho, ikakala waenda usiku, wajikwale kwa ndande mwanga palije mkati mwake." ¹¹ Mpulumusi wadakamba vichito ivi, ni baada ya vichito ivi, wadakambila, "bwenji latu Lazaro wagona. Nampho nipita dala kuti nipate kumuucha kuchoka kulitulo." ¹² Nampho opuzila adamkambila, "Ambuye, ngati wagona, siwauke. ¹³ Nthawi ii Mpulumusi wadali wakambilila nkhani za nyia ya Lazaro, nampho anyiio adaganize wakambilila nkhani yogona litulo. ¹⁴ Ndeyapo Mpulumusi wadakambila uzene, "Lazaro wafa." ¹⁵ Nili ni chisangalalo kwa ajili yanu, kuti sinidalipo kuja dala kuti mpate kukulupalila. Tieni kwa iye." ¹⁶ Basi, Tomaso watanidwa pacha, wadakambila opuzila achanjake, "nafe tieni pia tikafe pamoji ni Mpulumusi." ¹⁷ Nthawi Mpulumusi yapo wadaja, wadapeza kuti Lazaro tayari watokata mkaburi siku zinai. ¹⁸ Nayo Bethania idali pafupi ni Yerusalemu ngati kilomita arobaini tano chimwechi. ¹⁹ Ambili katika Wayahudi adaja kwa Martha ni Mariamu kwachezeche kwa ajili ya m'bale wao. ²⁰ Ndekuti Martha yapo wadavela kuti Mpulumusi watokuja, wadapita kupezana naye, nampho Mariamu wadandekela kukala kukomo. ²¹ Ndeyapo Martha wadamkambila Mpulumusi, "Ambuye nati mdakakala pano, kaka wanga siwadakafa. ²² Ata saino, mjiwa kuti lalilonche mulipemphe kuchoka kwa Mulungu siwakupacheni." ²³ Mpulumusi wadamkambila, "kaka wako ahyukencho." ²⁴ Martha wadakambila, "mjiwa kuti wahyuke katika kunyakulidwa siku yotela." ²⁵ Mpulumusi wadamkambila, "ine nde kunyakulidwa ni umoyo, iye wanikulupalila, ata chimwecho wakale walama; ²⁶ Ni iyewalame ni kunikulupalila ine siwafa. Ukulupalila ili?" ²⁷ Wadamkambila, "etu, Ambuye nikulupalile kuti iwe ni Mpulumusi, mwana wa Mulungu iye wakuja katika jiko lonche." ²⁸ Yapo wadakamba ili, "wadachoka ni kumtana dada wake Mariamu kumphepete, wadakamba, amwalimu ali yapa ni akutane." ²⁹ Mariamu yapo wadavela, wadaimuka mwa chisanga ni kupita kwa Mpulumusi. ³⁰ Nae Mpulumusi wadali wadaji wakali mkati mwa kijiji, wadali wakali pamalo wadapezana ni Martha. ³¹ Ndeyapo Wayahudi wadali ni Mariamu katika nyumba ya anyiwaja adali amamtondoze, yapo adamuona waime chisanga ni kuchoka kubwalo, adamchata, adaganizo kuti wapita kukaburi dala wakalile kumeneko. ³² Ndi Mariamu, yapo wadafika paja Mpulumusi wadali wadamuona ni kugwa panchi pamyendo yake ni kumkambilani, "Ambuye ngati mdakali pano, mbale wanga siwadakafa." ³³ Mpulumusi yapo wadamuone walila, ni Wayahudi adaja pamoji ni iye adali amatolila nao, wadadandaula katika mzimu ni kukosa mtendele. ³⁴ Wadakamba, "mwamgoneka kuti? Adamkambila, Ambuye, majani mpenye." ³⁵ Mpulumusi wadalila. ³⁶ Nde yapo Wayahudi wadakamba, "penya umo wadamkondola Lazaro!" ³⁷ Nampho wina kati ayo adakamba, "osati uyu munthuwadayatambasula maso ya yuja wadali osapenye, wadakoze kumchita uyu munthu wasafa?" ³⁸ Ndeyapo Mpulumusi wadali wadandaula mumtima mwakencho, wadapita kuli kaburi chapano lidali jenje, ni mwala waikidwa pamwamba pake. ³⁹ Mpulumusi wadakamba, "uchocheni mwala." Martha mlongo wake ni Lazaro, iye wafa, wadamkambila Mpulumusi, "Ambuye, kwa muda uno tupi likale laola, kwa ndande watokala chitanda kwa siku zinai." ⁴⁰ Mpulumusi wadamkambila, "ine sinidakukambile kuti ngati ukakulupalila, siuwone ufulu wa Mulungu." ⁴¹ Kwa icho adauchocha mwala. Mpulumusi wadapenya maso yakekumwamba ni kukamba, "atate, niyamika pakuti munivela. ⁴² Nidajiwa kuti munivela nthawi zonche, nampho ni kwa ndande ya gulu ambalo laima kunizugulila kuti nayakamba yaya, dala kuti apate kukulapalila kuti iwe wanituma." ⁴³ Baada yokamba yaya, wadalila kwa sauti yaikulu, "Lazaro, maja kubwalo!" ⁴⁴ Wakufa wadachoka kubwalo wamangidwa manja ni myendo kwa nchalu zo zikila, ni kumaso kwake kudamangidwa ni kitambaa, " Mpulumusi wadakambila, "Mmasuleni mumsie wajipita." ⁴⁵ Ndeyapo Wayahudi ambili anyiyao adaja kwa Mariamu ni kuona Mpulumusi wachichita, adamkulupalila; ⁴⁶ nampho akumoji wao adapita kwa Maarisayo ni kwakambila ivo wavichita Mpulumusi. ⁴⁷ Ndipo wakulu akulu anchembe ni Maarisayo adakusanyana pamoji katika pamalo nikukamba, "tichite chiani? Munthu uyu wachita malangizo yambili. ⁴⁸ Ikakala timsia chimwechi iye yoka, onche siamukulupalile, Warumi siaje nikutenga vonche pamalo patu ni jiko latu." ⁴⁹ Ata chimwecho, munthu mmoji kati yao, Kayaa wadali wa nchembe wa mkulu chaka chimwecho wadakambila, "simjiwa chalichonche kabisa. ⁵⁰ Simganizila kuti ifai kwa chiuko chanu kuti munthu mmoji iunika kufa kwa chifuko cha wanthu kuliko jiko lonche kufa." ⁵¹ ya wadayakamba kwa chiuko cha mwene, pambuyo pake, pakuti wadali anchembe wamkulu chaka chija, wadalasa kuti Mpulumusi siwafe chiuko cha jiko; ⁵² Niosati kwa jikope toka, kuti Mpulumusi wapate mumuja kwakusenya wanaa Mulungu anyiyao apatuka malo ina ina. ⁵³ Kwa icho kuyambila siku limenelo ni kuendekela adapanga umo ampele Mpulumusi. ⁵⁴ Mpulumusi wadaendencho padanga kati ya Wayahudi, nampho wadachoka pamenepo ni kupita jiko lili pafupi popanda kanthu katika muji utanidwa Efraimu. ⁵⁵ Basi Pasaka ya Wayahudi idali pafupi, ni ambili amakwela kupita Kuyerusalemu kubwalo kwa muji kabla ya Pasaka dala apate kujichocha chimo achinawene. ⁵⁶ Adali kumfunafuna Mpulumusi ni kukamba kila mmoji yapo adali aime mkamba, "inganizila chiani?" ⁵⁷ Muda uno wakulu akulu anchembe ni Maarisayo adali achoche lamulo kuti ikakala mmoji wajiwe Mpulumusi wali, ifunika kuchocha nkhani dala kuti apate kumgwila.